Maciu 26:39 - Vakavakadewa Makawa

³⁹ A sa lako vakalailai vaka kiliu ko koya, a sa cuva sobu vakatoboicu, a sa masu, ka kaya, I Tamaqu, kevaka e rawarawa, me lako tani mada vei au na bilo oqo; ia me kakua ga ni vaka na noqu lewa, me vaka ga na nomu lewa.

Ai Vola Tabu (Vakadewa Makawa Vakavoutaki 2021)

³⁹ A sa lako vakalailai vaka ki liu ko koya, a sa cuva sobu vakatoboicu, a sa masu, ka kaya, “I Tamaqu, kevaka e rawarawa, me lako tani mada vei au na bilo oqo! Ia me kakua ga ni vaka na noqu lewa, me vaka ga na nomu lewa.”

AI VOLA TABU

³⁹ A sa lako vakalailai vaka kiliu ko koya, a sa bale sobu vakatobocu, a sa masu, ka kaya, Tamaqu, kevaka e rawarawa, me lako tani mada vei au na bilo o qo; ia me kakua ga ni vaka na noqu veitalia, me vaka ga na nomu.

Vakavakadewa Vou kei na iVola tale eso

³⁹ A sa lako yani vakalailai ki liu, a sa cuva sobu vakatoboicu me masu, ka sa kaya, “I Tamaqu, kevaka e rawa, ia mo ni kauta tani vei au na bilo ni rarawa oqo! Ia me kakua ga ni vaka na lomaqu; ia, me vaka ga na lomamuni.”

Ai Vola Tabu Ena Vakavakadewa Vou

³⁹ A sa lako yani vakalailai ki liu, a sa cuva sobu vakatoboicu me masu, ka sa kaya, “I Tamaqu, kevaka e rawa, ia mo ni kauta tani vei au na bilo ni rarawa oqo! Ia me kakua ga ni vaka na lomaqu; ia, me vaka ga na lomamuni.”

Maciu 26:39 Iomraidhean Croise

Vakatekivu 17:3

A sa cuva vakatoboicu ko Eparama: a sa vosa vua na Kalou, ka kaya,

2 Samuela 15:26

Ia kevaka sa kaya vakaoqo, Au sa sega ni vinakati iko, raica, au sa vakarorogo, me kitaka vei au ko koya na ka e vinaka vua.

1 Veigauna 21:16

A sa ta cake ko Tevita, ka sa kunea na agilose i Jiova ni sa tu e na maliwa kei vuravura kei lomalagi, ka sa ucu tu e ligana na nonai seleiwau, ka sa dodoka me donui Jerusalemi. Sa qai bale vakatoboicu ko Tevita, kei ira na qase, era sa vakaisulu e nai sulu taga.

Aisea 50:5

Sa basuka na daligaqu na Turaga ko Jiova, ia ka'u a sega ni beca, ka'u a sega ni vakanadakuya.

Aisea 53:12

O koya oqo ka'u na votai koya kina kei ira na lewe vuqa, ia ena votai koya vata kei ira na qaqa e nai toki ni valu; ka ni sa solia oti na nona bula ki na mate: ka sa wili vata kei ira na dautalaidredre; ka sa colata ko koya na nodra i valavala ca na lewe vuqa, ia e na vukudra na dautalaidredre sa ia na veimasulaki.

Isikeli 1:28

Me vaka na kenai rairai na drodrolagi e na o e na siga ni uca, sa vakakina na kenai serau e na kena veitikina. Sa vakaoqo na raivotu ni vakatakarakara ni ukuuku i Jiova. Ia ni'u sa raica, ka'u sa cuva vakatoboicu, ka rogoca na domona e dua ka vosa mai.

Tiko mai na Lekutu 14:5

Erau a qai cuva vakatoboicu ko Mosese kei Eroni e na matadra taucoko nai soqosoqo ni Isireli.

Tiko mai na Lekutu 16:22

A rau a cuva vakaitoboicu, ka kaya, Kemuni na Kalou, na Kalou ni yalo ni tamata kecega, kemuni na cudruvi ira li nai soqosoqo taucoko ni sai valavala ca e le dua na tamata?

Maciu 20:22

A sa vosa ko Jisu, ka kaya, Dou sa sega ni kila na ka dou kerea: drau sa rawata beka mo drau gunuva na bilo kau na gunuva? Erau sa kaya vua, Keirau sa rawata.

Maciu 24:24

Ni na tubu mai na Karisito vakailasu eso, kei na parofita vakailasu eso, a ra na vakatakila na veivakatakilakila lelevu kei na veika e veivakurabuitaki; ia ke rawa, ke ra na vakacalai ira talega na digitaki.

Maciu 26:42

Sa lako vakarua ko koya ka masu, ka kaya, I Tamaqu, kevaka e sega ni rawa me takali tani vei au na bilo oqo, ka meu gunuva ga, me yaco ga na nomu lewa.

Marika 13:22

ni na tubu mai na Karisito vakailasu eso, kei na parofita vakailasu eso, a ra na vakatakila mai na veivakatakilakila kei na veika e veivakurabuitaki, me vakacalai ira kina na digitaki, kevaka e rawa.

Luke 17:16

A sa cuva vakatoboicu ki na yava i koya, ka vakamolimoli vua: ia sa kai Samaria ko koya.

Joni 11:41

Era sa qai kauta tani na vatu. A sa ta cake ko Jisu, ka kaya, Na Tamaqu, au sa vakavinavinaka vei iko ni ko a rogoci au mai:

Joni 14:31

Ia me kila ga ko ira na kai vuravura niu sa lomani Tamaqu, ia me vaka sa vosa vei au ko Tamaqu, au sa kitaka vakakina. Tu cake, tou lako yani.

Joni 18:11

Sa qai kaya vei Pita ko Jisu, Daramaka na nomui seleiwau ki na kena taga: a bilo sa solia mai vei au ko Tamaqu, kau na sega beka ni gunuva?

Joni 5:19

Sa qai vosa ko Jisu, ka kaya vei ira, E dina, e dina, au sa kaya vei kemudou, E sega ni rawata vakai koya ga e dua na ka na Luvena, na ka ga sa raica ni kitaka ko Tamana; ia na veika sa kitaka ko koya, sa kitaka vaka talega kina na Luvena.

Joni 5:30

Au sa sega ni kitaka rawa e dua na ka vakai au ga: au sa lewa me vaka na ka kau sa rogoca: a sa dodonu na noqu lewa; niu sa sega ni muria na lomaqu, a loma i Tamaqu ga ko koya sa talai au mai.

Joni 6:38

Niu sa sega ni lako sobu mai lomalagi meu kitaka na lomaqu, meu kitaka ga na loma i koya sa talai au mai.

Cakacaka 10:25

Ia ni sa curu ko Pita, sa tavaki koya ko Konilio, a sa cuva sobu ki yavana, ka vakarokoroko vua.

Filipai 2:8

ia ni sa kune ni sai tovo vata kei na tamata, sa vakamalumalumutaki koya, a sa talairawarawa me mate, io me mate e na kauveilatai.

Iperiu 5:7

O koya oqo e na veisiga ni nona tiko vakatamata, ni sa cabora oti na kerekere, kei na masumasu, kei na tagi vakararawa, ni sa vakawai na matana, vua sa rawata me vakabulai koya mai na mate, a sa rogoci ga e na ka sa rerevaka ko koya;

Vakatakila 19:10

Ia ka'u a cuva ki yavana me'u vakarokoroko vei koya. A sa kaya vei au ko koya, Raica, mo kakua: oi au na nomu i tokani, ka dua vei ira na wekamu era sa taura tiko nai tukutuku kei Jisu; vakarokoroko vua na Kalou: ia nai tukutuku kei Jisu na yalo ni parofisai.