Luke 6:1 - Vakavakadewa Makawa

¹ Ia e na dua na siga ni vakacecegu, sa lako ko koya e loma ni veiwere ni sila; a ra sa doloka na veisola ni sila na nona tisaipeli, a ra sa qilia e na ligadra ka kania.

Ai Vola Tabu (Vakadewa Makawa Vakavoutaki 2021)

¹ Ia e na dua na Siga ni Vakacecegu, sa lako ko koya e loma ni veiwere ni sila; a ra sa doloka na veisola ni sila na nona tisaipeli, a ra sa qilia e na ligadra ka kania.

AI VOLA TABU

¹ A SA yaco e nai matai ni siga ni vakacecegu sa muria nai karua ni siga ni solevu, sa lako ko koya e loma ni veiwere ni sila; a ra sa vetia na veisola ni sila na nona tisaipeli, ka kania, a ra sa qilia e na ligadra.

Vakavakadewa Vou kei na iVola tale eso

¹ Ena dua na Siga ni Vakacecegu, a sa lako voli o Jisu ena dua na veiloga ni sila. E ratou sa qai tekivu doloka eso na sola ni sila na nona tisaipeli, ka qilia e ligadratou, ka kania.

Ai Vola Tabu Ena Vakavakadewa Vou

¹ Ena dua na Siga ni Vakacecegu, a sa lako voli ko Jisu ena dua na veiloga ni sila. E ratou sa qai tekivu doloka eso na sola ni sila na nona tisaipeli, ka qilia e ligadratou, ka kania.

Luke 6:1 Iomraidhean Croise

Lako Yani 12:15

Sa bogi vitu dou kania kina na madrai sa sega ni vakaleveni; io e nai matai ni siga dou biuta tani na leveni mai na nomudou veivale: ia ko ira kecega sa kania na madrai sa vakaleveni e nai matai ni siga ka yacova nai kavitu ni siga, ena muduki tani na tamata ko ya vei ira na Isireli.

Vunau ni Soro 23:15

Ia ni sa oti na siga ni vakacecegu, na siga kemudou a kauta kina nai vau sila mei soro e yalovaki, mo dou wilika vei kemudou e vitu sara na wiki:

Vunau ni Soro 23:7

E na kenai matai ni siga, dou ia kina e dua nai soqosoqo tabu: dou kakua ni cakava kina e dua na cakacaka vakavuravura.

Luke 5:39

Sa sega talega na tamata, ni sa gunuva oti na waini makawa, me qai vinakata na waini vou; ni sa kaya, E vinaka vei rau na ka makawa.

Luke 6:6

Ia e na dua tani tale na Siga ni Vakacecegu, sa curu ko koya ki na vale ni lotu, ka vakatavuvuli: a sa tiko kina e dua na tamata sa malai na ligana i matau.

Vakarua 16:9

Mo ni wilika vei kemuni e vitu na wiki: ka mo ni wilika na wiki e vitu mai nai vakatekivu ni tamusuki sila.

Vakarua 23:25

Ni kemuni sa lako ki loma ni were ni sila ni kai nomuni, e tara mo vetia na kena sola e na ligamuni; ia sa tabu mo ni vakacuruma nai sele ni sila ki na sila ni kai nomuni sa tu ga.