Luke 7:25 - Vakavakadewa Makawa

²⁵ ia ka cava dou a lakova mo dou raica? a tamata sa vakaisulu li e nai sulu malumalumu? raica, ko ira sa vakaisulu vakaiukuuku, ka daukana vinaka, era sa tiko e na veivale vakaturaga.

Ai Vola Tabu (Vakadewa Makawa Vakavoutaki 2021)

²⁵ Ia ka cava dou a lakova mo dou raica? A tamata sa vakaisulu li e nai sulu malumalumu? Raica, ko ira sa vakaisulu vakaiukuuku, ka daukana vinaka, era sa tiko e na veivale vakaturaga.

AI VOLA TABU

²⁵ ia na cava dou a lakova mo dou raica? a tamata sa vakaisulu e nai sulu malumalumu, ne? raica, o ira sa vakaisulu vakaiukuuku, ka daukana tiko, era sa tiko e na veivale vakaturaga.

Vakavakadewa Vou kei na iVola tale eso

²⁵ Ia na cava beka ga o ni a la'ki raica? Na tamata vakaisulu ena i sulu malumu? Raica, o ira era dau vakaisulu ena i sulu sau levu ka ra tiko vinaka ena veika ni bula oqo era dau tiko ga ena veivale vakatui.

Ai Vola Tabu Ena Vakavakadewa Vou

²⁵ Ia na cava beka ga o ni a la'ki raica? Na tamata vakaisulu ena i sulu malumu? Raica, o ira era dau vakaisulu ena i sulu sau levu ka ra tiko vinaka ena veika ni bula oqo era dau tiko ga ena veivale vakatui.

Luke 7:25 Iomraidhean Croise

2 Samuela 19:35

Sa walusagavulu na noqu yabaki e na siga oqo: au sa kila rawa beka na ka vinaka kei na ka ca? sa kila rawa beka na nomuni tamata na kenai kanakana ni ka ka'u sa kania se na ka ka'u sa gunuva? au sa rogoca rawa tiko li na domodra na tagane dausere kei na yalewa dausere? ia ka cava me'u vakaocataki kemuni kina noqu turaga na tui koi au na nomuni tamata?

1 Tui 10:5

kei na kakana mai na nona tepeli, kei na nodra tiko na nona tamata, kei na nodra tu era sa qaravi koya, kei na nodra i sulu, kei ira era dautu na mena, kei na nonai cabecabe sa cabe kina ko koya ki na vale i Jiova, sa yali na nona lomadei.

2 Tui 1:8

A ratou sa kaya vua, A tamata sa vakaisulu e nai sulu vuti ka ni manumanu, ka sa vau na tolona e nai vau kuli-ni-manumanu. A sa kaya ko koya, O koya ga ko Ilaija na kai Tisipa.

Esiteri 1:11

me ratou kauti Vasitai na ranadi kivei koya na tui, ni sa vakaisala tu e nai sala vakaranadi, me vakaraitaka na nona matavinaka vei ira na tamata kei ira na turaga: ni sa marama uasivi ko koya.

Esiteri 1:3

e nai katolu ni yabaki ni nona lewa, sa caka magiti ko koya vei ira kecega na nona tamata turaga kei ira era qaravi koya; sa tiko e matana ko ira na kena kaukauwa kei Perisia kei Mitia, ko ira na turaga lelevu, kei ira na turaga ni veiyasana:

Esiteri 4:2

ka lako sara mai ki na nona matamata-ni-koro na tui: ni sa tabu me curu e dua ki na matamata-ni-koro ni tui ni sa vakaisulu taga.

Esiteri 5:1

Ia e na kenai katolu ni siga sa vakaisulu vakaranadi ko Esiteri, ka la'ki tu e na rara eloma ni nona vale na tui, o koya ka donuya na nona vale na tui: a sa tiko na tui e na nona vale ka e nonai tikotiko vakatui, sa donuya na matamata ni vale.

Esiteri 8:15

Sa qai lako yani mai na mata ni tui ko Moatekai, ka sa vakaisulu e nai sulu vakatui sa pelu ka vulavula, kei nai sala koula levu, kei nai sulu lineni matailalai, ka lokaloka: a sa reki ka marau na koro ko Susani.

Aisea 59:17

ka sa sulumaka ko koya nai valavala dodonu me vaka nai sasabai, a sa vakaisala e nai sala ni veivakabulai; ka sa vakaisulutaki koya e nai sulu ni veisausaumi, ka sa tutuvitaki koya e na lomakatakata.

Maciu 11:8

ia ka cava dou a lakova mo dou raica? a tamata li sa vakaisulu e nai sulu malumalumu? raica, ko ira sa vakaisulu e nai sulu malumalumu, era sa tiko e na nodra veivale na tui.

Maciu 3:4

Ia ko Joni oqo sa vakaisulu e nai sulu vuti ni kameli, ka vau na tolona e na wa kuli-ni-manumanu; ka sa kena kakana na vodre kei na oni ni veikau.

Maciu 6:29

ia kau sa kaya vei kemudou, O Solomoni e na nonai ukuuku kecega sa sega ni vakaisulu me vaka e dua vei ira oqo.

Luke 16:19

Sa dua na tamata vutuniyau, sa vakaisulu e nai sulu lokaloka kei na lineni matailalai, a sa daumarau vakalevu e na veisiga kecega:

Luke 7:24

Ia ni rau sa lako tale koi rau ka tala ko Joni, sa kaya ko koya vei ira na lewe vuqa e na vuku i Joni, A cava dou a lakova ki veikau mo dou raica? a gasau li sa yavalati e na cagi?

Luke 7:26

Ia ka cava dou a lakova mo dou raica? a parofita? io, au sa kaya vei kemudou e dua sa uasivia na parofita.