Luke 23:33 - Vakavakadewa Makawa

³³ Ia ni ra sa yaco ki na yasana, a yacana ko Kalivari [A vanua ni qavokavoka], era sa vakoti koya kina ki na kauveilatai, kei rau talega na tamata caka ca, e dua e na ligana i matau, ka dua e na ligana i mawi.

Ai Vola Tabu (Vakadewa Makawa Vakavoutaki 2021)

³³ Ia ni ra sa yaco ki na yasana sa yacana ko Kalivari [se ko Kolikoca, se na Qavokavoka], era sa vakoti koya kina ki na kauveilatai, kei rau talega na tamata caka ca, e dua e na ligana i matau ka dua e na ligana i mawi.

AI VOLA TABU

³³ Ia ni ra sa yaco ki na yasana, a yacana ko Kalivari [A yasana ni qavokavoka], era sa vakoti koya kina ki na kauveilatai, kei rau talega na tamata caka ca, e dua e na ligana i matau, ka dua e na liga i mawi.

Vakavakadewa Vou kei na iVola tale eso

³³ Ni ra sa yaco ki na vanua sa vakatokai “Na Qavokavoka”, era sa mani vakoti koya e kea kei rau na kaivesu; e dua ena yasana i matau ka dua ena yasana i mawi.

Ai Vola Tabu Ena Vakavakadewa Vou

³³ Ni ra sa yaco ki na vanua sa vakatokai “Na Qavokavoka”, era sa mani vakoti koya e kea kei rau na kaivesu; e dua ena yasana i matau ka dua ena yasana i mawi.

Luke 23:33 Iomraidhean Croise

NA SAME 22:16

Ni sa vakavolivoliti au ko ira na koli; Era sa vakavolivoliti au nai soqosoqo ni tamata lomaca: Era sa coka na ligaqu kei na yavaqu.

Sakaraia 12:10

Au na sovaraka talega ki na mataqali i Tevita, kei na kai Jerusalemi, na yalo sa tubu kina na loloma kei na vakamamasu: ka ra na vakaraici au era sa coka, ka ra na tagicaki koya, me vaka e dua sa tagicaka na luvena e dua bauga, ka ra na rarawa sara e na vukuna, me vaka e dua sa rarawa sara e na vuku ni nona ulumatua.

Maciu 20:19

era na qai solia vei ira na matanitu tani me ra vakalialia, ka vakanakuitataka, ka vakota ki na kauveilatai; ena qai tu cake tale mai ko koya e nai katolu ni siga.

Maciu 26:2

Dou sa kila sa vo ga e rua na bogi me qai ia na kana vata ni lako-sivia: ena qai soli yani na Luve ni tamata me lauvako ki na kauveilatai.

Luke 24:7

ni sa kaya, Ena soli yani na Luve ni tamata ki na ligadra na tamata ca, ka na vakoti ki na kauveilatai, ka na tu cake tale e nai katolu ni siga.

Joni 18:32

me vakayacori kina na vosa ka tukuna ko Jisu, ni sa vakatakila nai valavala ni mate ena mate kina.

Joni 3:14

Ia me vaka sa laveta cake na gata ko Mosese mai na veikau, e dodonu me laveti cake vaka talega kina na Luve ni tamata:

Cakacaka 13:29

Ia ni ra sa vakayacora oti na ka kecega sa volai e na vukuna, era sa kevutaka sobu mai na kau, ka buluta e na dua nai bulubulu.

Cakacaka 2:23

ko koya, ni sa soli oti yani vei kemudou, me vaka ka nakita dina na Kalou ka lewa eliu, dou sa taura ka vakota ki na kauveilatai ka vakamatea e na ligadra na tamata ca;

Cakacaka 5:30

A nodra Kalou na noda qase sa vakaturi Jisu cake tale mai, ko koya dou a vakamatea ni dou a vakarubeca e na dua na kau.

Kalatia 3:13

Sa voli keda na Karisito mai na veicudruvi ni vunau, ni sa cudruvi ga ko koya e na vukuda, ni sa volai, Sa cudruvi ko ira yadua sa rube e na kau:

Vakarua 21:23

me kakua ni lili tu na yagona e na kau e na bogi, ia mo ni buluta e na siga dina ga ko ya; (ni sa cudruvi maivua na Kalou ko koya sa vakalilici e na kau;) mo ni kakua kina ni vakadukadukalitaka na nomuni vanua, sa solia vei kemuni ko Jiova na nomuni Kalou mo ni taukena.

1 Pita 2:24

o koya ga vakai koya ga ka colata na nodai valavala ca e na yagona e na kauveilatai, me da mate tu ki nai valavala ca, ka ia nai valavala dodonu e na noda bula: ia sa we ni kena kuita dou sa vakabulai kina.