Maciu 3:12 - Vakavakadewa Makawa

¹² a sa tu e ligana na nonai sivi ni sila, ka na vakasavasavataka sara ko koya na sila ni nona rara, ka binia vata na nona sila ki na lololo; ka na vakama ko koya na qana e na bukawaqa e sega ni bokoci rawa.

Ai Vola Tabu (Vakadewa Makawa Vakavoutaki 2021)

¹² A sa tu e ligana na nona i sivi ni sila, ka na vakasavasavataka sara ko koya na nona rara ni samu sila, ka binia vata na nona sila ki na lololo; ia ena vakama ko koya na qana e na bukawaqa e sega ni bokoci rawa.”

AI VOLA TABU

¹² a sa taura na nonai sivi ni sila na ligana, ka na vakasavasavataka sara ko koya na sila ni nona rara, ka binia vata na nona sila ki na lololo; ka na vakama ko koya na qana e na buka waqa e tawa bokoci rawa.

Vakavakadewa Vou kei na iVola tale eso

¹² Sa taura tu e ligana na nona i sivi ni sila me vakasavasavataka kina na nona buturara ni caka sila, ka binia vata na sila ki na nona lololo; ia na qana ena vakama ena buka e sega ni bokoci rawa.”

Ai Vola Tabu Ena Vakavakadewa Vou

¹² Sa taura tu e ligana na nona i sivi ni sila me vakasavasavataka kina na nona buturara ni caka sila, ka binia vata na sila ki na nona lololo; ia na qana ena vakama ena buka e sega ni bokoci rawa.”

Maciu 3:12 Iomraidhean Croise

Jope 21:18

Era sa vaka na vu-ni-sila e na mata ni cagi, Ka vaka na qa-ni-sila sa kauta tani na cava.

NA SAME 1:4

Era sa sega ni vakakina na tamata ca, Era sa tautauvata ga kei na qa ni sila sa cagina tani.

NA SAME 35:5

Me ra vaka na qa-ni-sila sa cagina, Me vakasavi ira talega na agilose i Jiova.

Aisea 1:31

Ia ko koya sa kaukauwa ena vaka na wa ni cina, kei na nona cakacaka me vaka na lidi ni buka, a rau na kama vata ruarua, ka sega e dua me na bokoca.

Aisea 17:13

Era sa ue na veimatanitu me vaka na vadugu ni wai levu: ia ena vunauci ira ko Koya, ka ra na dro tani vakayawa, a ra na vakasavi me vaka na qa ni sila e na veiulu-ni-vanua e na mata ni cagi, ka vaka na ka e vakatatoqitoqi e na mata ni covulaca.

Aisea 27:4

Sa sega vei au na cudru waqawaqa: ko cei me na via tuva na soni kei na kau vakavotona me ia nai valu vei au? ka'u na sa curu basikataki ira, ka'u na sa vakama vata.

Aisea 28:28

Sa daubutuqaqi na witi, ni na sega ni via samusamuta tikoga ia ko koya ke sa toqica na yava ni nona qiqi-ni-sila kei na yava ni nona ose, sa na sega ni via vurumemeataka ko koya.

Aisea 30:24

A pulumokau talega kei na luve ni asa era daucakacaka e na were, era na kania na ka e tuituina, na ka sa vakasavasavataki e nai sivi kei nai iri.

Aisea 41:16

Ko na iriva, ena qai cagina tani e na cagi, ka na veibiuyaka na covulaca: ia ko iko ko na marautaki Jiova, ko na vakacaucautaki Koya na Yalosavasava ni Isireli.

Aisea 5:24

Ia me vaka sa kama na vu-ni-sila e na yameyame ni bukawaqa, ka sa yavu sara na co madu ni sa caucaudre, ena vuca sara vakakina na wakadra, ia na sedra ena vuka cake me vaka na kuvu-ni-soso: ka ni ra sa biuta tani na vunau i Jiova ni lewe vuqa, ka beca na vosa i Koya na Yalosavasava ni Isireli.

Aisea 66:24

A ra na lako yani, ka raica na yago ni tamata era sa mate era vuki tani vei au: ni na sega ni mate na kedra baca, ena sega talega ni bokoci na kedra bukawaqa; ka ra na ka vakasisila vei ira na tamata kecega.

Jeremaia 15:7

Ia ka'u na irivi ira e nai iri e na matamata-ni-koro ni vanua; ka'u na vakawayalitaki ira, ka'u na vakarusai ira na noqu tamata, ni ra sa sega ni saumaki mai na nodra i valavala.

Jeremaia 17:27

Ia kevaka dou na sega ni vakarorogo vei au mo dou vakatabuya na siga tabu, ka me kakua ni colata mai nai kaukau, ka curu ki na veimatamata-ni-koro ki Jerusalemi e na siga tabu: ka'u na qai tutuvaka na buka e na kena matamata-ni-koro, ena kania na veivale vakaturaga mai Jerusalemi, ena sega talega ni bokoci.

Jeremaia 4:11

E na gauna ko ya ena tukuni vei ira na tamata oqo, kei Jerusalemi, E dua na cagi todra sa liwa mai na veitikina cecere ni veikau, vaka ki na gone yalewa ni noqu tamata, ka sega me iriva na sila, se vakasavasavataka,

Jeremaia 51:2

ia ka'u na tala ki Papiloni eso na dauiri sila, a ra na irivi koya, ka vakalalataka na nona vanua: ni ra na vakavolivoliti koya vakaivalu e na siga sa ca kina.

Jeremaia 7:20

O koya sa kaya kina na Turaga ko Jiova; Raica, na noqu cudru, ia na noqu cudru waqawaqa ena sova yani ki na yasana oqo, ki na tamata, kei na manumanu, kei na kau ni vanua, kei na vuata ni vanua; ia ena kama, ka sega ni bokoci.

Osea 13:3

O koya oqo era na vaka na o e na mataka ka vaka na tegu e na mataka caca sa yali totolo, me vaka na qa ni sila sa cagina tani sara e na rara ni sila, ka vaka na kubou e na kenai kuvukuvu.

Emosi 9:9

Ni sai au, raica, ka'u na vakarota, ia ka'u na dui tauvuloni ira tani na mataqali i Isireli ki na veimatanitu kecega, me vaka sa tauvuloni na sila e na vulo, ka na sega ni lutu e dua na vuana ki na qele.

Malakai 4:1

Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.

Maciu 13:30

laiva ga me rau tubu vata ruarua me tei cava mada na yabaki: ia ni sa cava na yabaki kau na kaya vei ira na dautamusuka, Dou kumuna vata mada na sila ca, ka vauca e na veivau me visa: ia dou kumuna vata na witi ki na noqu lololo.

Maciu 13:41

ena talai ira yani na nona agilose na Luve ni tamata, me ra soqona vata mai na nona matanitu na ka kecega sa dauveivakacalai, kei ira sa kitaka tiko na ka ca;

Maciu 13:42

ia era na biuti ira ki na lovo ni buka waqa; era na dautagi kina, ka vakasequruquru bati.

Maciu 13:43

Era na qai serau na tamata yalododonu, me vaka na siga, e na matanitu nei Tamadra. O koya sa vakadaligana, me mani rogoca sara.

Luke 3:16

sa vosa ko Joni, ka kaya vei ira kecega, E dina ka’u sa papitaisotaki kemudou e na wai: a sa lako mai ko koya sa levu cake vei keirau, ia na wa ni nonai vava ka’u sa sega ni yaga me’u sereka: ena papitaisotaki kemudou ko koya e na Yalo Tabu kei na bukawaqa:

Luke 3:17

ia sa taura e ligana na nonai sivi ni sila, ka na vakasavasavataka sara ko koya na sila ni nona rara, ka binia vata na sila ki na nona lololo: ka na vakama ko koya na qana e na bukawaqa e sega ni bokoci rawa.

Joni 15:2

A tabaqu kecega sa sega ni vua, sa kauta laivi yani ko koya: ia na tabaqu kecega sa vua, sa samaka ko koya, me vua vakalevu sara.