Maciu 5:4 - Vakavakadewa Makawa

⁴ Sa kalougata ko ira sa dautagi: ni ra na vakacegui.

Ai Vola Tabu (Vakadewa Makawa Vakavoutaki 2021)

⁴ “Sa kalougata ko ira sa dautagi, ni ra na vakacegui.

AI VOLA TABU

⁴ Sa kalougata ko ira sa dautagi: ni ra na vakacegui.

Vakavakadewa Vou kei na iVola tale eso

⁴ “Sa kalougata o ira era sa dautagi; Ni ra na vakacegui.

Ai Vola Tabu Ena Vakavakadewa Vou

⁴ “Sa kalougata o ira era sa dautagi; Ni ra na vakacegui.

Maciu 5:4 Iomraidhean Croise

Aisea 12:1

Ia ko na kaya e na siga ko ya, Au na vakavinavinaka vei kemuni, Jiova, ko ni a cudruvi au eliu, ia sa qai takali tani na nomuni cudru, ia ko ni sa vakacegui au.

Aisea 25:8

Ena vakaotia sara na mate ko koya; ia na Turaga ko Jiova ena tavoya na wai ni mata mai na matadra na tamata kecega; kei na nodra vakalialiai na nona tamata ena kauta tani ko koya mai na dela i vuravura taucoko: ni sa tukuna ko Jiova.

Aisea 30:19

Kemudou ka tiko mai Saioni e Jerusalemi; ko na sega ni tagi tale: ni sa rogo na domo ni nomu tagi, ena lomani iko sara ko koya; ni sa qai rogoca ko koya, ena vosa sara mai vei iko.

Aisea 35:10

Ia ko ira sa vakabula ko Jiova era na lesu mai, ka tadu mai ki Saioni ka sere lako ia ena sa nodra tiko na reki tawa mudu: era na taukena na reki kei na marau, ia na rarawa kei na tagi ena dro tani yani.

Aisea 57:18

A nonai valavala ka'u a raica, ia ka'u na vakabulai koya; ka'u na tuberi koya, ka vakasuka tale vua na vakacegu, vei ira talega na kai nona era sa tagi:

Aisea 66:10

Dou reki vata kei Jerusalemi, ka marautaki koya, koi kemudou kecega sa lomani koya; dou reki vakalevu vata kaya, koi kemudou kecega sa tagicaki koya:

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Isikeli 7:16

A ra na dro ko ira sa dro bula, a ra na tiko e na veiulu-ni-vanua me vaka na ruve ni veibuca, ka dui tagi yadua e na vuku ni nonai valavala ca.

Isikeli 9:4

a sa kaya vua ko Jiova, Mo lako voli yani e na loma ni koro, e na loma i Jerusalemi, ka vola nai vakatakilakila e na yadredra na tamata era sa vutugu ka qoqolou e na vuku ni ka vakasisila kecega sa caka e na loma ni koro.

Sakaraia 12:10

Au na sovaraka talega ki na mataqali i Tevita, kei na kai Jerusalemi, na yalo sa tubu kina na loloma kei na vakamamasu: ka ra na vakaraici au era sa coka, ka ra na tagicaki koya, me vaka e dua sa tagicaka na luvena e dua bauga, ka ra na rarawa sara e na vukuna, me vaka e dua sa rarawa sara e na vuku ni nona ulumatua.

Luke 16:25

A sa kaya ko Eparaama, Na luvequ, nanuma ni ko a rawata na nomu veika vinaka ni ko a bula tiko, sa vaka talega kina ko Lasarusa na veika ca; ia edaidai sa qai vakacegui eke ko koya, ia ko iko, ko sa vakararawataki;

Luke 6:21

Dou sa kalougata, koi kemudou sa viakana edaidai: ni dou na vakamamautaki. Dou sa kalougata, koi kemudou sa tagi edaidai: ni dou na dredre.

Luke 6:25

Dou na ca, koi kemudou sa mamau! ni dou na viakana. Dou na ca, koi kemudou sa dredre edaidai! ni dou na rarawa ka tagi.

Luke 7:38

a sa tu mai dakuna ki yavana, ka tagi, a sa vuya na yavana e na wai ni matana, a sa quaraka e na drau ni uluna, a sa reguca na yavana, ka lumuta e nai lumu.

Luke 7:50

A sa kaya ko koya vua na yalewa, Sa vakabulai iko na nomu vakabauta; mo lako e na vakacegu.

Jemesa 1:12

Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.

Vakatakila 21:4

Ia na Kalou ena tavoya tani kecega na wai ni mata mai na matadra; ia ena sega tale na ciba, se na rarawa, se na tagi, ka na sega tale na vutugu: ni sa takali tani na ka makawa.