Maciu 5:18 - Vakavakadewa Makawa

¹⁸ Niu sa kaya vakaidina vei kemudou, Ena takali mada ko lomalagi kei vuravura, ia ena sega ni takali mai na vunau e dua na mata-ni-vola lailai se dua na tikina lailai sara, ena yaco mada kecega.

Ai Vola Tabu (Vakadewa Makawa Vakavoutaki 2021)

¹⁸ Ni'u sa kaya vakaidina vei kemudou, ena takali mada ko lomalagi kei vuravura, ia ena sega ni takali mai na vunau e dua na mata-ni-vola lailai se dua na tikina lailai sara, ena vakayacori kece mada ga.

AI VOLA TABU

¹⁸ Niʼu sa kaya vakaidina vei kemudou, Ena takali mada ko lomalagi kei vuravura, ena sega ni takali mai na vunau e dua na mata-ni-vola lailai se dua na tikina lailai sara, ena yaco mada kecega.

Vakavakadewa Vou kei na iVola tale eso

¹⁸ Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.

Ai Vola Tabu Ena Vakavakadewa Vou

¹⁸ Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.

Maciu 5:18 Iomraidhean Croise

NA SAME 102:26

Ena rusa oqori, ia koi kemuni ko ni na tiko ga; Ena madra kece talega mai oqori me vaka nai sulu; O ni na vakaisosomitaka me vaka nai tutuvi, ia era na vakaisosomitaki:

NA SAME 111:8

Sa vakataudeitaki me sega ni mudu, Ka sa caka e na yalodina kei na yalododonu.

NA SAME 119:152

E na vuku ni nomuni vunau, au sa kila makawa Ko ni a vakataudeitaka me sega ni oti rawa.

Aisea 40:8

Sa daumalai na co, a sa daumira na sena, ia na vosa ni noda Kalou ena tu dei ka tawa mudu.

Aisea 44:26

ka'u sa vakadinadinataka na nona vosa na noqu tamata; ka vakayacora na nodra i vakavuvuli na noqu i talatala; ka'u sa kaya ki Jerusalemi, Ko na tawa; ki na veikoro talega vaka Juta, Dou na tara; ia na kena tikina sa ca ka'u na vakavinakataka tale:

Aisea 51:6

Ta cake mada ki lomalagi, ka vakaraici vuravura ki ra; ni na seavu yani na lomalagi me vaka na kubou, ka madra mai na vuravura me vaka nai sulu, ka ra na mate vakakina na lewena: ia na bula sa maivei au ena sega ni mudu, kei na noqu yalododonu ena sega ni takali.

Maciu 10:15

Au sa kaya vakaidina vei kemudou, Ena ca vakalailai na vanua ko Sotoma kei Komora e na siga ni lewa, ena ca vakalevu na koro ko ya.

Maciu 10:23

Ia ni ra vakacacani kemudou e na dua na koro, dou dro ki na dua tani: niu sa kaya vakaidina vei kemudou, Dou na sega ni vakaotia na veikoro e Isireli, ena lako mada mai na Luve ni tamata.

Maciu 10:42

ia ko koya ena solia vua e dua vei ira oqo era sa lailai ga e dua walega na bilo wai liliwa me gunuva, ni sa vakatokai me tisaipeli, au sa kaya vakaidina vei kemudou, Ena sega sara ni yali vua na kenai sau.

Maciu 11:11

Au sa kaya vakaidina vei kemudou, Sa sega ni tubu e dua vei ira sa sucu mai na yalewa me uasivi vei Joni na dauveipapitaiso; ia ko koya sa lailai sara e na matanitu vakalomalagi sa uasivi vei koya.

Maciu 13:17

Niu sa kaya vakaidina vei kemudou, Era lewe vuqa na parofita kei na tamata yalododonu era a via raica na ka dou sa qai raica, ka ra a sega ni raica; ka rogoca na ka dou sa qai rogoca, ka ra a sega ni rogoca.

Maciu 16:28

Au sa kaya vakaidina vei kemudou, Sa tu eke eso, era na sega dina ni mate, era na raica mada na Luve ni tamata ni sa lako mai e na nona matanitu.

Maciu 17:20

A sa kaya vei ira ko Jisu, E na vuku ni dou sa sega ni vakabauta: niu sa kaya vakaidina vei kemudou, Kevaka e tu vei kemudou na vakabauta e vaka na sore ni musita, dou na kaya ki na ulu-ni-vanua oqo, Lako tani kikea! ka na lako tani: a sa sega na ka ena dredre vei kemudou:

Maciu 18:18

Au sa kaya vakaidina vei kemudou, A ka kecega dou na vauca e vuravura, ena vauci mai lomalagi: ia na ka kecega dou na sereka e vuravura, ena sereki mai lomalagi.

Maciu 18:3

ka sa kaya, Au sa kaya vakaidina vei kemudou, Kevaka dou sa sega ni saumaki mai, ka yaco me vaka na gone lalai, dou na sega sara ni curu ki na matanitu vakalomalagi:

Maciu 19:23

Sa qai kaya vei ira na nona tisaipeli ko Jisu, Au sa kaya vakaidina vei kemudou, Ena dredre vua na tamata vutuniyau me curu ki na matanitu vakalomalagi:

Maciu 19:28

A sa kaya vei ira ko Jisu, Au sa kaya vakaidina vei kemudou, Oi kemudou sa muri au, ni na yaco na veivakadodonutaki, ni na tiko na Luve ni tamata e nai tikotiko vakaturaga ni nonai ukuuku, dou na qai tiko talega e nai tikotiko vakaturaga e tinikarua, me lewai ira na mataqali nei Isireli e tinikarua.

Maciu 21:21

A sa vosa ko Jisu, ka kaya vei ira, Au sa kaya vakaidina vei kemudou, kevaka e tu vei kemudou na vakabauta, ka sega ni vakatitiqa, dou na sega ni cakava walega na ka sa yaco ki na vu ni lolo, ia kevaka dou na kaya talega ki na ulu-ni-vanua oqo, Mo cavu laivi, ka mo biu ki na wasaliwa; ena yaco ga.

Maciu 21:31

Ko cei vei rau sa muria na loma i tamana? Era sa kaya vua, O koya sa qase. Sa kaya vei ira ko Jisu, Au sa kaya vakaidina vei kemudou, O ira sa kumuna nai vakacavacava kei ira na dautagane, era sa curu eliu vei kemudou ki na matanitu ni Kalou.

Maciu 23:36

Au sa kaya vakaidina vei kemudou, A ka kecega oqori ena yaco ki nai tabatamata oqo.

Maciu 24:2

A sa kaya vei ira ko Jisu, Dou sa raica na ka kecega oqo, ne? au sa kaya vakaidina vei kemudou, Ena sega ni vo tu eke na veivatu sa veitaqataqai, ena talaraki sobu kecega.

Maciu 24:47

Au sa kaya vakaidina vei kemudou, Ena lesi koya me lewa na nona ka kecega.

Maciu 25:12

A sa vosa ko koya, ka kaya, Au sa kaya vakaidina vei kemudou, au sa sega ni kilai kemudou.

Maciu 25:40

Ena qai vosa na Tui, ka kaya vei ira, Au sa kaya vakaidina vei kemuni, Ni kemuni a cakava vua e dua sa lailai vei ira na wekaqu oqo, ni a cakava vei au.

Maciu 25:45

Ena qai vosa vei ira ko koya, ka kaya, Au sa kaya vakaidina vei kemuni, Ni kemuni a sega ni cakava vua e dua sa lailai vei ira oqo, kemuni a sega talega ni cakava vei au.

Maciu 5:26

Au sa kaya vakaidina vei iko, O na sega sara ni sereki maikina, ko na sauma kece mada nai lavo.

Maciu 6:16

Ia ni dou sa lolo, kakua ni vakaveveku mata, me vakataki ira na dauveivakaisini; ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

Maciu 6:2

O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivale ni lotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

Maciu 8:10

Ia ni sa rogoca ko Jisu, sa kurabui, a sa kaya vei ira era sa muri tiko, Au sa kaya vakaidina vei kemudou, Au sa sega ni kunea vei ira na Isireli e dua na vakabauta levu vakaoqo:

Marika 10:15

au sa kaya vakaidina vei kemudou, O koya ena sega ni vakabauta na matanitu ni Kalou me vaka na gone lailai, ena sega sara ni curu kina.

Marika 10:29

Sa qai vosa ko Jisu, ka kaya, Au sa kaya vakaidina vei kemudou, Sa sega e dua na tamata sa biuta na vale, se na veitacini, se na ganena, se na tamana, se na tinana, se na luvena, se na vanua, e na vukuqu, kei na vuku ni tukutuku-vinaka,

Marika 11:23

Niu sa kaya vakaidina vei kemudou, Kevaka sa dua e kaya ki na ulu-ni-vanua oqo, Mo cavu tani, ka biu ki na wasaliwa, ia ka sega ni vakatitiqa na yalona, a sa vakadinata ga ni na yaco na ka sa kaya; ena rawata na ka kecega sa kaya ko koya.

Marika 12:43

A sa kacivi ira na nona tisaipeli ko koya, ka kaya vei ira, Au sa kaya vakaidina vei kemudou, Na yada dravudravua oqo sa biuta vakalevu ki na kato ni lavo, ko ira kecega era sa biuta vakalailai ga:

Marika 13:30

Au sa kaya vakaidina vei kemudou, Ena sega ni takali nai tabatamata oqo, ena yaco mada eliu na ka kecega oqo.

Marika 14:18

Ia ni ra sa tiko ka kana, sa kaya ko Jisu, Au sa kaya vakaidina vei kemudou, ena soli au yani e dua vei kemudou, io ko koya sa kana vata kei au.

Marika 14:25

Au sa kaya vakaidina vei kemudou, Au na sega ni gunuva tale na vua ni vaini, ka malua me yaco mada na siga kau na gunuva vou kina e na matanitu ni Kalou.

Marika 14:30

A sa kaya vua ko Jisu, Au sa kaya vakaidina vei iko, E na siga oqo, e na bogi ga edaidai, ni sa sega ni tagi mada vakarua na toa, ko na cakitaki au vakatolu.

Marika 14:9

Au sa kaya vakaidina vei kemudou, E na veiyasana kecega e vuravura taucoko ena vunautaki kina nai tukutuku-vinaka oqo, ena bau tukuni talega kina na ka sa kitaka na yalewa oqo, me kenai divi.

Marika 3:28

Au sa kaya vakaidina vei kemudou, Sa rawa me bokoci laivi na nodrai valavala ca kecega na luve ni tamata, kei na nodra vosa ca kecega era sa vosavakacacataka kina na Kalou:

Marika 6:11

Ia ko ira kecega sa sega ni vakacegui kemudou, se rogoci kemudou, ni dou sa lako tani e na yasana ko ya, dou kuretaka laivi na kuvu-ni-soso mai na yavamudou, mei vakatakilakila vei ira. Au sa kaya vakaidina vei kemudou, Ena ca vakalailai ko Sotoma kei Komora e na siga ni lewa, ena ca vakalevu na koro ko ya.

Marika 8:12

A sa vutugu sara ko koya e na vu ni yalona, ka kaya, A cava era sa vakasaqara kina e dua nai vakatakilakila ko ira nai tabatamata oqo? au sa kaya vakaidina vei kemudou, Ena sega sara ni soli e dua nai vakatakilakila ki nai tabatamata oqo.

Marika 9:1

Sa kaya talega vei ira ko koya, Au sa kaya vakaidina vei kemudou, Sa tu eke eso, era na sega sara ni mate, era na raica mada na matanitu ni Kalou ni sa yaco vakaukauwa mai.

Marika 9:41

Ia ko koya yadua ena solia vei kemudou e dua na bilo wai mo dou gunuva, ni dou sai tokani i Karisito, au sa kaya vakaidina vei kemudou, ena sega ni yali vei koya na kenai sau.

Luke 11:51

mai na dra nei Epeli ka yacova na dra nei Sakaraia, ko koya ka vakamatei e na tadrua ni cabocabo-ni-madrali kei na vale ni soro; au sa kaya vakaidina vei kemudou, Ena tarogi kina nai tabatamata oqo.

Luke 12:37

Sa kalougata ko ira na tamata oqori, ena kunei ira na turaga ni ra sa vakatawa tiko, ni sa lako mai ko koya: au sa kaya vakaidina vei kemudou, ena vauca na nonai sulu, ka kaya me ra tiko sobu, ka na lako mai ko koya ka qaravi ira.

Luke 13:35

Raica, sa qai biu tu vei kemudou na nomudou vale ka sa laladidi: ia ka’u sa kaya vakaidina vei kemudou. Dou na sega ni raici au tale, ka malua me yaco mada na siga dou na kaya kina, Sa kalougata ko koya sa lako mai e na yaca ni Turaga.

Luke 16:17

Ka sa rawarawa me takali laivi ko lomalagi kei vuravura, ka dredre me lutu wale e dua na tiki ni vunau sa lailai sara.

Luke 18:17

Au sa kaya vakaidina vei kemudou, O koya ena sega ni vakabauta na matanitu ni Kalou me vaka na gone lailai, ena sega sara ni curu kina.

Luke 18:29

A sa kaya vei ira ko koya, Au sa kaya vakaidina vei kemudou, Sa sega e dua sa biuta na vale, se tamana se tinana, se tuakana se tacina, se watina, se luvena, e na vuku ni matanitu ni Kalou,

Luke 23:43

A sa kaya vua ko Jisu, Au sa kaya vakaidina vei iko, E na siga ga edaidai edaru na tiko vata mai Parataisi.

Luke 4:24

Sa kaya talega ko koya, Au sa kaya vakaidina vei kemudou, Sa sega e dua na parofita sa vinakati e na nona vanua.

Joni 1:51

A sa kaya vua ko koya, E dina, e dina, au sa kaya vei kemudou, E na gauna maimuri dou na raici lomalagi ni sa tawase, kei ira na agilose ni Kalou ni ra sa lako cake ka lako sobu vua na Luve ni tamata.

Joni 10:1

E dina, e dina, au sa kaya vei kemudou, O koya sa sega ni curu e katuba ni bai ni sipi, ia sa kaba cake e na tikina tani, sai koya oqo na daubutako ka daukovekove.

Joni 10:7

Sa qai kaya tale vei ira ko Jisu, E dina, e dina, au sa kaya vei kemudou, Oi au na katuba ni sipi.

Joni 12:24

E dina, e dina, au sa kaya vei kemudou, Kevaka ena sega ni mate na vua ni sila ni sa lutu ki na qele, sa tiko duaduaga; ia kevaka sa mate, sa vua vakalevu.

Joni 13:16

E dina, e dina, au sa kaya vei kemudou, Sa sega ni levu na tamata ka lailai na nona turaga; se levu ko koya sa talai ka lailai ko koya sa talai koya.

Joni 13:38

Sa kaya vua ko Jisu, O na solia li na nomu bula e na vukuqu? E dina, e dina, au sa kaya vei iko, ni sa bera ni tagi na toa, ko na cakitaki au vakatolu.

Joni 14:12

E dina, e dina, au sa kaya vei kemudou, O koya sa vakabauti au, ena kitaka talega na cakacaka kau sa kitaka, ia ena kitaka na cakacaka e uasivi cake e na ka oqo; e na vuku niu sa lako vei Tamaqu.

Joni 16:20

E dina, e dina, au sa kaya vei kemudou, Dou na tagi ka tagiyaso, ia ko vuravura ena reki: ena rarawa na lomamudou, ia na rarawa ni lomamudou ena vuki me reki.

Joni 16:23

Ia e na siga ko ya dou na sega ni tarogi au e na dua na ka. E dina, e dina, au sa kaya vei kemudou, A ka kecega dou na kerea vei Tamaqu e na yacaqu, ena solia vei kemudou ko koya.

Joni 21:18

E dina, e dina, au sa kaya vei iko, Ni ko a gone, ko a dauvauci iko, ka lako veitalia voli ga: ia ni ko na qase mai, ko na dodoka na ligamu, ka na vauci iko e dua tani, ka kauti iko ki na tikina ko na sega ni vinakata.

Joni 3:11

E dina, e dina, au sa kaya vei iko, Keitou sa vosataka na ka keitou sa kila, ka tukuna na ka keitou a raica ia dou sa sega ni vakabauta na neitoui tukutuku.

Joni 3:3

Sa vosa ko Jisu, ka kaya vua, E dina, e dina, au sa kaya vei iko, Kevaka sa sega ni sucu tale na tamata, ena sega ni raica rawa na matanitu ni Kalou.

Joni 3:5

Sa kaya ko Jisu, E dina, e dina, au sa kaya vei iko, Kevaka sa sega ni sucu e dua e na wai kei na Yalo Tabu, ena sega ni curu rawa ki na matanitu ni Kalou.

Joni 5:19

Sa qai vosa ko Jisu, ka kaya vei ira, E dina, e dina, au sa kaya vei kemudou, E sega ni rawata vakai koya ga e dua na ka na Luvena, na ka ga sa raica ni kitaka ko Tamana; ia na veika sa kitaka ko koya, sa kitaka vaka talega kina na Luvena.

Joni 6:26

Sa vosa vei ira ko Jisu, ka kaya, E dina, e dina, au sa kaya vei kemudou, Dou sa sega ni vakasaqarai au ni dou sa raica na veika-mana, ni dou a kania ga na veibuli madrai, ka sa mamau kina.

Joni 6:32

Sa qai kaya vei ira ko Jisu, E dina, e dina, au sa kaya vei kemudou, Sa segai ko Mosese ka solia vei kemudou na madrai ko ya mai lomalagi; ko Tamaqu ga sa solia vei kemudou na madrai dina mai lomalagi.

Joni 6:47

E dina, e dina, au sa kaya vei kemudou, O koya sa vakabauti au sa rawata na bula tawa mudu.

Joni 6:53

Sa qai kaya vei ira ko Jisu, E dina, e dina, au sa kaya vei kemudou, Kevaka dou sa sega ni kania na lewe ni Luve ni tamata, ka gunuva na nona dra, sa sega vei kemudou na bula.

Joni 8:34

Sa kaya vei ira ko Jisu, E dina, e dina, au sa kaya vei kemudou, O koya yadua sai valavala ca sa bobula ki nai valavala ca.

Joni 8:51

E dina, e dina, au sa kaya vei kemudou, Kevaka e dua sa vakabauta tikoga na noqu vosa, ena sega sara ni mate.

Joni 8:58

Sa kaya vei ira ko Jisu, E dina, e dina, au sa kaya vei kemudou, Ni sa bera ni sucu ko Eparaama, au sa bula.

1 Pita 1:25

Ia na vosa ni Kalou sa tu dei ka tawa mudu. Ia oqori na vosa ni tukutuku-vinaka sa vunautaki vei kemudou.

Vakatakila 20:11

IA ka'u a raica e dua nai tikotiko-vakaturaga e levu ka vulavula, kei koya talega sa tiko kina, a sa dro tani mai vua ko vuravura kei lomalagi; a sa sega na vanua e kune me rau tiko kina.