Maciu 12:10 - Vakavakadewa Makawa

¹⁰ ka raica, sa tiko kina e dua na tamata sa malai na ligana. A ra sa tarogi koya, Sa tara beka me ia na veivakabulai e na siga ni vakacecegu, se segai? ka ni ra via beitaki koya.

Ai Vola Tabu (Vakadewa Makawa Vakavoutaki 2021)

¹⁰ ka raica, sa tiko kina e dua na tamata sa mate na ligana. A ra sa tarogi koya, “Sa tara beka me ia na veivakabulai e na Siga ni Vakacecegu, se segai?” Ka ni ra via beitaki koya.

AI VOLA TABU

¹⁰ ka raica, sa tiko kina e dua na tamata sa malai na ligana. A ra sa tarogi koya, ka kaya, Sa tara beka me ia na veivakabulai e na siga ni vakacecegu, se segai? a ya me ra beitaki koya.

Vakavakadewa Vou kei na iVola tale eso

¹⁰ E tiko kina e dua na tamata ka mate tu e dua na ligana. Era sa qai tarogi koya, ka kaya, “E tara li me caka na veivakabulai ena Siga ni Vakacecegu?” Era sa taroga o ya me rawa ni ra beitaki koya kina.

Ai Vola Tabu Ena Vakavakadewa Vou

¹⁰ E tiko kina e dua na tamata ka mate tu e dua na ligana. Era sa qai tarogi koya, ka kaya, “E tara li me caka na veivakabulai ena Siga ni Vakacecegu?” Era sa taroga o ya me rawa ni ra beitaki koya kina.

Maciu 12:10 Iomraidhean Croise

Aisea 32:6

Ia ko koya sa lialia ena vosataka ga na ka sesewa, ka caka ca tiko na lomana, me ia na veivakaisini, ka vosa cala vei Jiova, me vakalalataka na yalo i koya sa viakana, ka vakayalia na mena wai na tamata sa viagunu.

Aisea 59:13

keimami sa talaidredre ka lasu vei Jiova, ka sa lesu tani me vakanadakui koya na neimami Kalou; ka sa vosataka na veivakasaurarataki kei na vuki, ka sa vakananuma ka cavuta mai na vu ni yalo i keimami na vosa lasu:

Aisea 59:4

Sa sega e dua e tagica na veilewai e na yalododonu, ka sa sega e dua sa vakadinadina e na yalodina: era sa vakararavi e nai lawaki, ka ra vosa lasu; era sa kunekunetaka na ca, ka ra vakasucuma na caka cala:

Sakaraia 11:17

Ena ca nai vakatawa sa sega ni yaga sa biuta na qele ni sipi! nai seleiwau ena tauca na ligana, kei na matana i matau: a ligana ena wamalai sara, kei na matana i matau ena vakabutobutotaki sara.

Maciu 12:2

Ia ni sa raica ko ira na Farisi, era sa kaya vua, Raica, sa kitaka ko ira na nomu tisaipeli na ka e sega ni tara me caka e na siga ni vakacecegu.

Maciu 19:3

A sa lako mai vei koya ko ira na Farisi, ka vakatovolei koya, ka kaya vua, Sa tara vua na tagane me biuta na watina e na vuku ni ka kecega, se segai?

Marika 3:2

A ra sa vakaraici koya, se na vakabulai koya e na siga ni vakacecegu, se segai; me ra qai beitaki koya.

Luke 11:54

a ra sa lawakitaka, a ra sa qara me ra rogoca e dua na ka mai na gusuna, me ra vakaucacataki koya kina.

Luke 13:14

Sa qai vosa vakacudrucudru na turaga ni vale ni lotu, ni sa ia na veivakabulai ko Jisu e na siga ni vakacecegu, ka kaya vei ira na tamata, E ono na siga e dodonu me ia kina na cakacaka: oqori dou lako mai kina mo dou vakabulai, ia me kakua ga e na siga ni vakacecegu.

Luke 20:22

Sa tara me da soli vakacavacava vei Sisa, se segai?

Luke 23:14

sa kaya vei ira, Dou sa kauta mai vei au na tamata oqo, me vaka e dua sa vukici ira vakatani na tamata; ia ka raica, au sa taroga e na matamudou, ia ka’u sa sega ni kunea vua na tamata oqo e dua na ca dou sa beitaka vua:

Luke 23:2

A ra sa vakatekivu me ra beitaka, a ra sa kaya, Keitou sa kunei koya oqo, ni sa vukici ira vakatani na vanua, sa vakatabuya na soli vakacavacava vei Sisa a sa kaya ni sa Karisito na Tui ko koya.

Joni 5:10

O koya oqo era sa kaya kina na kai Jutia vei koya sa vakabulai, A siga ni vakacecegu oqo: sa sega ni tara vei iko mo colata nai mocemoce.

Joni 5:3

Sa le vuqa era tauvi-mate sa davo kina, ko ira na mataboko, na lokiloki, na wamalai, era sa wawa me vakayavalati mada na wai.

Joni 7:23

kevaka sa cilivi na tamata ena siga ni vakacecegu, me kakua ni vakacacani na vunau i Mosese; dou sa cudruvi au beka, niu sa vakabula taucoko e dua na tamata e na siga ni vakacecegu?

Joni 8:6

Era sa vosa vakaoqo me ra veretaki koya kina, me ra beitaki koya rawa. Ia sa cuva sobu ko Jisu, ka vola na soso e na nonai qaqalo.

Joni 9:16

Eso vei ira na Farisi era sa qai kaya, A tamata oqo sa sega ni tamata ni Kalou, ni sa sega ni vakatabuya na siga ni vakacecegu. Eso tani sa kaya, E cakava rawa vakaevei na cakacaka-mana vakaoqo e dua na tamatai valavala ca? A ra sa sega ni lomavata.