Maciu 22:16 - Vakavakadewa Makawa

¹⁶ A ra sa talai ira na nodra tisaipeli vua, kei ira nai tokani i Eroti, me ra kaya, Vakavuvuli, keitou sa kila ko sa dina, ka sa vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua: ni ko sa sega ni doka na matadra na tamata:

Ai Vola Tabu (Vakadewa Makawa Vakavoutaki 2021)

¹⁶ A ra sa talai ira na nodra tisaipeli vua, kei ira nai tokani i Eroti, me ra kaya, “Vakavuvuli, keitou sa kila ko sa dina, ka sa vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua, ni ko sa sega ni doka na matadra na tamata.

AI VOLA TABU

¹⁶ A ra sa talai ira na nodra tisaipeli vua, kei ira nai tokani i Eroti, me ra kaya, Vakavuvuli, keitou sa kila ni ko sa dina, ka vakatavuvulitaka vakaidina nai valavala sa vinaka vua na Kalou, ia ko sa sega ni rerevaka e dua: ni ko sa sega ni doka na matadra na tamata:

Vakavakadewa Vou kei na iVola tale eso

¹⁶ Era sa mani talai ira yani na nodra tisaipeli kei ira na i lawalawa i Eroti, ka kaya, “Vakavuvuli, keimami kila ni o sa dau tukuna na ka dina. O ni sa vakavuvulitaka na ka dina me baleta na lewa ni Kalou ena vukudra na tamata, ka o ni sega ni bau lomaleqataka na veika era nanuma na tamata baleta ni sa ka wale vei iko na nodra i tutu na tamata.

Ai Vola Tabu Ena Vakavakadewa Vou

¹⁶ Era sa mani talai ira yani na nodra tisaipeli kei ira na i lawalawa i Eroti, ka kaya, “Vakavuvuli, keimami kila ni o sa dau tukuna na ka dina. O ni sa vakavuvulitaka na ka dina me baleta na lewa ni Kalou ena vukudra na tamata, ka o ni sega ni bau lomaleqataka na veika era nanuma na tamata baleta ni sa ka wale vei iko na nodra i tutu na tamata.

Maciu 22:16 Iomraidhean Croise

1 Tui 22:14

A sa kaya ko Maikaia, Me vaka sa bula ko Jiova, na ka ga sa kaya vei au ko Jiova sai koya ga ka'u na vosataka.

NA SAME 12:2

Era sa cavuta tiko ko ira yadua na ka wale vua na nonai tokani: Era sa vosa vakaveicavilaki tiko ka ra dauveivakaisini.

NA SAME 5:9

Ni sa sega na ka dina e na gusudra; Sa ca sara na lomadra; Ai bulubulu sa dola tu na nodra i tilotilo; Era sa dauveicavilaki e na yamedra.

NA SAME 55:21

Sa malumalumu sara na vosa ni gusuna sa kaukauwa na pata; Ia sa tiko e lomana nai valu: Sa waicala na nona vosa ka cevata na waiwai, Ia sai seleiwau ga sa ucu tu.

Vosavakaibalebale 29:5

A tamata sa vosaveicavilaki vua na kai nona, Sa tevuka na lawa me rawa na yavana.

Malakai 2:6

Sa tiko e na gusuna na vunau daudina, ka sa sega ni kune e na tebenigusuna e dua na ka ca: sa lako vata kei au ko koya e na veivinakati kei na yalododonu, a ra sa lewe vuqa sa saumaka tani ko koya mai na nodra caka cala.

Malakai 2:9

Ia koi au talega, ka'u a cakava mo dou beci ka vakawaletaki e matadra na tamata kecega, me vaka ni dou a sega ni vakabauta na noqu sala, ka sa kauta vakatani na vunau ni dou sa digitaka na mata ni tamata.

Maciu 22:24

ka kaya, Vakavuvuli, sa kaya ko Mosese, Kevaka sa mate e dua na tamata vakawati, ka sega na luvena, me rau qai veiwatini kei na nona yada na tuakana se na tacina, me vakaivakawa kina ko koya vua na tacina se tuakana.

Maciu 22:26

a sa vaka talega kina nai karua, kei nai katolu, ka yaco ki nai kavitu:

Maciu 26:18

A sa kaya ko koya, Lako vua na tamata ko ya ki na koro, ka kaya vua, Sa kaya nai Vakavuvuli, Sa voleka na noqu siga; koi au kei ira na noqu tisaipeli, keitou na ia na kana vata ni lako-sivia e na nomu vale.

Maciu 26:49

Sa qai lako sara mai vei Jisu, ka kaya, Sa loloma, vakavuvuli! a sa reguca.

Marika 10:17

Ia ni sa lako yani ko koya e gau-ni-sala, sa cici mai e dua, ka tekiduru vua, ka tarogi koya, Vakavuvuli vinaka, a cava meu kitaka meu rawata kina na bula tawa mudu?

Marika 12:13

A ra sa tala vua eso na Farisi, kei nai tokani i Eroti, me ra coriti koya e na nona vosa.

Marika 12:14

Ia ni ra sa yaco mai, era sa kaya vua, Vakavuvuli, keitou sa kila ko sa dina ga, ka sa sega ni rerevaka e dua; ni ko sa sega ni doka na matadra na tamata, ia ko sa vakatavuvulitaka vakaidina ga nai valavala sa vinaka vua na Kalou: sa tara me da soli ka ni matanitu vei Sisa, se segai?

Marika 3:6

A ra sa lako yani na Farisi, ka bosei koya sara ko ira vata kei ira nai tokani i Eroti, se ra na vakamatei koya vakaevei.

Marika 8:15

A sa vakarota vei ira ko koya, ka kaya, Dou raica, dou qarauni kemudou mai na nodra leveni na Farisi, kei na leveni nei Eroti.

Luke 20:21

A ra sa tarogi koya, ka kaya, Vakavuvuli, keitou sa kila kemuni sa vosataka na ka e dodonu ka vakatavuvulitaka tiko, a sa sega e dua ko ni sa vinakata walega, ia ko sa vakatavuvulitaka vakaidina nai valavala sa vinaka vua na Kalou:

Luke 7:40

A sa vosa ko Jisu, ka kaya vua, I Saimoni, sa dua na ka ka’u sa via taroga vei iko: A sa kaya ko koya, Vakavuvuli, mo kaya ga mai:

Joni 14:6

Sa kaya vua ko Jisu, Oi au na sala, kei na vu ni dina, kei na vu-ni-bula; sa sega ni torovi Tamaqu walega e dua na tamata, e na vukuqu ga.

Joni 18:37

Sa qai kaya vua ko Pailato, Ko iko bagi na tui? Sa kaya ko Jisu, Ko sa kaya niu sa tui. A ka oqo kau sa sucu mai kina, ia na ka oqo kau sa lako mai kina ki vuravura oqo, meu dautukuna na ka dina. O koya yadua sa vakabauta na ka dina, sa rogoca na noqu vosa.

Joni 7:18

O koya sa vosa vakai koya ga, sa vinakata me dokai; ia ko koya sa vinakata me dokai ko koya sa talai koya mai, sa dina, a sa sega vua na cala.

2 Korinica 2:17

Ni keitou sa sega ni dauvakatanitaka na vosa ni Kalou, me vakataki ira na lewe vuqa; ia keitou sa vakataki ira era sa dina sara, me vaka sa mai vua na Kalou, e na mata ni Kalou, keitou sa vosa e na yaca i Karisito.

2 Korinica 4:2

ka keitou sa biuta na veika vuni e veivakamaduataki, a sa sega ni daulawaki na neitou i valavala, se keitou vakatanitaka na vosa ni Kalou; ia ni keitou sa tukuna na ka dina, keitou sa vakadonui keitou kina ki na lomadra na tamata kecega, e na mata ni Kalou.

2 Korinica 5:16

O koya oqo keitou sa qai sega tale ni doka e dua na tamata e na vuku ni ka vakayago; e dina ga keitou a dokai Karisito e na vuku ni ka vakayago, ia keitou sa qai sega tale ni dokai koya kina.

Kalatia 1:10

Ia, kau sa qai vakalomavinakataki cei, na tamata, se na Kalou? seu segata beka me ra vinakati au ko ira na tamata? kevaka sa ka ga me ra vinakati au ko ira na tamata, au na qai sega ni talatala nei Karisito.

Kalatia 2:6

Ia ko iratou eratou sa daurogo ni ratou sa ka levu cake, (se ratou vakabeka evei sa ka walega vei au; sa sega ni vinakata vakailoa e dua na tamata na Kalou;) io, ko iratou eratou sa daurogo, sa sega e dua na ka eratou sa vakaikuritaka vei au.

Vakarua 33:9

O koya ka kaya e na vuku i tamana kei tinana, Au sa sega ni raici koya; Sa sega talega ni kilai ira na tuakana se na tacina, Se kilai ira na luvena: Ni ra sa nanuma na nomuni vosa, Ka vakabauta na nomuni veiyalayalati kei ira.

1 Cesalonaika 2:4

ia ni sa vinakati keitou na Kalou me keitou lesi me vunautaka nai tukutuku-vinaka, keitou sa vosa vakakina; sa sega ga me keitou vinaka vei ira na tamata, vua ga na Kalou, o koya sa lewa na yalo i keitou.

Jemesa 3:17

Ia na vuku maicake sa savasava mada, emuri sa dauia na veivakacegui, sa yalomalua, sa vakamasuti rawarawa, sa sinai e na loloma kei na vua vinaka, sa sega ni digitaki ira vakatani na tamata, se dauveivakaisini.

1 Joni 5:20

Eda sa kila talega ni sa yaco mai na Luve ni Kalou, a sa solia mai vei keda na vuku, me da kilai koya kina sa dina, ia eda sa tu vata kei koya sa dina, vei Jisu Karisito na Luvena. Sai koya oqo na Kalou dina, kei na vu-ni-bula tawa mudu.