Luke 7:39 - Vakavakadewa Makawa

³⁹ Ia ni sa raica na Farisi ka sureti koya, sa nanuma ga e lomana, ka vaka, Kevaka sa parofita ko koya oqo, sa kila na yalewa oqo sa tarai koya, kei na nonai valavala talega; ni sa yalewa i valavala ca.

Ai Vola Tabu (Vakadewa Makawa Vakavoutaki 2021)

³⁹ Ia ni sa raica oqo na Farisi ka sureti koya, sa nanuma ga e lomana, ka vaka, “Kevaka sa parofita ko koya oqo, sa na kila rawa ko koya na yalewa oqo sa tarai koya, kei na nona i valavala talega—ni sa yalewa i valavala ca.”

AI VOLA TABU

³⁹ Ia ni sa raica ko na Farisi ka sureti koya, sa vosa lo e lomana, ka kaya, Kevaka sa parofita ko koya o qo, sa kila na yalewa o qo sa tarai koya, kei na nonai valavala talega; ni sa yalewa i valavala ca.

Vakavakadewa Vou kei na iVola tale eso

³⁹ Ia ni sa raica na Farisi ka a sureti Jisu sa kaya e lomana, “Ke parofita na tamata oqo, ke kila se o cei, ka yalewa vakacava talega o koya ka tarai koya tiko oqo; ni sa yalewa i valavala ca o koya.”

Ai Vola Tabu Ena Vakavakadewa Vou

³⁹ Ia ni sa raica na Farisi ka a sureti Jisu sa kaya e lomana, “Ke parofita na tamata oqo, ke kila se o cei, ka yalewa vakacava talega o koya ka tarai koya tiko oqo; ni sa yalewa i valavala ca o koya.”

Luke 7:39 Iomraidhean Croise

2 Tui 5:20

A sa vaka ko Kiesai, na cauravou i Ilaisa na tamata ni Kalou, Raica, sa lomani Neamani oqo na kai Siria ko koya na noqu turaga, ka sega ni taura mai vua na ka sa kauta mai ko koya: me vaka sa bula ko Jiova, ka'u na cicimuri koya, ka kauta mai vua e dua na ka.

Vosavakaibalebale 23:7

Ia me vaka na vakanananu ni lomana, sa vakakina ko koya: Sa kaya vei iko, Mo kana ka gunu: Ia sa sega ni lomana dina vei iko:

Aisea 65:5

a ra kaya, Mo tiko tani ko iko; kakua ni ko sudra mai vei au; ni'u sa yalosavasava cake vei kedaru. Ko ira oqo era sa kubou e na ucuqu, na buka sa waqa tu e na veisiga.

Maciu 20:16

Ena sa vakakina, ena liu ko ira ka muri, ka na muri ko ira ka liu.

Maciu 21:11

A ra sa kaya na lewe vuqa, Oqo ko Jisu na parofita mai Nasareci e Kalili.

Marika 7:21

Ni sa curu yani mai loma, mai na yalodra na tamata, na nanuma ca, na dauyalewa, na daudara, na daulaba,

Luke 12:17

a sa qai vakananuma e lomana, ka kaya, A cava me’u kitaka, ni sa sega na noqu lololo me’u binia kina na noqu lewe ni veiwere?

Luke 15:2

A sa vosakudrukudru ko ira na Farisi kei ira na vunivola, ka kaya, Ko koya oqo sa veilasamaki vata kei ira na tamata ca, ka kana vata kei ira.

Luke 16:3

Sa qai vakananuma e lomana na dau-ni-yau, A cava me’u kitaka, ni sa kauta tani vei au na noqu turaga na cakacaka vaka dau-ni-yau? Au sa sega ni rawata na cuki were; au sa madua ni kerekere.

Luke 18:4

A sa bese mada ko koya; a sa qai kaya emuri e lomana, Au sa sega ni rerevaka na Kalou, se’u dokai ira na tamata;

Luke 3:8

o koya mo dou qai vuataka na vua e kilikili kei na veivutuni; ia dou kakua ni kaya e na lomamudou, A tama i keimami ko Eparaama; ni’u sa kaya vei kemudou, sa rawarawa vua na Kalou me vakatubura na veivatu oqo me ra luve i Eparaama.

Luke 7:16

A ra sa rere ko ira kecega: ka ra vakarokorokotaka na Kalou, ka kaya, Sa qai tubu cake vei keda e dua na parofita levu; a sa lako mai na Kalou kivei ira na nona tamata.

Luke 7:37

Ka raica, sa dua na yalewa e na koro, o koya sa yalewa i valavala ca, ni sa kila sa tiko ko koya e na vale ni Farisi me kana, sa kauta mai e dua na tavaya alapasita sa tawa e nai lumu:

Luke 7:38

a sa tu mai dakuna ki yavana, ka tagi, a sa vuya na yavana e na wai ni matana, a sa quaraka e na drau ni uluna, a sa reguca na yavana, ka lumuta e nai lumu.

Luke 7:40

A sa vosa ko Jisu, ka kaya vua, I Saimoni, sa dua na ka ka’u sa via taroga vei iko: A sa kaya ko koya, Vakavuvuli, mo kaya ga mai:

Joni 4:19

Sa kaya vei koya na yalewa, Au sa qai kila, saka, sa dua na parofita koi kemumi.

Joni 7:12

A sa vosataki koya lo vakalevu ko ira na tamata: sa kaya eso, A tamata vinaka ko koya: ka kaya eso tani, E segai; sa lawakitaki ira ga na tamata.

Joni 9:24

Era sa qai kaciva tale na tamata ka mataboko, ka kaya vua, Vakarokorokotaka na Kalou: keitou sa kila sa tamatai valavala ca ko koya oqori.