Luke 8:24 - Vakavakadewa Makawa

²⁴ A ra sa lako mai ka vakayadrati koya, ka kaya, Kemuni na Turaga, Kemuni na Turaga, eda sa mate. Sa qai tu cake ko koya, ka vunauca na cagi kei na wai cudrucudru; ka rau sa cegu kina, a sa qai maravu sara.

Ai Vola Tabu (Vakadewa Makawa Vakavoutaki 2021)

²⁴ A ra sa lako mai ka vakayadrati koya, ka kaya, “Kemuni na Turaga, Kemuni na Turaga, eda sa mate.” Sa qai tucake ko koya, ka vunauca na cagi kei na wai cudrucudru; ka rau sa cegu kina, a sa qai maravu sara.

AI VOLA TABU

²⁴ A ratou sa lako mai ka vakayadrati koya, ka kaya, Turaga, Turaga, edatou sa mate. Sa qai tu cake ko koya, ka vunauca na cagi kei na wai cudrucudru; ka rau sa cegu kina, a sa maravu.

Vakavakadewa Vou kei na iVola tale eso

²⁴ E ratou sa qai la'ki vakayadrati koya sara, ka kaya, “Turaga, Turaga, e datou sa leqa!” Sa qai tu cake o koya ka vunauca na cagi kei na biau cudrucudru; a rau sa mani mudu sara, ka mai lutu yani na maravu.

Ai Vola Tabu Ena Vakavakadewa Vou

²⁴ E ratou sa qai la'ki vakayadrati koya sara, ka kaya, “Turaga, Turaga, e datou sa leqa!” Sa qai tu cake o koya ka vunauca na cagi kei na biau cudrucudru; a rau sa mani mudu sara, ka mai lutu yani na maravu.

Luke 8:24 Iomraidhean Croise

NA SAME 65:7

Ka sa vakamaravutaka na cudru ni wasawasa, kei na vadugu ni biau, Kei na nodra ue na tamata.

Aisea 50:2

A cava, ni'u a lako mai, sa sega kina e dua na tamata? a cava, ni'u a kaci, sa sega e dua me rogo mai? Sa lekaleka li na ligaqu, me dredre kina ni ia na veivakabulai? se sa sega beka vei au na kaukauwa, me'u sega kina ni vakabula rawa? raica, ni'u sa vunauca, ka'u sa vakadiva kina na wasawasa, ka vukica na uciwai me talasiga: ni sa yali na wai, sa bona na kena ika ka mate sara e na viagunu:

Jeremaia 5:22

dou sa sega beka ni rerevaki au? sa kaya ko Jiova: dou na sega beka ni sautaninini e mataqu, ka'u sa yalana na waitui e na nuku me sa sega ni sivia e na dua nai lesilesi e sega ni mudu: ia ke sa vakauaua, ke sa sega ni gumatua rawa; ke sa vadugu, ke sa sega ni sivia mai?

Neumi 1:4

Sa vunauca na wasawasa, ka sa di mai, ia na uciwai kecega sa vakadiva talega: sa malai ko Pasani, kei Kameli, ia na se ni kau mai Lepanoni sa malai.

Maciu 14:30

Ia ni sa raica sa kaukauwa na cagi, sa qai rere; ia ni sa vakatekivu me lutu dromu, sa kaci sara, ka kaya, Na Turaga, ni vakabulai au.

Maciu 8:25

Sa qai lako mai ko ira na nona tisaipeli, ka vakayadrati koya, ka kaya, Kemuni na Turaga, vakabulai keda: eda sa mate.

Marika 4:39

A sa tu cake ko koya, ka vunauca na cagi, a sa kaya ki na wasawasa, Mo cegu, mo maravu mai. A sa ruru na cagi, a sa maravu levu mai.

Luke 4:35

A sa vunauci koya ko Jisu, ka kaya, Mo galu ga, ka lako tani mai vua. Ia ni sa bitabitalaki koya mada na tevoro e na kedra maliwa, sa qai lako tani mai vua, a sa sega ni vakamavoataka.

Luke 4:39

A sa tu e tikina ko koya, ka vunauca na katakata: a sa takali vua; a sa tu cake sara ko koya, ka qaravi iratou.

Luke 5:5

A sa vosa ko Saimoni, ka kaya vua, Na Turaga, keitou sa ia tiko e na bogi ka sigavaka, ka keitou sa sega ni rawata e dua na ka; ia e na vuku ni nomuni vosa, ka’u na viritaka sobu na lawa.

Luke 8:25

A sa kaya vei ira ko koya, Evei na nomudou vakabauta? A ra sa rere ka kurabui, ka veikayaka vakai ira, Ko cei beka oqo; sa vakarota na cagi kei na wai, a rau sa talairawarawa vua?