Maciu 13:23 - Vakavakadewa Makawa

²³ Ia ko koya sa kaburaki e na vanua vinaka, sai koya oqo sa rogoca na vosa, a sa kila na kenai balebale; a sa vua, ka vuai drau eso, sa onosagavulu eso, sa tolusagavulu eso.

Ai Vola Tabu (Vakadewa Makawa Vakavoutaki 2021)

²³ Ia ko koya sa kaburaki e na vanua vinaka, sai koya oqo sa rogoca na vosa, a sa kila na kenai balebale, a sa vua, ka vuai drau eso, sa onosagavulu eso, sa tolusagavulu eso.”

AI VOLA TABU

²³ Ia ko koya sa kaburaki e na vanua vinaka, sai koya o qo sa rogoca na vosa, a sa kila na kenai balebale; a sa vua, ka vuai drau e so, sa onosagavulu e so, sa tolusagavulu e so.

Vakavakadewa Vou kei na iVola tale eso

²³ Ia, na kena e kaburaki ena qele vinaka, sai koya sa rogoca na vosa ka kila rawa, ka vua, ka vuaidrau eso, onosagavulu eso ka tolusagavulu eso.”

Ai Vola Tabu Ena Vakavakadewa Vou

²³ Ia, na kena e kaburaki ena qele vinaka, sai koya sa rogoca na vosa ka kila rawa, ka vua, ka vuaidrau eso, onosagavulu eso ka tolusagavulu eso.”

Maciu 13:23 Iomraidhean Croise

Isikeli 18:31

Dou biuta tani vei kemudou na nomudou i valavala ca kecega, dou sa daucala kina; ka vakavouya na lomamudou kei na yalomudou: a cava dou via mate kina oi kemudou na mataqali i Isireli?

Isikeli 36:26

Au na solia talega vei kemudou na yalo vou, io ka'u na vakacuruma ki na lomamudou na yalo vou: au na kauta tani talega maivei kemudou na yalo vatu ka solia vei kemudou na yalo vakalewe.

Maciu 12:33

Dou vakalewa ni vinaka na kau, ka vinaka talega kina na vuana: se vakalewa ni ca na kau, ka ca talega kina na vuana: ni sa kilai na kau e na vuana.

Maciu 13:8

A sa lutu eso ki na vanua vinaka, a sa vuavua vinaka, sa vuai drau eso, a sa onosagavulu eso, a sa tolusagavulu eso.

Maciu 3:10

Ia na matau sa no edaidai e na vu ni kau; ka sa ta laivi kina na kau kecega sa sega ni vuataka na vua vinaka, a sa biu ki na bukawaqa.

Maciu 3:8

o koya mo dou vuataka na vua e kilikili kei na veivutuni:

Marika 10:15

au sa kaya vakaidina vei kemudou, O koya ena sega ni vakabauta na matanitu ni Kalou me vaka na gone lailai, ena sega sara ni curu kina.

Marika 4:20

Ia ko ira oqo sa kaburaki ki na vanua vinaka: era sa rogoca na vosa, ka vakabauta, ka vua, sa vuai tolusagavulu eso, ka onosagavulu eso, ka drau eso.

Luke 13:9

ia de qai vua; ia kevaka e sega, ko ni na qai mai taya sobu.

Luke 8:15

Ia ko koya e na vanua vinaka, sa vakai ira era sa yalodina ka vinaka, a ra sa rogoca na vosa, ka taura deivaka, ka vakavuana tikoga.

Luke 8:8

A sa lutu eso ki na vanua vinaka, a sa tubu cake ka vuataka e drau na vuana. Ni sa vosataka oti ko koya na veika oqo, sa kacivaka, O koya sa vakadaligana me rogoca, me mani rogoca sara.

Joni 15:16

Dou sa sega ni digitaki au, ia kau sa digitaki kemudou, ka lesi kemudou, mo dou lako ka vua, ka me tiko talega na vuamudou; me solia kina vei kemudou ko Tamaqu na ka kecega dou na kerea vua e na yacaqu.

Joni 8:47

O koya sa nona na Kalou sa rogoca na vosa ni Kalou: oqo dou sa sega kina ni rogoca, ni dou sa sega ni nona na Kalou.

Cakacaka 16:14

A sa vakarogoca e dua na yalewa ko Litia na yacana, mai na koro ko Ceataira, sa dauvolitaka na kalokaloka, ko koya sa daulotu vua na Kalou: a sa dolava na yalona na Turaga, ka sa vakabauta kina ko koya na veika sa tukuna ko Paula.

Cakacaka 17:11

A ra sa uasivi vei ira na kai Cesalonaika ko ira oqo e na yalo vakaturaga, ni ra sa vakarogoca na vosa e na loma e vinakata sara, a ra sa dauvakasaqaqara e nai Vola Tabu e na veisiga, se sa vakakina na ka oqori, se segai.

2 Korinica 9:10

Ia ko koya sa dausolia na sila vua na dauveikaburaki kei na madrai me kakana, ena solia mada na sila vei kemudou me levu, ka vakalevutaka na vua ni nomudou i valavala dodonu;

Filipai 1:11

ni dou sa sinai e na vua ni yalododonu, sa tubu e na vuku i Jisu Karisito, me vakarokorokotaki ka vakavinavinakataki na Kalou.

Filipai 4:17

Ia kau sa sega ni gadreva nai solisoli; ia kau sa gadreva ga na vua me uasivi cake e na vukumudou.

Kolosa 1:10

mo dou ia nai valavala e kilikili kei ira sa nona na Turaga, me vinakata kecega ko koya, mo dou vakavuana tiko e na cakacaka vinaka kecega, me tubu cake talega na nomudou kila na Kalou;

Kolosa 1:6

sa yaco vei kemudou, me vaka talega ki vuravura taucoko; a sa vuataka na vuana, ka sa tubu tiko, me vaka talega kina vei kemudou, a sa vakatekivu vata kei na siga dou a rogoca kina, ka kila dina na loloma ni Kalou:

1 Cesalonaika 4:1

Sa vo ga na veiwekani, me keitou vakamasuti kemudou, ka vakarota e na vuku ni Turaga ko Jisu, mo dou uasivi cake vakalevu sara, me vaka dou a vakatavulici maivei keitou e nai valavala sa kilikili kei kemudou mo dou ia tiko, mo dou vinaka vua na Kalou.

2 Cesalonaika 2:10

kei na ka e sega ni dodonu sa veivakacalai vei ira era sa rusa; ni ra sa bese ni lomana na ka dina, me ra bula kina.

Iperiu 4:2

Ni sa tukuni mai vei keda e dua na ka vinaka, me vaka talega vei ira: ia ka sega ni yaga vei ira na vosa era sa rogoca, ni ra sa sega ni dua vata e na vakabauta kei ira era sa vakarogoca.

Iperiu 6:7

Ni sa vakalougatataka na Kalou na qele sa gunuva na uca sa lako wasoma kina, sa vakatubura na kau sa yaga vei ira era sa kelia:

Iperiu 8:10

A sa kaya ko Jiova, Sa vakaoqo na veiyalayalati ka'u na cakava vei ira na mataqali nei Isireli ni sa oti na gauna ko ya; Au na tugana na noqu vunau ki na lomadra, Ka vola e na yalodra: Ia ka'u na yaco me nodra Kalou, Ia era na yaco me noqu tamata:

2 Pita 3:18

Ia dou tubu cake e na loloma, kei na kila na noda Turaga ko Jisu Karisito nai Vakabula. Me ia vua na vakarokoroko e na gauna oqo ka tawa mudu. Emeni.

1 Joni 5:20

Eda sa kila talega ni sa yaco mai na Luve ni Kalou, a sa solia mai vei keda na vuku, me da kilai koya kina sa dina, ia eda sa tu vata kei koya sa dina, vei Jisu Karisito na Luvena. Sai koya oqo na Kalou dina, kei na vu-ni-bula tawa mudu.