Maciu 4:7 - Vakavakadewa Makawa

⁷ Sa kaya vua ko Jisu, Sa volai talega, Mo kakua ni vakatovolei Jiova na nomu Kalou.

Ai Vola Tabu (Vakadewa Makawa Vakavoutaki 2021)

⁷ Sa kaya vua ko Jisu, “Sa volai talega, ‘Mo kakua ni vakatovolei Jiova na nomu Kalou.’ ”

AI VOLA TABU

⁷ Sa kaya vua ko Jisu, Sa volai talega, Mo kakua ni vakatovolei Jiova na nomu Kalou.

Vakavakadewa Vou kei na iVola tale eso

⁷ Sa qai kaya vua o Jisu, “Sa volai talega, ‘Mo kakua ni veretaka na Turaga na nomu Kalou.’ ”

Ai Vola Tabu Ena Vakavakadewa Vou

⁷ Sa qai kaya vua ko Jisu, “Sa volai talega, ‘Mo kakua ni vakatovolea na Turaga na nomu Kalou.’ ”

Maciu 4:7 Iomraidhean Croise

NA SAME 106:14

Ka ra garogaro vakalevu ga mai na lekutu, Ka vakatovolea vakaca na Kalou mai na veikau.

NA SAME 78:18

A ra sa dauveretaki koya na Kalou e lomadra, Ni ra kerea na kakana ni ra garova.

NA SAME 78:41

Io, era sa vuki tani ka vakatovolei koya vakaca na Kalou, Ka vakacudrui Koya na Yalosavasava ni Isireli.

NA SAME 78:56

Ia ka ra sa vakatovolea ka vakacudruya na Kalou Cecere sara, Ka sega ni muria na nona vunau:

NA SAME 95:9

Era na dauveretaki au kina ko ira na nomudou qase Ka vakatovolei au vakaca, ni ra sa raica tiko na noqu cakacaka.

Lako Yani 17:2

A ra sa veileti kina na tamata kei Mosese, ka kaya, Mo solia mai vei keimami na wai me keimami gunuva. A sa kaya vei ira ko Mosese, A cava dou sa veileti kina kei au? a cava dou sa vakatovolei Jiova kina?

Lako Yani 17:7

A sa vakayacana na yasana ko ya ko koya ko Masa [A veivakatovolei], kei Meripa [A veileti], e na vuku ni nodra veileti na Isireli, ni ra sa vakatovolei Jiova talega, ni ra kaya, Sa tiko beka kei keda ko Jiova, se segai?

Aisea 8:20

Qara mada e na vunau kei nai tukutuku: kevaka era sa sega ni vosa me vaka na vosa oqo, sa ka ga ni sa sega dina vei ira na rarama.

Malakai 3:15

Ia eda sa qai kaya era sa kalougata ko ira na viavialevu; ka ni ra tamata yaco talega ko ira na daucaka ca; ka sa bula ga ko ira era vakatovolea vakaca na Kalou.

Tiko mai na Lekutu 14:22

ko ira kecega na tamata oqo, era sa raica oti na noqu serau, kei na noqu veivakatakilakila ka'u a kitaka mai Ijipita mai na vanua liwa talega, a sa vakatini na nodra vakatovolei au vakaca, ka ra sega ni vakarorogo ki na noqu vosa;

Maciu 21:16

ka kaya vua, O sa rogoca na ka era vosataka ko ira oqo, se segai? A sa kaya vei ira ko Jisu, Io; dou sa sega beka ni wilika, Mai na gusudra na gone lalai kei ira sa sucu tiko, ko sa cakava me vinaka sara na vakarokoroko?

Maciu 21:42

Sa kaya vei ira ko Jisu, Dou a sega beka ni wilika e nai Vola Tabu, Na vatu era sa cata ko ira na matai ni vale. Sa yaco me kenai vakadei e na tutu ni vale: Oqo na cakacaka i Jiova, Ka sa ka e veivakurabuitaki e matada?

Maciu 4:10

Sa qai kaya vua ko Jisu, Mo lako tani, Setani, ni sa volai, Mo vakarokoroko vei Jiova na nomu Kalou, ia mo qaravi koya duaduaga.

Maciu 4:4

A sa vosa ko koya, ka kaya, Sa volai, Ena sega ni bula na tamata e na madrai duaduaga, sa bula ga e na vosa kecega sa lako mai na gusu ni Kalou.

Luke 4:12

A sa vosa ko Jisu, ka kaya vua, Sa kainaki, Mo kakua ni vakatovolea vakaca na nomu Kalou ko Jiova.

Cakacaka 15:10

Ia ka cava kemuni sa qai vakatovolea vakaca kina na Kalou mo ni vakataqara nai vua ki na domodra era sa lotu, eda sa sega ni colata rawa koi keda se ko ira na noda qase?

Cakacaka 5:9

Sa qai kaya vua ko Pita, E vakaevei ni drau sa lomavata mo drau vakatovolea vakaca na Yalo ni Turaga? raica, sa tu e katuba na yavadratou eratou sa buluta na watimu, eratou na colati iko talega ki tautuba.

1 Korinica 10:9

Me da kakua talega ni dauvakatovolei Karisito, me vaka era sa dauvakatovolea eso, a sa kati ira mate na veigata.

Vakarua 6:16

Mo ni kakua ni vakatovolei Jiova vakaca na nomuni Kalou, me vaka ko ni a vakatovolea vakaca mai Masa.

Iperiu 3:9

Era sa dauveretaki au kina ko ira na nomudou qase, era sa vakatovolei au vakaca, Ni ra sa raica tiko na noqu cakacaka ka yabaki vasagavulu.