Luke 6:38 - Vakavakadewa Makawa

³⁸ mo dou dausoli, ka na soli vei kemudou; nai vakarau vinaka, ka tabaki sobu, ka kuretaki vata, ka vuabale, era na solia na tamata ki na lomaseremudou. Ia nai vakarau dou sa vakarautaka, ena vakarautaki tale vei kemudou.

Ai Vola Tabu (Vakadewa Makawa Vakavoutaki 2021)

³⁸ mo dou dausoli, ka na soli vei kemudou. Nai vakarau vinaka, ka tabaki sobu, ka kureitaki vata, ka vuabale, era na soli ki na lomaseremudou. Ia na kenai vakarau dou sa vakarautaka, ena vakarautaki tale vei kemudou.”

AI VOLA TABU

³⁸ dou ia nai solisoli, ka na soli kina vei kemudou; nai vakarau vinaka, ka tabaki sobu, ka kuretaki vata, ka vua bale, era na solia na tamata ki na lomase-remudou. Ia nai vakarau dou sa vakarautaka, ena vakarautaki tale vei kemudou.

Vakavakadewa Vou kei na iVola tale eso

³⁸ Mo ni dau solisoli, ena qai solia ga vei kemuni na Kalou. Sa dina sara ni o ni na ciqoma na nomuni i votavota sa sinai vutuvutu, e dua na ka ni veivuke loloma sa sovaraki ki na ligamuni — na kena levu ga o ni rawa ni taura. Na i vakarau o ni dau vakayagataka vei ira na tani sai koya na i vakarau vata ga ena vakayagataka vei kemuni na Kalou.”

Ai Vola Tabu Ena Vakavakadewa Vou

³⁸ Mo ni dau solisoli, ena qai solia ga vei kemuni na Kalou. Sa dina sara ni o ni na ciqoma na nomuni i votavota sa sinai vutuvutu, e dua na ka ni veivuke loloma sa sovaraki ki na ligamuni — na kena levu ga o ni rawa ni taura. Na i vakarau o ni dau vakayagataka vei ira na tani sai koya na i vakarau vata ga ena vakayagataka vei kemuni na Kalou.”

Luke 6:38 Iomraidhean Croise

2 Samuela 19:36

Ena lako vakalailai ga na nomuni tamata kei na tui ki tai kadua ni Joritani: ia me sauma e na cava vei au na tui e na ka levu vakaoqo?

Esiteri 7:10

A ra sa vakalilici Emani e na kau sa cakava ko koya me lili kina ko Moatekai. Sa qai malumu na cudru ni tui.

Esiteri 9:25

ia ni sa lako mai ko Esiteri vua na tui, sa vakarota ko koya e nai vola, me lesu ki na uluna na vere ca sa bukiveretaki ira kina na Jiu, ka me ratou vakalilici e na kau ko koya kei iratou na luvena tagane.

Jope 42:11

Sa qai lako mai vua ko iratou na tacina kecega, kei iratou na ganena kecega, kei ira kece era veiwekani kaya eliu, a ra sa kana madrai vata kaya e nona vale: a ra sa tagicaki koya, ka vakacegui koya e na vuku ni ka rarawa kecega sa vakayacora vua ko Jiova: ka ra sa dui solia vua e dua na tiki ni siliva, ka dua na sau koula.

NA SAME 79:12

Ia mo ni sauma vakavitu vei ira na tiko voleka vei keimami, E na vuku ni nodra vosa ca, era sa vosacataki kemuni kina, na Turaga.

Lako Yani 21:24

na mata mei sau ni mata, na bati mei sau ni bati, na liga mei sau ni liga, na yava mei sau ni yava,

Vosavakaibalebale 10:22

Na veivakalougatataki maivei Jiova sa ia na veivakavutuniyautaki, Ka sa sega ni kuria ko koya e na ka rarawa.

Vosavakaibalebale 19:17

Sa ia na soli ka vei Jiova ko koya sa lomani ira na dravudravua; Ia na ka sa solia ko koya ena saumi tale vua.

Vosavakaibalebale 22:9

O koya sa mata lomasoli ena kalougata; Ni sa solia na nona madrai me kedra na dravudravua.

Jeremaia 32:18

ko ni sa vakatakila na loloma vei ira nai tabatamata e udolu, ka sauma na nodra caka cala na qase kivei ira na luvedra era sa taravi ira: na Kalou Levu, ka Kaukauwa, ko Jiova ni lewe vuqa na yacana,

Maciu 10:42

ia ko koya ena solia vua e dua vei ira oqo era sa lailai ga e dua walega na bilo wai liliwa me gunuva, ni sa vakatokai me tisaipeli, au sa kaya vakaidina vei kemudou, Ena sega sara ni yali vua na kenai sau.

Maciu 7:2

Ia na lewa dou na kitaka, dou na lewai kina: kei nai vakarau dou sa vakarautaka, ena vakarautaki tale vei kemudou.

Marika 4:24

Sa kaya talega vei ira, Dou qarauni kemudou e na ka dou rogoca; ai vakarau dou na vakarautaka, ena vakarautaki tale vei kemudou: ena soli vakalevu talega vei kemudou.

Luke 6:30

Ia mo solia vei ira kecega sa mai kerekere vei iko; ka mo kakua ni taroga tale na nomui yau vei koya sa kauta tani.

Vakarua 15:10

Mo ni solia dina vua na ka ni loloma, mo ni kakua talega ni yalo ca ni kemuni sa soli ka vua: ia e na vuku ni ka oqo ena vakalougatataki kemuni ko Jiova na nomuni Kalou e na nomuni cakacaka kecega, kei na ka kecega sa cakava na ligamuni.

Jemesa 2:13

Ni na lewai ka sega ni lomani, ko koya sa sega ni ia na loloma; ia na dauloloma sa rawa na veilewai.

Dauveilewai 1:7

a sa kaya ko Etoni-peseki, Era a vakatotomi e ruku ni noqu tepeli e lewe vitusagavulu na tui sa mudu na nodra i dovidovi-ni-kakana kei nai qaqalo levu ni yavadra: ia me vaka na ka ka'u a kitaka, sa saumi au vakakina na Kalou. A ra sa kauti koya ki Jerusalemi, ka sa mate kina ko koya.