Maciu 5:22 - Vakavakadewa Makawa

²² ia koi au, kau sa kaya vei kemudou, O koya yadua sa cudru walega vua na wekana, ena cudruvi koya na mataveilewai: ia ko koya ena vosavakacacataka na wekana, ni sa beitaka me ca, ena cudruvi koya na mataveilewai levu: ia ko koya ena rurulialiataki koya, ena cudruvi e na bukawaqa mai eli.

Ai Vola Tabu (Vakadewa Makawa Vakavoutaki 2021)

²² Ia koi au, ka'u sa kaya vei kemudou, ni o koya yadua sa cudru walega vua na wekana ena cudruvi koya na mataveilewai; ia ko koya ena vosavakacacataka na wekana ni sa beitaka me ca, ena cudruvi koya na mataveilewai levu; ia ko koya e tukuna ni sa lialia ko koya na wekana, ena cudruvi e na bukawaqa mai Eli.

AI VOLA TABU

²² ia koi au, kaʼu sa kaya vei kemudou, O koya yadua sa cudru walega vua na wekana, ena cudruvi koya na mataveilewai: ia ko koya ena vosavakacacataka na wekana, ni-sa beitaka me ca, ena cudruvi koya na mataveilewai levu: ia ko koya ena vosavakacacataka ni sa beitaka me lialia, ena cudruvi e na eli sa waqa kina na buka.

Vakavakadewa Vou kei na iVola tale eso

²² Ia au sa kaya vei kemudou oqo, o koya ga sa cudruva na wekana ena lewai ena mataveilewai; kei koya e vosa beca na wekana ena lewai ena matabose e cake, kei koya sa rulaka na wekana ena lewai ena buka mai eli.

Ai Vola Tabu Ena Vakavakadewa Vou

²² Ia au sa kaya vei kemudou oqo, o koya ga sa cudruva na wekana ena lewai ena mataveilewai; kei koya e vosa beca na wekana ena lewai ena matabose e cake, kei koya sa rulaka na wekana ena lewai ena buka mai eli.

Maciu 5:22 Iomraidhean Croise

Vakatekivu 37:4

Ia sa raica na tuakana ni sa levu na nona loloma na tamadra vei koya, ka lailai vei ira kece na tuakana, ka ra sa qai cati koya, a ra sega ni vosa vinaka rawa vua.

Vakatekivu 37:8

A ra sa kaya vua ko ira na tuakana, Ko na lewa dina beka vei keitou? se ko na veitalia dina beka vei keitou? A ra sa cati koya vakalevu sara e na vuku ni nona tadra, kei na nona vosa.

2 Samuela 16:7

A sa vakarukaka tiko ko Semeai ka kaya, Mo lako tani, mo lako tani, o iko na tamata dauveivakamatei, na tamata ni vu-ni-ca.

2 Samuela 6:20

A sa lesu ko Tevita me vosavakalougatataki ira na nona lewe-ni-vale. A sa curu yani ko Maikali na luve i Saula me tavaki Tevita, a sa kaya, Sa lagilagi na tui Isireli edaidai, ne! o koya ka luvata na nonai sulu e matadra na vada ni nona tamata, me vaka sa luvata votu na nonai sulu e dua vei ira na tamata lialia.

1 Tui 21:4

A sa la'ki curu ki nona vale ko Eapi, a sa yalobibi ka yaloca e na vuku ni vosa ka vosataka vua ko Nepoci na kai Jesirieli, ni sa kaya ko koya, Au na sega ni solia vei iko na nodra i votavota na noqu qase. A sa davo sobu e na nonai mocemoce, ka vagolea tani na matana, a sa bese ni kana.

2 Veigauna 16:10

Sa qai cudru sara ko Esa vua na rairai, ka sa biuti koya ki na vale ni veivesu; ni sa levu na nona cudru vua e na vuku ni ka oqo. Sa vakasaurarataka talega ko Esa eso vei ira na tamata e na gauna ko ya.

2 Veigauna 19:5

A sa lesia na turaga ni lewa eso e na vanua e na veikoro vakabai kecega e Juta, e na koro yadua.

Niemaia 5:8

Ia ka'u a kaya vei ira, Me vaka na ka keimami sa rawata, keimami sa vakabulai ira na wekada na Jiu, ko ira era sa volitaki eliu vei ira na veimatanitu tani; ia dou na qai volitaki ira li na wekamudou; se ra na volitaki mai vei keda? Era sa qai galu, ka sega na ka me ra kaya.

NA SAME 109:3

Era sa vakavolivoliti au e na vosa ni veicati; Ka veivala kei au ka sega na vuna.

NA SAME 14:1

Sa kaya e lomana na tamata lialia, Sa sega na Kalou. Era sa ca sara, era sa kitaka nai valavala velavela, Sa sega e dua sa caka vinaka.

NA SAME 25:3

Ena sega talega e dua na waraki kemuni me madua kina: Ko ira ga era talaidredre walega era na madua.

NA SAME 35:19

Me ra kakua ni reki e na vukuqu ko ira na noqu meca ni sa sega na vuna; Me ra kakua talega ni katariva ko ira era cati au walega.

NA SAME 37:8

Kakua so ni cudru, biuta ga na daulesavi; Kakua ni vakararawataki iko mo cala kina.

NA SAME 49:10

Ni sa kunea ko koya era mate ga na tamata vuku, Ka sa rusa vata talega na lialia kei na tamata sese sara, Ka laiva na nodra i yau vei ira na tani.

NA SAME 69:4

Ko ira era sa cati au walega era lewe vuqa ka lailai na drau ni uluqu: Era kaukauwa ko ira era sa via vakarusai au, ni ra sa noqu meca walega: Au a qai vakasuka tale na ka ka'u a sega ni kovea.

NA SAME 7:4

Kevaka ka'u a saumi koya e na ca keirau a tiko vinaka kaya; (Ia, ka'u a vakabulai koya sa noqu meca ni sa sega na vuna:)

NA SAME 92:6

A tamata yalovakamanumanu sa sega ni kila; Kei na tamata lialia sa sega ni vuku rawa e na ka oqo.

Vosavakaibalebale 14:16

O koya sa vuku sa rere, ka sa lako tani mai na ca: Ia na lialia sa cudru, ka sa via qaqa.

Vosavakaibalebale 18:6

A tebenigusu ni tamata lialia sa goleva na veileti, Ia na gusuna, sa kere kuita.

Jeremaia 17:11

Me vaka na toa ni veikau sa saulaka na yaloka sa sega ni vakalutuma; sa vakakina ko koya sa kumuna nai yau, ka segai e nai valavala dodonu, ena laiva ga ko koya e na veimama ni nona bula, ia e na kenai otioti ena tamata lialia ga.

Lele i Jeremaia 3:52

Era vakasavi au sara na noqu meca, me vaka na manumanu vuka, ka sega na vuna.

Taniela 3:13

Sa qai cudru ka nini ko Nepukanesa ka sa vakarota me ra kauti iratou mai ko Setareki, kei Mesaki, kei Apeti-niko. Sa ra qai kauti iratou mai na tamata oqo vua na tui.

Taniela 3:19

Sa qai cudru vakalevu sara ko Nepukanesa, ia sa dua tani mai nai tovo ni matana vei Setareki, kei Mesaki, kei Apeti-niko: ka sa vakarota ko koya, me vakatakatataki na lovo me uasivi cake vakavitu na kena daukatakata.

Opetaia 1:10

E na vuku ni nomu i valavala kaukauwa vua na tacimu ko Jekope, ko na luvuci sara e na madua, ia ko na muduki laivi ka tawa mudu.

Opetaia 1:12

Ia mo kakua ni vakaraica na kena siga na tacimu e na siga sa yacovi koya kina na ka tani; mo kakua talega ni marau ni yaco na ca kivei Juta e na siga ko ya; mo kakua talega ni vosa vakaviavialevu e na siga era rarawa kina:

Maciu 10:17

Ia dou qarauni kemudou mai vei ira na tamata, ni ra na soli kemudou yani ki na mataveilewai, a ra na vakanakuitataki kemudou e na nodra veivale ni lotu;

Maciu 10:28

Ia kakua ni rerevaki ira era sa vakamatea na yago, a ra sega ni rawata me ra vakamatea na yalo; ia dou rerevaki koya ga sa rawata me vakarusa na yalo kei na yago talega mai eli.

Maciu 12:24

Ia ni ra sa rogoca ko ira na Farisi, era sa kaya, O koya oqo e sega ni vakasevi ira na tevoro e na ka tani, e na kaukauwa ga i Pielisipupi na nodra turaga na tevoro.

Maciu 17:5

Ni sa vosa tiko ko koya, raica, sa dua na o lumilumisa sa vakarurugi iratou: ka raica, sa rogo e dua na vosa mai na o, sa kaya, Oqo na noqu Gone ni toko, au sa dauvinakata vakalevu; dou vakarogoci koya.

Maciu 18:21

Sa qai lako mai vua ko Pita, ka kaya, Noqu Turaga, mei valavala ca vakavica mada vei au na wekaqu, kau kakua ga ni cudruva? me vakavitu?

Maciu 18:35

Ena kitaka vaka talega kina vei kemudou ko Tamaqu vakalomalagi, kevaka dou sa sega ni dui sereki ira na wekamudou, mai na vu ni yalomudou, mai nai sau ni nodra caka ca.

Maciu 23:15

E ca vei kemudou, na vunivola kei na Farisi, na dauveivakaisini; ni dou sa lakova na wasawasa kei na vanua mo dou vukica e dua me lotu vakataki kemudou; ia ni sa rawa, dou sa cakava me luve ni eli me uasivi vakarua vei kemudou.

Maciu 23:33

Na gata, a luve ni gata loaloa! dou na dro rawa vakaevei mai na cudruvi mai eli?

Maciu 25:41

Ena qai vosa talega ko koya vei ira e na ligana i mawi, Ni lako tani vei au koi kemuni sa cudruvi, ki na bukawaqa tawa boko, sa vakarautaki me nona na tevoro kei na nona agilose:

Maciu 26:59

Ia ko ira na bete levu, kei ira kecega na mataveilewai, era vakasaqara eso me ra mai beitaki Jisu vakailasu, me mate kina ko koya:

Maciu 3:17

ka raica, sa dua na domo mai lomalagi, sa kaya, O koya oqo na noqu Gone ni toko, au sa dauvinakata vakalevu.

Maciu 5:34

ia koi au, kau sa kaya vei kemudou, Dou kakua sara ni bubului: kakua, ki lomalagi; ni sai tikotiko vakaturaga ni Kalou:

Maciu 5:44

ia koi au, kau sa kaya vei kemudou, Dou lomani ira na nomudou meca, vosa vinaka vei ira sa rukaki kemudou, caka vinaka vei ira sa cati kemudou, ka masulaki ira sa vakalialiai kemudou, ka vakacacani kemudou;

Marika 14:55

Ia ko ira na bete levu, kei ira kecega na mataveilewai, era vakasaqara eso me ra beitaki Jisu, me mate kina ko koya; a ra sa sega ni kunea:

Marika 15:1

Ia e na mataka era sa qai bose vata ko ira na bete levu kei ira na qase kei ira na vunivola kei ira kece na mataveilewai, ka vesuki Jisu, ka kauta tani, ka solia vei Pailato.

Luke 12:5

Ia ka’u sa tukuna vei kemudou se ko cei mo dou rerevaka: Dou rerevaki koya sa rawata me vakamatea, ka oti sa rawata talega me biuta ki eli; io, au sa kaya vei kemudou, Dou rerevaki koya.

Luke 22:66

Ia ni sa siga na vanua, era sa soqoni vata ko ira na nodra qase na tamata kei ira na bete levu kei ira na vunivola, a ra sa kauti koya ki na nodra vale ni veilewai, ka taroga,

Joni 11:47

Sa qai soqoni vata ko ira na bete levu kei ira na Farisi me ra bosea, a ra sa kaya, A cava mada me da kitaka? ni sa cakava na cakacaka-mana e vuqa na tamata oqo.

Joni 15:25

me vakayacori kina na vosa ka volai e na nodra vunau, Era sa cati au walega.

Joni 7:20

Era sa vosa na lewe vuqa, ka kaya, Sa curumi iko e dua na tevoro: ko cei sa via vakamatei iko?

Joni 8:48

Era sa qai vosa ko ira na kai Jutia, ka kaya vua, Sa sega li ni keimami kaya dina, ni ko sa kai Samaria, ka sa curumi iko e dua na tevoro?

Cakacaka 17:18

Sa qai veileti kaya, eso na nodra vuku nai tokani i Epikuro, kei ira na Sitoike. Ka sa kaya eso, A cava mada sa via kaya o la na dauvosa oqo? eso tani, Ko koya oqo sa vaka e dua sa vakatakila mai eso na kalou vou: ni sa vunautaki Jisu vei ira ko koya, kei na tu cake tale mai na mate.

Cakacaka 22:30

Ia e na mataka ni sa via kila ko koya na kena dina ni ka era sa beitaki koya kina ko ira na Jiu, sa sereka na kenai vesu ko koya, a sa kaya vei ira na bete levu kei na nodra mataveilewai kecega me ra lako mai; a sa qai kauti Paula sobu, ka vakatura e matadra.

Cakacaka 23:1

A sa vakaraici ira matua na mataveilewai ko Paula, ka kaya, Oi kemuni na veiwekani, au sa muria tiko ka yacova na siga oqo na ka ka’u a nanuma sa dodonu e na mata ni Kalou.

Cakacaka 24:20

Se me ra tukuna ko ira oqo, kevaka era sa kunea e dua na ka ca vei au, ni’u sa tu e na matadra na mataveilewai,

Cakacaka 4:15

Ia ni ra sa vakatalai rau me rau lako tani e na vale ni veibose, era sa qai bose vakai ira,

Cakacaka 5:21

Ia ni ratou sa rogoca, eratou sa curu ki na vale ni soro, ni sa kida na mataka, ka vakatavuvuli. A sa lako mai na bete levu, kei ira era sa dautiko vata kaya, a ra sa vakasoqoni ira vata na mataveilewai, kei ira kecega na nodra qase na luve i Isireli, a ra sa tala eso ki na vale ni veivesu me kauti iratou mai.

Cakacaka 5:27

Ia ni ratou sa kauti iratou mai, eratou sa vakatura e na matadra na mataveilewai: a sa tarogi iratou na bete levu,

Cakacaka 6:12

A ra sa vakauqeti ira na tamata, kei ira na qase, kei ira na vunivola, a ra sa lako vakaukauwa vua, ka taura, a ra sa kauta vei ira na mataveilewai,

Cakacaka 6:15

Ia ko ira kecega sa tiko e na vale ni veilewai, ni ra sa vakaraica matua, era sa raica na matana ni sa tautauvata kei na mata ni agilose.

Cakacaka 7:37

Ko Mosese oqo sai koya ka kaya vei ira na luve i Isireli, Ena vakatubura kivei kemudou ko Jiova na nomudou Kalou, maivei ira na wekamudou, e dua na parofita me vakataki au.

Roma 12:10

Dou veilomani sara e na veilomani ni veitacini; dou veiuasiviti e na veivakarokorokotaki;

1 Korinica 6:10

kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove, era na sega ni rawata na matanitu ni Kalou.

1 Korinica 6:6

a ra sa lako na veiwekani me ra veilewai, io, e na matadra era sa sega ni vakabauta?

Vakarua 15:11

Ni na sega ni mudu na tamata dravudravua mai na vanua: o koya ka'u sa vakaroti kemuni kina, ka kaya, Mo ni dedeka sara na ligamuni vua na wekamuni, ki na nomuni tamata wale; kei na nomuni tamata dravudravua, e na nomuni vanua.

Vakarua 16:18

Mo ni lesia vei kemuni eso na turaga ni lewa kei na ovisa e na nomuni koro kecega, sa solia vei kemuni ko Jiova na nomuni Kalou, e na nomuni veimataqali: a ra na lewai ira na tamata e na lewa dodonu.

1 Cesalonaika 4:6

me kakua e dua me laki lawaki ca se vakacacana na kai nona e na ka oqo; ni sa cudrutaka na ka kecega oqo na Turaga, me vaka talega ni keitou a vakasalataki kemudou kina eliu ka dautukuna.

Vei Taito 3:2

me ra kakua ni vosavakacacataka e dua na tamata, me ra kakua ni veiba, me ra yalomalua, me ra sa yalolokomi sara vei ira kecega na tamata.

Iperiu 12:25

Dou raica, mo dou kakua ni bese vua sa vosa. Ia kevaka era a sega ni dro bula ko ira era a bese vua sa vosa e vuravura, ena dredre vakalevu cake vei keda, kevaka eda sa vuki tani mai vua sa vosa mai lomalagi:

Iperiu 5:9

ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua;

Jemesa 2:20

O sa via kila beka, o iko na tamata sesewa, ni sa mate ga na vakabauta ni sa sega na cakacaka:

Jemesa 3:6

ia sa bukawaqa na yameda, a ka taucoko ni ca: sa vakakina na yameda e na veitiki ni yagoda taucoko, a sa vakacaudreva nai valavala kecega ni yagoda; a sa vakacaudreva oqori ko eli.

1 Pita 2:23

ni sa vakasewasewani ko koya, sa sega tale ni ia na veivakasewasewani; ni sa vakararawataki tiko, sa sega ni vosavakacudrucudru; sa laivi koya ga vua sa lewa vakadodonu:

1 Pita 3:9

kakua ni veisausaumitaka na ca, se ia tale na veivakasewasewani; ia dou dua tani, dou vosavakalougatataka ga: ni dou sa kacivi me vakakina, mo dou rawata na ka e veivakalougatataki,

1 Joni 2:9

O koya sa kaya sa tu e na rarama, ka sa cata ga na wekana, sa tu ga e na butobuto ka yacova na siga oqo.

1 Joni 3:10

E na ka oqo sa rairai kina ko ira na luve ni Kalou, kei ira na luve ni tevoro: sa sega ni luve ni Kalou ko koya yadua sa sega ni ia tiko nai valavala dodonu, se ko koya sa sega ni lomana na wekana.

1 Joni 5:16

Kevaka e dua na tamata sa raica na wekana ni sa ia nai valavala ca sa sega ni yaco kina na mate, ena masulaka, ia na Kalou ena solia vua na bula me nodra era sa sega ni ia nai valavala ca sa yaco kina na mate. Sa tu nai valavala ca sa yaco kina na mate; au sa sega ni kaya me masu e na vuku ni ka ko ya.

Ai Vola I Juta 1:9

Io ko Maikeli na agilose ka uasivi, ni sa veileti tiko kei na tevoro, ka veiletitaka na yago i Mosese, sa sega ni doudou me vosavakacacataki koya, sa kaya ga, Me cudruvi iko na Turaga.

Vakatakila 20:14

Ia ko mate kei bulu talega erau sa biu ruarua ki na drano bukawaqa. Sai koya oqo nai karua ni mate, io na drano bukawaqa.