Maciu 20:22 - Vakavakadewa Makawa

²² A sa vosa ko Jisu, ka kaya, Dou sa sega ni kila na ka dou kerea: drau sa rawata beka mo drau gunuva na bilo kau na gunuva? Erau sa kaya vua, Keirau sa rawata.

Ai Vola Tabu (Vakadewa Makawa Vakavoutaki 2021)

²² A sa vosa ko Jisu, ka kaya, “Dou sa sega ni kila na ka dou kerea. Drau sa rawata beka mo drau gunuva na bilo ka'u na gunuva?” Erau sa kaya vua, “Keirau sa rawata.”

AI VOLA TABU

²² A sa vosa ko Jisu, ka kaya, Dou sa sega ni kila na ka dou kerea: drau sa rawata beka me gunuva na bilo kaʼu na gunuva, kei na papitaisotaki e na papitaiso kaʼu na papitaisotaki kina? Erau sa kaya vua, Keirau sa rawata.

Vakavakadewa Vou kei na iVola tale eso

²² Sa sauma o Jisu vei rau na veitacini, ka kaya, “Drau sa sega ni kila na ka drau sa kerea tiko: drau sa rawata li mo drau gunuva na bilo ka'u sa vakarau gunuva oqo?” E rau sa kaya vua, “Keirau rawata.”

Ai Vola Tabu Ena Vakavakadewa Vou

²² Sa sauma ko Jisu vei rau na veitacini, ka kaya, “Drau sa sega ni kila na ka drau sa kerea tiko: drau sa rawata li mo drau gunuva na bilo ka'u sa vakarau gunuva oqo?” E rau sa kaya vua, “Keirau rawata.”

Maciu 20:22 Iomraidhean Croise

NA SAME 75:3

Sa waicala ko vuravura kei ira kecega na lewena: Au sa vakataudeitaka na kena duru. Sela.

Vosavakaibalebale 16:18

Sa liu na viavialevu, ia sa muri na rusa, A sa liu na yaloviavialevu ia sa muri na bale.

Aisea 51:17

Mo yadra, mo yadra mai, tu cake, Jerusalemi, ko sa gunuva mai na liga i Jiova na bilo ni nona cudru katakata, ko sa gunuva na kena soko e na bilo e dauveivakamateni, ka lobaka.

Aisea 51:22

sa kaya vakaoqo na nomu Turaga ko Jiova, kei na nomu Kalou o koya ka totaki ira na nona tamata, Raica, ka'u sa kauta tani mai na ligamu na bilo e dauveivakamateni, io na kena soko e na bilo ni noqu cudru katakata; ko na sega ni gunuva tale;

Jeremaia 49:12

Ni sa kaya vakaoqo ko Jiova; Raica, ko ira era sa sega ni lewai me gunuva na bilo era sa gunuva vakaidina ga; ia ko iko dina li ko na sega ni cudruvi vakalailai? ko na cudruvi ga, ko na gunuva vakaidina ga.

Maciu 26:35

Sa kaya vua ko Pita, Kevaka edaru na mate vata, au na sega sara ni cakitaki kemuni. Sa vosa vaka talega kina ko ira kecega na tisaipeli.

Maciu 26:39

A sa lako vakalailai vaka kiliu ko koya, a sa cuva sobu vakatoboicu, a sa masu, ka kaya, I Tamaqu, kevaka e rawarawa, me lako tani mada vei au na bilo oqo; ia me kakua ga ni vaka na noqu lewa, me vaka ga na nomu lewa.

Maciu 26:42

Sa lako vakarua ko koya ka masu, ka kaya, I Tamaqu, kevaka e sega ni rawa me takali tani vei au na bilo oqo, ka meu gunuva ga, me yaco ga na nomu lewa.

Maciu 26:56

Ia sa caka kecega na ka oqo, me vakayacori kina na nodrai vola na parofita. Sa qai biuti koya ko ira kecega na tisaipeli, ka dro.

Marika 14:36

A sa kaya; Apa, Tamaqu, sa rawarawa vei kemuni na ka kecega; ni kauta tani vei au na bilo oqo; ia me kakua ga ni vaka na lomaqu, me vaka ga na lomamuni.

Luke 12:50

Ia sa dua na noqu papitaiso me’u papitaisotaki kina; a sa rarawa vakalevu na lomaqu me oti mada oqo!

Luke 22:42

ka kaya, Tamaqu, kevaka ko ni sa vinakata, ni kauta tani vei au na bilo oqo: ia me kakua ni yaco na noqu lewa, me yaco ga na nomuni lewa.

Joni 18:11

Sa qai kaya vei Pita ko Jisu, Daramaka na nomui seleiwau ki na kena taga: a bilo sa solia mai vei au ko Tamaqu, kau na sega beka ni gunuva?

Roma 8:26

Ia na Yalo Tabu talega sa vukea na noda malumalumu: ni da sa sega ni kila na ka e kilikili kei keda me da kerea: a sa masulaki keda na Yalo Tabu e na vutugu e sega ni cavuti rawa.

Jemesa 4:3

Dou sa kerekere ga, ka sega ni rawata, ni dou sa kerekere vakaca, mo dou vakayalia e na nomudou gagadre ca.