Luke 3:23 - Vakavakadewa Makawa

²³ A sa tolusagavulu na yabaki i Jisu, ko koya sa kainaki sa luve i Josefa, ni sa vakatekivu me vakavuvuli voli ko koya na luve i Ili,

Ai Vola Tabu (Vakadewa Makawa Vakavoutaki 2021)

²³ A sa tolusagavulu na yabaki i Jisu, ko koya sa kainaki sa luve i Josefa, ni sa vakatekivu me vakavuvuli voli ko koya na luve i Ili,

AI VOLA TABU

²³ A sa voleka ni oti nai katolusagavulu ni yabaki i Jisu, o koya sa kainaki kina ni sa luve i Josefa, o koya na luve i Ili,

Vakavakadewa Vou kei na iVola tale eso

²³ Ni sa tekivutaka na nona cakacaka o Jisu, sa yabaki tolusagavulu, ka a kainaki voli ni o koya e luve i Iosefo, na luve i Ili,

Ai Vola Tabu Ena Vakavakadewa Vou

²³ Ni sa tekivutaka na nona cakacaka ko Jisu, sa yabaki tolusagavulu, ka a kainaki voli ni o koya e luve i Josefa, na luve i Ili,

Luke 3:23 Iomraidhean Croise

Vakatekivu 41:46

A sa tolusagavulu na yabaki i Josefa, ni sa tu e na mata i Fero na tui Ijipita. A sa lako tani e na mata i Fero ko Josefa, ka lako voli yani e na veiyasana kecega mai Ijipita.

2 Samuela 5:4

Sa yabaki tolusagavulu ko Tevita ni sa buli me tui; ka sa tui tiko ko koya ka yabaki vasagavulu.

Tiko mai na Lekutu 4:3

ko ira era sa yabaki tolusagavulu, ka toro cake me yacovi ira sa yabaki limasagavulu, o ira kece era sa yaga e na cakacaka ni vale ni veitavaki.

Tiko mai na Lekutu 4:35

O ira sa yabaki tolusagavulu ka toro cake, ka yacovi ira sa yabaki limasagavulu, o ira kecega sa yaga e na cakacaka, ki na vale ni veitavaki:

Tiko mai na Lekutu 4:39

ko ira sa yabaki tolusagavulu ka toro cake, ka yacovi ira sa yabaki limasagavulu, ko ira kecega sa yaga e na cakacaka, ki na vale ni veitavaki,

Tiko mai na Lekutu 4:43

ko ira sa yabaki tolusagavulu se toro cake, ka yacovi ira sa yabaki limasagavulu, ko ira kecega sa yaga e na cakacaka, ki na vale ni veitavaki,

Tiko mai na Lekutu 4:47

ko ira sa yabaki tolusagavulu se toro cake, ka yacovi ira sa yabaki limasagavulu, ko ira kecega sa la'ki qarava na cakacaka, ka qarava na colacola, e na vale ni veitavaki,

Maciu 1:1

Ai vola ni tubutubu i Jisu Karisito, na luve i Tevita, na luve i Eparaama.

Maciu 1:16

ia ko Jekope na tama i Josefa na wati i Meri, ko koya sa sucu mai vua ko Jisu, ko koya sa vakatokai ko Karisito.

Maciu 1:6

ka tama i Tevita na tui ko Jese. Ka tama i Solomoni ko Tevita na tui, a tinana ko koya ka wati i Uraia eliu;

Maciu 13:55

sa sega li ni luve ni matai ko koya oqo? sa sega li ni yaca i tinana ko Meri? kei na tacina ko Jemesa, kei Josefa, kei Saimoni, kei Jutasa?

Maciu 4:17

Mai na gauna ko ya sa vakatekivu kina ko Jisu me dauvunau, ka kaya, Dou veivutuni! ni sa voleka na matanitu vakalomalagi.

Marika 6:3

sa sega li ni matai ko koya oqo, a luve i Meri, kei na tuaka i Jemesa, kei Josese, kei Juta, kei Saimoni? kei na ganena, eratou sa sega li ni tiko vata kei keda? A ra sa tarabe e na vukuna.

Luke 2:48

Ia ni rau sa raica, erau sa kurabui; a sa kaya vua ko tinana, Na luvequ, ko sai valavala vakaoqo vei keirau ena vuku ni cava? raica, keirau kei tamamu keirau sa vakasaqarai iko ka sa rarawa tiko.

Luke 3:31

ko koya na luve i Melea, ko koya na luve i Menani, ko koya na luve i Mataca, ko koya na luve i Necani, ko koya na luve i Tevita,

Luke 4:22

A ra sa vakadinadina vua ko ira kecega, a ra sa kurabui e na vuku ni vosa vinaka sa lako mai na gusuna. A ra sa kaya, Sa sega li ni luve i Josefa ko koya oqo?

Joni 1:45

Sa kunei Nacanieli ko Filipi, ka kaya vua, Keitou sa kunei koya sa volavola kina ko Mosese e na vunau, kei ira talega na parofita, ko Jisu na kai Nasareci, a luve i Josefa.

Joni 6:42

A ra sa kaya, Sa sega li ni ko Jisu ko koya oqo, a luve i Josefa, a tamana kei na tinana eda kila? sa qai kaya vakacava mai ko koya, Au sa lako sobu mai lomalagi?

Cakacaka 1:1

I Ceofilo, au a vola nai vola eliu, kei na ka kecega sa vakatekivu me cakava ka vakatavuvulitaka ko Jisu;