Luke 8:47 - Vakavakadewa Makawa

⁴⁷ Ia ni sa kila na yalewa sa sega ni vuni, sa lako mai ka sautaninini, ka cuva sobu vua, ka tukuna e matadra kecega na lewe vuqa na ka sa tarai koya kina, kei na nona bula vakasauri kina.

Ai Vola Tabu (Vakadewa Makawa Vakavoutaki 2021)

⁴⁷ Ni sa kila na yalewa ni sa sega ni rawa ni vuni, sa lako mai ka sautaninini, ka cuva sobu vua, ka tukuna e matadra kecega na lewe vuqa na ka sa tarai koya kina, kei na nona bula vakasauri kina.

AI VOLA TABU

⁴⁷ Ia ni sa kila na yalewa ni sa sega ni vuni, sa lako mai ka sautaninini, ka bale sobu e matana, ka tukuna vua e na matadra kecega na lewe vuqa na ka sa tarai koya kina, kei na nona bula vakasauri kina.

Vakavakadewa Vou kei na iVola tale eso

⁴⁷ Ni sa kila na yalewa ni sa sega ni vuni rawa tale, sa qai lako sautaninini yani; a sa cuva e matana, ka tusanaka e matadra na tamata kecega na vuna e tarai koya kina, kei na nona vakabulai vakasauri.

Ai Vola Tabu Ena Vakavakadewa Vou

⁴⁷ Ni sa kila na yalewa ni sa sega ni vuni rawa tale, sa qai lako sautaninini yani; a sa cuva e matana, ka tusanaka e matadra na tamata kecega na vuna e tarai koya kina, kei na nona vakabulai vakasauri.

Luke 8:47 Iomraidhean Croise

NA SAME 2:11

Dou qaravi Jiova e na rere, Ka ia vata na reki kei na sautaninini:

NA SAME 38:9

I Jiova, sa tu e matamuni na ka kecega ka'u sa gadreva; Ka sa sega ni vuni vei kemuni na noqu vutuqu.

NA SAME 66:16

Dou toro mada mai mo dou rogoca, oi kemudou kecega sa rerevaka na Kalou, Ka'u na tukuna na ka sa cakava ko koya e na vuku ni yaloqu.

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Osea 13:1

Ni sa vosa ko Ifireimi, ni sa rere tiko, sa vakalevulevui ko koya e Isireli; ia ni sa caka cala ko koya e na vuku i Peali, sa qai mate.

Osea 5:3

Oi au ka'u sa kilai ira na Ifireimi, ia ko ira na Isireli sa ra sega ni vuni vei au: ni dou sa qai ia na veibutakoci, koi kemudou na Ifireimi, sa vakadukadukalitaki ko ira na Isireli.

Apakuki 3:16

Au a rogoca, ka rise na bati ni ketequ; Ni sa rogo mai, sa yavala kina na tebenigusuqu: Sa curu ki na suiqu na vuca, ka'u a sautaninini tu e yavaqu: Ia ka'u na vakacegu ga e na siga ni rarawa, Ni sa lako cake mai ko koya vei ira na lewe ni vanua ena mai kabai ira ko koya.

Maciu 28:8

A rau sa lako kusarawa mai nai bulubulu ni rau sa rere ka reki vakalevu; a rau sa cici me tukuna vei ira na nona tisaipeli.

Marika 5:33

A sa rere na yalewa, ka sautaninini, ni sa kila na ka sa caka vua, a sa lako mai ka cuva sobu e matana, ka tukuna kecega vua na kena dina.

Luke 8:46

A sa kaya ko Jisu, Sa dua sa tarai au: ni’u sa kila sa lako tani vei au na kaukauwa.

Luke 8:48

A sa kaya vua ko koya, Na luvequ-yalewa, mo vakacegu; sa vakabulai iko na nomu vakabauta; mo lako e na vakacegu.

Cakacaka 16:29

Sa qai kaci ko koya me kau mai na cina, a sa rika ki loma, a sa sautaninini mai, a sa cuva sobu vei Paula kei Sailasa,

1 Korinica 2:3

Ia kau a tiko vata kei kemudou e na malumalumu, kei na rere, kei na sautaninini levu.

2 Korinica 7:15

Ia sa ka levu sara na nona loloma vei kemudou, ni sa nanuma ko koya na nomudou talairawarawa kecega, ni dou sa vakacegui koya e na rere kei na sautaninini.

Filipai 2:12

Ia koi kemudou, kau sa daulomana, me vaka na nomudou talairawarawa e na veigauna sa oti, dou sa sega ni ia walega niu sa tiko vei kemudou, dou sa uasivi cake kina niu sa takali, dou kitaka vakakina na cakacaka dou sa bula sara kina e na rere kei na sautaninini.

Iperiu 12:28

Ia ni da sa rawata na matanitu sa sega ni vakayavalati rawa, me da taura matua na loloma sa soli, eda sa qarava vinaka kina na Kalou e na yalomatua kei na rere:

1 Samuela 16:4

A sa kitaka ko Samuela na ka ka kaya ko Jiova, a sa lako yani ki Pecileema. A ra sa lako vakaninini mai na qase ni koro me tavaki koya, a ra sa kaya, O sa lako vakavinaka mai, se segai?