Maciu 18:10 - Vakavakadewa Makawa

¹⁰ Lewai kemudou vinaka mo dou kakua ni beca e dua vei ira na lalai oqo; niu sa kaya vei kemudou, A nodra agilose mai lomalagi era sa raica tikoga na mata i Tamaqu sa tiko mai lomalagi.

Ai Vola Tabu (Vakadewa Makawa Vakavoutaki 2021)

¹⁰ “Lewai kemudou vinaka mo dou kakua ni beca e dua vei ira na lalai oqo. Ni'u sa kaya vei kemudou, A nodra agilosi mai lomalagi era sa raica tikoga na mata i Tamaqu sa tiko mai lomalagi.

AI VOLA TABU

¹⁰ Raici kemudou vinaka mo dou kakua ni cata e dua vei ira na lalai o qo; niʼu sa kaya vei kemudou, A nodra agilose mai lomalagi era sa raica tikoga na mata i Tamaqu sa tiko mai lomalagi.

Vakavakadewa Vou kei na iVola tale eso

¹⁰ “Dou qarauna mo dou kakua ni beca e dua vei ira na lalai oqo; ni'u sa kaya vei kemudou, ni ra sa dau raica tikoga na mata i Tamaqu mai lomalagi o ira na nodra agilosi.

Ai Vola Tabu Ena Vakavakadewa Vou

¹⁰ “Dou qarauna mo dou kakua ni beca e dua vei ira na lalai oqo; ni'u sa kaya vei kemudou, ni ra sa dau raica tikoga na mata i Tamaqu mai lomalagi o ira na nodra agilosi.

Maciu 18:10 Iomraidhean Croise

2 Samuela 14:28

A sa tiko mai Jerusalemi ko Apisalomi ka yabaki rua, ka sa sega ni raici koya na tui.

1 Tui 22:19

A sa kaya ko koya, O koya oqo, mo rogoca kina na vosa i Jiova: Au a raici Jiova, ni sa tiko e nonai tikotiko vakaturaga, a ra sa tiko voleka vua e na nonai matau kei na nonai mawi ko ira kecega na lewe i lomalagi.

Esiteri 1:14

a ra sa dautu voleka vua ko Kasena, ko Seca, ko Etimaca, ko Tasisi, ko Meresi, ko Masena, ko Memukani, eratou lewe vitu na turaga ni Perisia kei Mitia, eratou sa dauraica na mata ni tui, ka sa tiko me liu e na matanitu;)

NA SAME 15:4

Sa beca na tamata velavela na matana; Ka sa dokai ira era sa rerevaki Jiova. Ke sa bubului ka qai ca kina ko koya, ia sa sega ni veivutunitaka tale.

NA SAME 17:15

Ia koi au, ka'u na raica na matamuni e na yalododonu: Ka'u na qai cegu ni'u sa yadra tale, ka sa ucui kemuni.

NA SAME 34:7

Na agilose i Jiova, sa tiko vakavolivoliti ira era sa rerevaki koya, Ka sa vakabulai ira.

NA SAME 91:11

Ni na vakaroti ira na nona agilose ko koya e na vukumu, Me ra maroroi iko e na nomu i lakolako kecega.

Sakaraia 13:7

Mo yadra mai, nai seleiwau, me lauti koya na noqu i vakatawa, io, me lauti koya na tamata keirau sa dua vata kaya, sa kaya ko Jiova ni lewe vuqa: me yavita nai vakatawa, ka ra na dui vakasevi na sipi: ia ka'u na tarai ira na lalai e na ligaqu.

Sakaraia 4:10

Ia ko cei me sa beca na siga ni ka lalai? ni ra na reki, ka ra na raica na vatu i vakarau e na liga i Serupapeli io na mata i Jiova vituvitu oqori sa veiciciyaki tu e vuravura taucoko.

Maciu 1:20

Ia ni sa vakananuma tiko ko koya na ka oqo, sa qai dua na agilose ni Turaga sa rairai mai vua e na tadra, ka kaya, I Josefa, na luve i Tevita, kakua ni rere ni kauta vei iko na watimu ko Meri: ka ni sa tubu mai vua na Yalo Tabu na ka sa kunekunetaka:

Maciu 12:20

Ena sega ni musuka na gasau sa bibivoro ko koya, Se bokoca na wa-ni-cina e kubou walega, Ka me tala mada yani na lewa dodonu me gumatua:

Maciu 18:14

Sa vaka talega oqo na Tamamudou sa tiko mai lomalagi, ni sa sega ni vinakata me yali e dua vei ira na lalai oqo.

Maciu 18:6

ia ko koya sa vakacala e dua vei ira na lalai oqo era sa vakabauti au, sa vinaka vua kevaka ka vakarubeci e domona e dua na vatu i qaqi levu, ka vakadromutaki e na wasaliwa titobu.

Maciu 2:13

Ia ni ra sa lako tani, raica, sa qai rairai vei Josefa e na tadra e dua na agilose ni Turaga, ka kaya, Mo cavu tu, mo kauta na gone lailai kei tinana, ka dro ki Ijipita, ka waraka kina na noqu vosa vei iko; ni na vakasaqara na gone lailai ko Eroti me vakamatea.

Maciu 2:19

Sa mate ko Eroti, sa qai rairai vei Josefa mai Ijipita e na tadra, e dua na agilose ni Turaga,

Maciu 24:31

Ia ena talai ira na nona agilose ko koya kei na davui sa rogolevu, ka ra na vakasoqoni ira vata na nona digitaki mai na mata ni cagi e va, mai na vu ni lomalagi e dua ka yacova na vu ni lomalagi kadua.

Luke 1:19

A sa vosa na agilose, ka kaya vua, Oi au ko Keperieli, au sa dautu e na mata ni Kalou; ia ka’u sa talai mai me’u vosa vei iko, ka tukuna vei iko nai tukutuku vinaka oqo:

Luke 10:16

O koya sa rogoci kemudou, sa rogoci au; ia ko koya sa beci kemudou, sa beci au; ia ko koya sa beci au, sa beci koya sa talai au mai.

Luke 16:22

Ia sa mate ko koya sa dravudravua, ka ra sa qai kauti koya ko ira na agilose ki na lomasere i Eparaama. Sa mate talega ko koya sa vutuniyau, ka sa bulu;

Cakacaka 10:3

Sa raica ko koya e na raivotu, e nai kaciwa ni aua, e dua na agilose ni Kalou ni sa curu vua, a sa kaya vua, I Konilio.

Cakacaka 12:15

A ra sa kaya vua, Ko sa lialia. Ia sa vakadinadina tiko ko koya ni sa vaka ga kina. A ra sa qai kaya, Sa nona agilose.

Cakacaka 12:23

A sa yaviti koya vakasauri e dua na agilose ni Turaga, ni sa sega ni vakarokorokotaka na Kalou ko koya; ka sa kani koya na baca, ka sa ciba ko koya.

Cakacaka 27:23

ni sa tu voleka vei au e na bogi oqo e dua na agilose ni Kalou, o koya ka’u sa nona, o koya talega ka’u sa qarava,

Cakacaka 5:19

Ia ni sa qai bogi sa dolava na katuba ni vale ni veivesu e dua na agilose ni Turaga, ka kauti iratou maikina, ka kaya,

Roma 14:10

Ia ko iko, ko sa lewai koya na wekamu e na vuku ni cava? se ko iko tale, ko sa beci koya na wekamu e na vuku ni cava? ni da na tu kecega e na mata ni tikotiko ni veilewai ni Kalou.

Roma 14:21

E vinaka mo kakua ni kania na lewe ni manumanu, se gunu waini, se kitaka e dua na ka sa bale kina na wekamu.

Roma 15:1

Sa kilikili talega kei keda, oi keda sa kaukauwa, me da vosota na nodra malumalumu era sa sega ni kaukauwa, me da kakua talega ni kitaka na ka sa vinaka vei keda ga.

1 Korinica 11:22

Oi? sa qai sega beka na nomudou veivale mo dou kana ka gunu kina? se dou vakamaduataki ira beka sa sega na nodra, ka beca nai soqosoqo lewe ni lotu ni Kalou? A cava meu kaya vei kemudou? meu dokai kemudou li e na ka oqo? Au sa sega ni dokai kemudou.

1 Korinica 16:11

O koya me kakua kina na tamata me beci koya: ia mo dou kauti koya e na nona lako tu e na vakacegu, me lako mai kina vei au: niu sa waraki koya kei iratou na veiwekani.

1 Korinica 9:22

vei ira era sa malumalumu kau sa yaco meu vaka e dua sa malumalumu, meu rawai ira kina era sa malumalumu: au sa yaco meu ka kecega vei ira kecega na tamata meu vakabula eso e na ka kecega.

2 Korinica 10:1

Ia koi au ko Paula, kau sa masuti kemudou e na yalomalumalumu kei na yalomalua i Karisito, oi au sa malumalumu niu sa tiko vei kemudou, ia kau sa doudou vei kemudou niu sa tiko tani;

2 Korinica 10:10

ni ra sa kaya, Sa bibi ka kaukauwa na nonai vola; ia sa malumalumu ga ni sa tiko vei keda, ka sa ka wale na nona vosa;

Kalatia 6:1

Oi kemudou na veiwekani, kevaka sa vakidacalataki e dua na tamata mei valavala ca, mo dou vakavinakataki koya e na yalo malumalumu, oi kemudou sa vakayalo; ka mo vakaraici iko, de ko sa dauveretaki talega.

1 Cesalonaika 4:8

Ia ko koya sa beca, sa sega ni beca na tamata, sa beca na Kalou, o koya ka solia mai vei keda na nona Yalo Tabu.

1 Timoci 4:12

Me kakua ni beci iko e dua ni ko sa cauravou; ia mo yaco mo nodra i vakarau era sa vakabauta, e na vosa, e nai valavala, e na loloma, e na lomadina, e na yalosavasava.

Iperiu 1:14

Era sa sega li ni yalo dauveiqaravi ko ira kecega, sa talai yani me qaravi ira era na yaco emuri mei taukei ni bula?

Iperiu 9:24

Ni sa sega ni curu na Karisito ki na loqi tabu sa caka e na liga, oqori sai vakatakarakara ga ni ka dina; sa curu ki na lomalagi dina ga, me rairai edaidai e na mata ni Kalou e na vukuda;

Vakatakila 8:2

Au sa raica na agilose e le vitu eratou sa tu e na mata ni Kalou; a sa soli vei iratou e vitu na davui.