Maciu 2:11 - Vakavakadewa Makawa

¹¹ Ia ni ra sa curu ki vale, era sa raica na gone lailai kei Meri na tinana, a ra sa cuva sobu, ka vakarokoroko vua: ia ni ra sa sereka na nodra i solesole kamunaga, era sa vakacabora vua eso nai solisoli; na koula, kei na drega me vakamai, kei na mura.

Ai Vola Tabu (Vakadewa Makawa Vakavoutaki 2021)

¹¹ Ia ni ra sa curu ki vale, era sa raica na gone lailai kei Meri na tinana, a ra sa cuva sobu, ka vakarokoroko vua. Ia ni ra sa sereka na nodra i solesole kamunaga, era sa vakacabora vua eso nai solisoli, na koula, kei na drega me vakamai, kei na mura.

AI VOLA TABU

¹¹ Ia ni ra sa curu ki na vale, era sa raica na gone lailai kei Meri na tinana, a ra sa cuva sobu, ka soro vua: ia ni ra sa dolava na nodra kato kamunaga, era sa vakacabora vua e so nai solisoli; a koula, kei na drega me vakamai, kei na mura.

Vakavakadewa Vou kei na iVola tale eso

¹¹ Ia ni ratou sa curu ki vale, e ratou sa raica na gone kei Maria na tinana. E ratou sa tekiduru ka vakarokoroko vua. E ratou sa qai dolava na nodratou taga ka cabora vua na nodratou i loloma; na koula, na ferekiniseni, kei na mura.

Ai Vola Tabu Ena Vakavakadewa Vou

¹¹ Ia ni ratou sa curu ki vale, e ratou sa raica na gone kei Meri na tinana. E ratou sa tekiduru ka vakarokoroko vua. E ratou sa qai dolava na nodratou taga ka cabora vua na nodratou i loloma; na koula, na ferekiniseni, kei na mura.

Maciu 2:11 Iomraidhean Croise

Vakatekivu 43:11

A sa kaya vei ira ko Isireli na tamadra, Kevaka sa qai vakaoqo, dou cakava mada na ka oqo; dou kauta e na nomudou taga eso na vuata ni vanua oqo ka vinaka cake, ka kauta sobu me ka ni loloma vua na tamata, e dua na pami lailai, ka dua na oni lailai, na ka boi vinaka, kei na mura, na ivi, kei na amodi:

1 Tui 10:10

A sa solia ko koya vua na tui e dua na drau ka ruasagavulu na taledi koula, kei na ka boi vinaka na ka levu sara, kei na vatu talei eso: sa sega tale ni kau emuri na ka boi vinaka me tautauvata na kena levu kei na ka ko ya ka solia na radi ni Sipa kivei Solomoni na tui.

1 Tui 10:2

A sa lako ko koya ki Jerusalemi kei na nona lewe-ni-sala era lewe vuqa sara, kei na kameli eso sa vakavodoki kina na ka boi vinaka, kei na koula na ka levu sara, kei na vatu talei: ia ni sa yaco ko koya vei Solomoni, erau sa veivosaki kaya e na ka kecega sa tu e na lomana.

NA SAME 2:12

Reguca na Luvena, de cudru ko koya, ka dou sa rusa tani mai na sala, Ni sa waqawaqa vakalailai ga na nona cudru. Era sa kalougata ko ira kecega sa vakararavi vei koya.

NA SAME 45:8

A nomuni sulu kecega sa boi mura, kei na yasi, kei na kasia, Mai na vale tabua ni Tui, era sa vakamarautaki kemuni kina.

NA SAME 72:10

O ira na tui Tasisi kei na tui ni veiyanuyanu, era na kauta mai nai madrali: O ira na tui Sipa kei na tui Sepa era na cabora na ka ni loloma.

NA SAME 72:15

Ena bula ko koya, ka na soli talega vua na koula mai Sipa: Ena ia tiko talega na masu e na vukuna; Ena vakavinavinakataki talega e na veisiga.

NA SAME 95:6

Tou mai lotu ka cuva sobu: Tou mai vakatekiduru e na mata i Jiova, o koya ka buli keda.

Lako Yani 30:23

Mo kauta talega vei iko na ka sa talei e nai saluaki, me lima na drau na sikeli mura dina, kei na sinamoni kamikamica me lailai sobu, me rua ga na drau ka limasagavulu, kei na kalamo boi vinaka e rua na drau ka limasagavulu,

Lako Yani 30:34

A sa kaya vei Mosese ko Jiova, Mo kauta vei iko na drega ni kau boi vinaka, na sitakite, kei na onika, kei na kalipeno; a drega ni kau boi vinaka vata kei na drega dina me vakamai: me tautauvata na kena bibi yadua:

Sere i Solomoni 3:6

Ko cei oqo sa lako mai na veikau ka vaka na duru kubou, Ka vakaisaluakitaki e na mura kei na drega boi vinaka, Kei nai saluaki kecega ni tamata dauveivoli?

Aisea 60:6

A qele ni kameli ena lako levu mai vei iko; na luve ni kameli ni Mitiani kei Ifa: ko ira kecega mai Sipa, era na lako mai; era na kauta mai na koula kei na ka boi vinaka; ka ra na vakacaucautaki Jiova e na nodra i tukutuku vinaka.

Vunau ni Soro 6:15

Ia me yakuta ko koya na madrai droka vinaka mai nai madrali laukana, kei na kena waiwai, kei na drega kecega me vakamai sa tu e nai madrali laukana, ka vakama e na dela ni cabocabo-ni-soro me ka boi vinaka, ka mei vakananumi vei Jiova.

Malakai 1:11

Io, mai nai cadracadra ni mata-ni-siga ka yacova na kenai dromudromu ena vakalevulevui na yacaqu vei ira na lewe ni veivanua; ia e na veiyasana kecega ena vakacabori ki na yacaqu nai madrali boi vinaka, io, nai madrali savasava: ni na vakalevulevui na yacaqu vei ira na lewe ni veivanua, sa kaya ko Jiova ni lewe vuqa.

Tiko mai na Lekutu 7:14

e dua nai taki koula e tini na sikeli, sa sinai e na ka boi vinaka:

Tiko mai na Lekutu 7:86

sa tinikarua nai taki koula, sa sinai e na ka boi vinaka, sa yatini na sikeli, e vaka na sikeli ni vale tabu: a koula kecega ni veitaki sa dua na drau ka ruasagavulu na sikeli.

Maciu 1:18

Ia sa vakaoqo na sucu i Jisu Karisito: Sa musu eliu ko Meri na tinana vei Josefa, ia ni rau sa sega mada ni veiyacovi, sa votu na nona bukete mai vua na Yalo Tabu.

Maciu 12:46

Ia ni sa vosa tikoga ko koya vei ira na lewe vuqa, raica, sa tu e tautuba na tinana kei na tacina, eratou sa via vosa vua.

Maciu 14:33

Ia ko ira sa tiko mai waqa, era sa lako mai ka cuva vua, ka kaya, Sa dina sara kemuni sa Luve ni Kalou.

Maciu 2:10

Ia ni ra sa raica na kalokalo, era sa reki vakalevu sara.

Maciu 2:2

a ra sa kaya, Evei ko koya sa sucu me nodra tui na kai Jutia? ni keitou a raica na nona kalokalo mai na tu i cake, ka keitou sa lako mai me cuva vua.

Luke 2:16

A ra sa lako vakatotolo yani, a ra sa kunei Meri, kei Josefa, kei na gone sa davo e na nodra tikina na manumanu.

Luke 2:38

A sa lako mai ko koya e na tiki-ni-siga ko ya, a sa vakavinavinakataka talega na Turaga, a sa vosataki koya vei ira kecega era tiko mai Jerusalemi era waraka nai Vakabula.

Joni 19:39

A sa lako talega mai ko Nikotimo, ko koya sa lako eliu vei Jisu e na bogi, a sa kauta mai na mura kei na yasiyasi sa veiwaki vata, e dua na drau na paudi.

Vakatakila 19:10

Ia ka'u a cuva ki yavana me'u vakarokoroko vei koya. A sa kaya vei au ko koya, Raica, mo kakua: oi au na nomu i tokani, ka dua vei ira na wekamu era sa taura tiko nai tukutuku kei Jisu; vakarokoroko vua na Kalou: ia nai tukutuku kei Jisu na yalo ni parofisai.

Vakatakila 5:8

Ni sa kauta nai vola ko koya, sa cuva sobu e na mata ni Lami ko iratou na ka bula e le va, kei ira na qase e le ruasagavulu ka va era tauyadua na api, kei na veibilo koula sa sinai e na ka boi vinaka, oqori na nodra masu na tamata yalosavasava.

1 Samuela 10:27

Ia ka so na luve ni vu-ni-ca era sa kaya, Ena vakabulai, keda vakaevei na tamata oqo? A ra sa beci koya, ka sega ni kauta vua na ka-ni-loloma Ia sa galu ga kina ko koya.