Maciu 12:34 - Vakavakadewa Makawa

³⁴ Oi kemudou na kawa ni gata! dou na rawata vakaevei, ni dou sa tamata ca, mo dou vosataka na ka vinaka? ni sa vosataka na gusuda na ka sa oso vakalevu kina na lomada.

Ai Vola Tabu (Vakadewa Makawa Vakavoutaki 2021)

³⁴ Oi kemudou na kawa ni gata! Dou na rawata vakaevei, ni dou sa tamata ca, mo dou vosataka na ka vinaka? Ni sa cavuta na gusuda na ka sa sinai vakalevu tu e lomada.

AI VOLA TABU

³⁴ Oi kemudou na kawa ni gata! dou na rawata vakaevei, ni dou sa lomaca, me vosataka na ka vinaka? ni sa vosataka na gusu na ka sa oso vakalevu kina na loma.

Vakavakadewa Vou kei na iVola tale eso

³⁴ Dou kawa ni gata! Dou sa tukuna rawa vakacava na ka vinaka ni dou tamata ca tu? Ni sa dau tukuna na gusuda na ka ga sa sinai tu kina na lomada.

Ai Vola Tabu Ena Vakavakadewa Vou

³⁴ Dou kawa ni gata! Dou sa tukuna rawa vakacava na ka vinaka ni dou tamata ca tu? Ni sa dau tukuna na gusuda na veika ga sa sinai tu e lomada.

Maciu 12:34 Iomraidhean Croise

NA SAME 53:1

Sa kaya e lomana na tamata lialia, Sa sega na Kalou. Era sa ca sara, era sa kitaka nai valavala ca e velavela: Sa sega e dua sa caka vinaka.

NA SAME 64:3

O ira era sa vagatara na yamedra me vaka nai seleiwau, Era sa navuca na nodra dakai me vanataka na nodra gasau, na vosa gaga.

NA SAME 64:5

Era vaqaqataki ira e na ka ca: Era bose me ra biri dai lo; Era sa kaya, O cei ena kunei ira?

Vosavakaibalebale 16:23

A lomana na vuku sa vakavukuya na gusuna, Ka sa kuria nai vakavuvuli ni tebenigusuna.

Vosavakaibalebale 4:23

Mo vakatawa vakavinaka sara na yalomu; Ni sa taka maikina nai vurevure ni bula.

Aisea 32:6

Ia ko koya sa lialia ena vosataka ga na ka sesewa, ka caka ca tiko na lomana, me ia na veivakaisini, ka vosa cala vei Jiova, me vakalalataka na yalo i koya sa viakana, ka vakayalia na mena wai na tamata sa viagunu.

Aisea 59:14

ka sa vakasukai ki muri na lewa dodonu, ka sa tu vakayawa nai valavala dodonu; ni sa bale sobu na dina e na saqata ni koro, a sa sega ni curu rawa na ka dodonu:

Aisea 59:4

Sa sega e dua e tagica na veilewai e na yalododonu, ka sa sega e dua sa vakadinadina e na yalodina: era sa vakararavi e nai lawaki, ka ra vosa lasu; era sa kunekunetaka na ca, ka ra vakasucuma na caka cala:

Aisea 9:17

Ia na Turaga ena sega kina ni rekitaki ira na nodra cauravou, ena sega talega ni yalololoma vei ira na gone era luveniyali kei na nodra yada: ni ra sa dui veivakaisini kai valavala ca, a gusudra kece sa daucavuta ga na ka lialia. Ia ni sa caka kece oqo sa sega ga ni mudu kina na nona cudru, ka sa dodo tikoga na ligana.

Maciu 12:35

A tamata vinaka sa kauta mai na ka vinaka mai na lololo vinaka ni lomana; kei na tamata ca sa kauta mai na ka ca mai na lololo ca.

Maciu 15:18

Ia na veika sa curu mai na gusu, sa lako dina mai na yalo; a veika ga oqo sa vakadukadukalitaka na tamata.

Maciu 23:33

Na gata, a luve ni gata loaloa! dou na dro rawa vakaevei mai na cudruvi mai eli?

Maciu 3:7

Ia ni sa raica ko koya era sa lewe vuqa na Farisi kei nai tokani i Setoki, era sa lako mai ki na nona papitaiso, sa kaya vei ira, Oi kemudou na kawa ni gata, ko cei sa vakasalataki kemudou mo dou dro tani mai na cudru sa lako tiko mai?

Luke 3:7

Sa qai kaya ko koya vei ira na lewe vuqa era sa lako mai me papitaisotaki ira ko koya, Oi kemudou na kawa ni gata, ko cei sa vakasalataki kemudou mo dou dro tani mai na cudru sa bera mai?

Luke 6:45

A tamata vinaka sa kauta mai na ka vinaka mai na lololo vinaka ni lomana: kei na tamata ca sa kauta mai na ka ca mai na lololo ca ni lomana: ni sa vosataka na gusuda na ka sa oso vakalevu kina na lomada.

Joni 8:44

A tamamudou na tevoro, ia dou sa via kitaka na gagadre ca ni tamamudou. Ko koya na dauveivakamatei mai nai vakatekivu, a sa sega ni vakabauta na ka dina, ni sa sega vei koya na ka dina. Ni sa vosa lasu ko koya, sa vosataka na ka sa tu vua; ni sa daulasulasu ko koya, ka sa vu ni ka oqo.

Efeso 4:29

Me kakua ni lako mai na gusumudou e dua na vosa velavela, o koya ga sa vinaka me ia kina na veivakatataki, me vaka sa rauta, me yaco kina na vinaka vei ira era sa rogoca.

Efeso 5:4

me kakua talega na ka vakasisila, se na veivosaki lialia, se na veiwali, a ka oqori sa sega ni kilikili: me ia ga na vakavinavinaka.

Jemesa 3:2

Ni da sa cala kecega e na ka e vuqa. Kevaka sa sega ni cala e dua e na vosa, sa tamata uasivi sara ko koya, a sa rawarawa vua me tarova na yagona taucoko.

1 Joni 3:10

E na ka oqo sa rairai kina ko ira na luve ni Kalou, kei ira na luve ni tevoro: sa sega ni luve ni Kalou ko koya yadua sa sega ni ia tiko nai valavala dodonu, se ko koya sa sega ni lomana na wekana.

1 Samuela 24:13

Me vaka na vosa vakaibalebale sa daucavuta ko ira na qase eliu, Sa tubu nai valavala ca maivei ira na tamata i valavala ca; ia ena sega ni tarai kemuni na ligaqu.