Luke 5:21 - Vakavakadewa Makawa

²¹ A ra sa vakatekivu ko ira na vunivola kei ira na Farisi me ra veinanuyaka, ka kaya, Ko cei oqo sa vosa vakacacataka na Kalou? ko cei tale sa bokoca rawa nai valavala ca, na Kalou duaduaga?

Ai Vola Tabu (Vakadewa Makawa Vakavoutaki 2021)

²¹ A ra sa vakatekivu ko ira na vunivola kei ira na Farisi me ra veinanuyaka, ka kaya, “Ko cei oqo sa vosa vakacacataka na Kalou? Ko cei tale sa vosota rawa nai valavala ca, na Kalou duaduaga?”

AI VOLA TABU

²¹ A ra sa vakatekivu ko ira na vu-ni-vola kei ira na Farisi me ra veinanuyaka, ka kaya, O cei o qo sa vosavakacacataka na Kalou? o cei tale sa bokoca rawa nai valavala ca, a Kalou duaduaga?

Vakavakadewa Vou kei na iVola tale eso

²¹ Era a tekivu vaqaqa e lomadra o ira na daunilawa kei ira na Farisi ka ra kaya, ‘O cei e mai vosa vakacacataka tiko oqo na Kalou? E sega tale ni dua e rawa ni bokoca na i valavala ca, na Kalou duadua ga!”

Ai Vola Tabu Ena Vakavakadewa Vou

²¹ Era a tekivu vaqaqa e lomadra o ira na daunilawa kei ira na Farisi ka ra kaya, ‘O cei e mai vosa vakacacataka tiko oqo na Kalou? E sega tale ni dua e rawa ni vosota na i valavala ca, na Kalou duadua ga!”

Luke 5:21 Iomraidhean Croise

NA SAME 103:3

O koya sa bokoca na nomu i valavala ca kecega, O koya sa vakabulai iko mai na kemu mate kecega;

NA SAME 130:4

Ia sa tiko vei kemuni na loloma, Mo ni vakarokorokotaki kina.

NA SAME 32:5

Au a vakatusa vei kemuni na noqu caka cala, ia ka'u sa sega ni vunia na noqu i valavala ca; Au a kaya, Ka'u na vakatusa vei Jiova na noqu i valavala ca; Ia ko ni sa qai kauta tani na kena ca ni noqu i valavala ca. Sela.

NA SAME 35:5

Me ra vaka na qa-ni-sila sa cagina, Me vakasavi ira talega na agilose i Jiova.

Aisea 1:18

Dou mada mai, me tou veivosaki vata, sa kaya ko Jiova; ke sa vaka na ka kulakula na nomudou i valavala ca, sa na vulavula me vaka na uca-vulavula; ke sa damuvakula sa na vaka na vutika ni sipi.

Aisea 43:25

Koi au, io koi au ga, ka'u sa bokoca na nomu talaidredre e na vukuqu, ka'u na sega ni nanuma tiko na nomu i valavala ca.

Aisea 44:22

Au sa vakaseavutaka na nomu talaidredre me vaka na o loaloa, kei na nomu i valavala ca me vaka na o; mo lesu mai vei au, ni'u a voli iko.

Taniela 9:19

Kemuni na Turaga, mo ni rogoca; Kemuni na Turaga, mo ni vakabokoca na ca; Kemuni na Turaga, mo ni vakarorogo ka cakacaka; e na vukumuni ga, na noqu Kalou, mo ni kakua kina ni vakaberabera, ni sa vakatokai e na yacamuni ga na nomuni koro, kei ira na nomuni tamata.

Taniela 9:9

Sa nei koya na Turaga na neimami Kalou na yalololoma kei na dauvakabokoci ni valavala ca ia sa dina keimami sa talaidredre ga vua;

Vunau ni Soro 24:16

Ia ko koya sa vosavakacacataka na yaca i Jiova, me sa vakamatei vakaidina; era na vakavirika vakaidina e na vatu ko ira nai soqosoqo taucoko: na vulagi se nai taukei, ni sa vosavakacacataka na yaca ko ya, ena vakamatei.

Maika 7:19

Ena mai lomani keda tale ko koya; ena butuka sobu na noda caka cala; io, ko ni na biuta ki na wasa titobu na nodra i valavala ca kecega.

Maciu 26:65

Sa qai dresulaka na nonai sulu na bete levu, ka kaya, Sa qai vosavakacacataka na Kalou ko koya: sa yaga vakacava me so tale nai vakadinadina? raica, dou sa rogoca ga na nona vosavakacacataka na Kalou:

Maciu 9:3

Ka raica, eso na vunivola sa kaya e lomadra, O koya oqo sa vosavakacacataka na Kalou.

Luke 3:8

o koya mo dou qai vuataka na vua e kilikili kei na veivutuni; ia dou kakua ni kaya e na lomamudou, A tama i keimami ko Eparaama; ni’u sa kaya vei kemudou, sa rawarawa vua na Kalou me vakatubura na veivatu oqo me ra luve i Eparaama.

Luke 5:17

Ia sa dua na siga, sa vakatavuvuli tiko ko koya, ka sa tiko voleka kina eso na Farisi kei na vu-ni-vunau, era sa lako mai na koro lalai kecega mai Kalili, kei Jutia, mai Jerusalemi talega: a sa tu vua na kaukauwa ni Turaga me vakabulai ira.

Luke 5:22

Ia ni sa kila ko Jisu na nodra veinanuyaka, sa vosa, ka kaya vei ira, A cava dou sa veinanuyaka e na lomamudou?

Luke 7:49

Ia ko ira era sa tiko vata kaya me kana, era sa kaya vakai ira, Ko cei oqo sa bokoca talega nai valavala ca?

Joni 10:33

Sa kaya vua ko ira na kai Jutia, Sa segai e na vuku ni cakacaka vinaka keimami sa vakaviriki iko kina; e na vuku ga ni nomu vosavakacacataka na Kalou; e na vuku talega ni ko sa tamata ga, ka sa qisi iko mo Kalou.

Roma 8:33

O cei me beitaki ira sa digitaki ira na Kalou? Na Kalou sa vakadonuya.