Luke 7:7 - Vakavakadewa Makawa

⁷ ka’u sa sega talega ni nanumi au me’u yaga me’u lako vei kemuni: ia mo ni cavuta na vosa, ena bula kina na noqu tamata:

Ai Vola Tabu (Vakadewa Makawa Vakavoutaki 2021)

⁷ ka’u sa sega talega ni nanumi au me’u yaga me’u lako vei kemuni. Ia mo ni cavuta na vosa, ena bula kina na noqu tamata dauveiqaravi.

AI VOLA TABU

⁷ o koya talega o qo kaʼu sa tawa nanumi au kina meʼu yaga me lako vei iko: mo cavuta walega na vosa, ena bula kina na noqu tamata:

Vakavakadewa Vou kei na iVola tale eso

⁷ ka sa sega talega ni ganita na i tuvaki ni noqu bula druka me'u lako yani vei kemuni. Ia ni cavuta ga na vosa, ena vakabulai kina na noqu tamata.

Ai Vola Tabu Ena Vakavakadewa Vou

⁷ ka sa sega talega ni ganita na i tuvaki ni noqu bula druka me'u lako yani vei kemuni. Ia ni cavuta ga na vosa, ena vakabulai kina na noqu tamata.

Luke 7:7 Iomraidhean Croise

NA SAME 107:20

Sa tala na nona vosa, ka vakabulai ira, Ka kauti ira tani mai na ka era rusa kina.

NA SAME 33:9

Ni sa kaya ko Koya, ka sa yaco; Sa vakarota ko Koya, ka sa tu dei.

Lako Yani 15:26

ka kaya, Kevaka ko ni na vakarorogo vakavinaka ki na domo i Jiova na nomuni Kalou, ka cakava na ka sa dodonu e matana, ka vakatu daligamuni ki na nona vunau, ka vakabauta na ka kecega sa lesia ko koya, ka'u na qai sega ni vakayacora vei kemuni e dua na mate ka'u a vakayacora vei ira na kai Ijipita; ni sai au ko Jiova, ka'u sa vakabulai kemuni tiko.

Marika 1:27

A ra sa kurabui kecega, ka veitarogi kina vakai ira, ka kaya, A ka cava beka oqo? a cava beka nai vakavuvuli vou oqo? ka ni sa vakarota vakaturaga ko koya vei ira na yalo velavela, a ra sa talai rawarawa vua.

Luke 4:36

A ra sa kurabui kecega, a ra sa veivosaki vakai ira, ka kaya, A cava beka na vosa oqo! ni sa vosa vakaturaga ka vakamana ko koya vei ira na yalo velavela, a ra sa lako tani sara.

Luke 5:13

A sa dodoka na ligana ko koya, ka tarai koya, ka kaya, Au sa vinakata: mo savasava mai. A sa takali sara vua na vukavuka.

Luke 7:6

Sa qai lako vata kei ira ko Jisu. Ia ni sa voleka ki vale ko koya, sa tala eso na wekana na turaga ni valu, me ra kaya vua, Kemuni na Turaga, kakua ni vakaceguocataki kemuni: ni’u sa sega ni yaga mo ni curu ki na noqu vale:

Luke 7:8

ni’u sa turaga lailai koi au, ka’u sa lewa na sotia eso; ka’u sa kaya vua oqo, Mo lako yani, a sa lako yani: vei koya e dua tani, Mo lako mai, a sa lako mai: ka vei koya na noqu tamata, Mo kitaka oqo, a sa kitaka.

Vakarua 32:39

Dou raica mada ni sai au, io, koi au duaduaga, Ka sega tale e dua sa kalou vata kei au: Au sa ia na veivakamatei, ka'u sa ia talega na veivakabulai; Au sa ia na veivuetaki, ka'u sa ia na veivakamavomavo: Ka sa sega e dua me kovea rawa mai na ligaqu.

1 Samuela 2:6

Sa ia na veivakamatei ko Jiova, a sa ia na veivakabulai: Sa lewa ko koya na lako sobu ki nai bulubulu, ka lewa na vakaturi cake mai.