Luke 21:34 - Vakavakadewa Makawa

³⁴ Ia dou qarauni kemudou vinaka, de dua na siga sa bibi kina na yalomudou e na daukana, kei na daumateni, kei na lomaocaoca e na veika ni bula oqo, ka yaco vakidacala kina vei kemudou na siga ko ya.

Ai Vola Tabu (Vakadewa Makawa Vakavoutaki 2021)

³⁴ “Ia dou qarauni kemudou vinaka, de dua na siga sa bibi kina na yalomudou e na daukana, kei na daumateni, kei na lomaocaoca e na veika ni bula oqo, ka yaco vakidacala kina vei kemudou na siga ko ya.

AI VOLA TABU

³⁴ Ia dou qarauni kemudou vinaka, de dua na siga sa bibi kina na yalomudou e na daumateulu, kei na daumateni, kei na lomaocaoca e na veika ni bula o qo, ka yaco vakidacala kina vei kemudou na siga ko ya.

Vakavakadewa Vou kei na iVola tale eso

³⁴ “Dou qarauni kemudou mo dou kakua ni vakasinaita na nomudou bula ena kana kei na marau vakalialia, kei na mateni, kei na lomaocaocataka na ka ni bula oqo, de na qai yaco vakidacala vei kemudou na siga o ya

Ai Vola Tabu Ena Vakavakadewa Vou

³⁴ “Dou qarauni kemudou mo dou kakua ni vakasinaita na nomudou bula ena kana kei na marau vakalialia, kei na mateni, kei na lomaocaocataka na ka ni bula oqo, de na qai yaco vakidacala vei kemudou na siga o ya

Luke 21:34 Iomraidhean Croise

Vakatekivu 19:32

daru ia mada, daru vagunuva na tamadaru e na waini, me daru moce vata kaya, me daru vakaivakawa vua na tamadaru.

Vakatekivu 19:35

A rau a vagunuva na tamadrau e na waini e na bogi talega ko ya: a sa ia ko koya ka gone, ka la'ki moce vata kaya; a sa sega ni kila ko tamana na nona la'ki koto se na nona tucake.

Vakatekivu 27:14

A sa la'ki taura, ka kauta vei tinana: a sa cakava na kakana vinaka na tinana, me vaka na ka sa dauvinakata ko tamana.

NA SAME 35:8

Me yaco vakidacala vua na rusa; Ia me rawai koya ga na nona lawa sa vunia ko koya; Me lutu ga ko koya ki na veivakarusai dina ko ya.

Vosavakaibalebale 21:4

A mata viaviaturaga, kei na yaloviavialevu, Io na nona cina na tamata ca, sa ka ca.

Vosavakaibalebale 23:20

Mo kakua ni tiko kei ira era daugunu waini, Kei ira era daukusikusima:

Dauvunau 9:12

Ni sa sega talega ni kila na tamata na nona gauna: me vaka na ika sa lawavaki e na lawa ca, ka vaka na manumanu vuka sa coriti e nai cori; era sa coriti vakakina na luve ni tamata e na siga ca, ni sa yaco vakidacala vei ira.

Aisea 28:7

Io ko ira talega oqo sa vakacalai ira na waini, ka sa vakasesei ira na yaqona: koi rau na bete kei na parofita, erau sa vakacalai e na yaqona; sa rawai rau na waini; erau sa vakasesei e na yaqona; erau sa cala e na raivotu, erau sa yatayata e na lewa.

Osea 4:11

A dauyalewa kei na waini kei na waini vou sa kauta vakatani na loma ni tamata.

Vunau ni Soro 10:9

Dou kakua ni gunuva na waini, se na yaqona kaukauwa, ni dou sa curu ki na vale ni veitavaki, o iko, se na luvemu, de dou mate: oqo me kenai lesilesi ka tawa mudu vei ira na nomudou veitabatamata;

Maciu 13:22

Ia ko koya sa kaburaki e na veiwa-vakavotona, sai koya oqo sa rogoca na vosa: ia na lomaocaoca e na vuku ni vuravura oqo, kei nai yau e dauveivakaisini, sa vakaruguta na vosa, a sa sega kina ni vua.

Marika 13:9

Ia dou qarauni kemudou vinaka: ni dou na soli yani ki na mataveilewai, dou na vakanakuitataki e na veivale ni lotu: dou na kau talega ki na matadra na kovana, kei na tui, e na vukuqu, mei vakadinadina vei ira.

Marika 4:19

ia na lomaocaoca e na vuku ni vuravura oqo, kei nai yau e dauveivakaisini, kei na daugadreva na ka tani eso sa curu kina ka vakaruguta na vosa, a sa sega kina ni vua.

Luke 10:41

A sa vosa ko Jisu, ka kaya vua, I Marica, I Marica, ko sa lomaocaoca ka veinanumayaka na ka e vuqa:

Luke 12:40

Ia dou vakarau tu vakakina koi kemudou talega: ni sa lako mai na Luve ni tamata e na tiki-ni-siga dou sa sega ni nanuma kina.

Luke 17:3

Dou raici kemudou vinaka: kevaka sa cala vei iko na wekamu, vunauca; ia kevaka sa veivutuni, kakua ni cudruvi koya.

Luke 21:35

Ni na vaka ga nai cori ni sa yaco vei ira kecega era sa tiko e dela i vuravura taucoko.

Luke 21:8

A sa kaya ko koya, Dou qarauni kemudou vinaka de dou vakacalai: ni ra na lewe vuqa era na lako mai ka vakacavucavutaki au, ka kaya, Koi au ga ko koya; a sa qai toro voleka na kena gauna: ia mo dou kakua ga ni laki muri ira.

Luke 8:14

Ia ko koya sa lutu ki na veiwa-vakavotona, sai ira era sa rogoca, a ra sa lako yani, a ra sa vakaruguti e na lomaocaoca kei nai yau kei na marau ni bula, oqo a sa sega kina ni vua dina.

1 Korinica 5:11

Ia oqo ga, kau sa vola vei kemudou, mo dou kakua ni dautiko vata kei na dua sa vakatokai me wekada, o koya sa dauyalewa tiko, se daukocokoco, se dausoro ki na matakau, se dauveivakasewasewani, se daumateni, se daukovekove: mo dou kakua ni kana vata kaya sa vakakina.

1 Korinica 6:10

kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove, era na sega ni rawata na matanitu ni Kalou.

Kalatia 5:20

na dausoro ki na veimatakau, na daucakaisausau, na dauveicati, na dauveileti, na veiqati, na daucudrucudru, na dauveiba, na veisei vakavuravura, na veisei ni lotu,

Vakarua 29:19

ka sa yaco ni sa rogoca na vosa ni veicudruvi oqo, ka sa vosavakalougatataki koya e na yalona, ka kaya, Au na vinaka tikoga ni'u sa muria na ka sa nakita tiko na lomaqu; ka me kuria na viagunu e na mateni ko koya:

Filipai 4:6

Dou kakua sara ni lomaocaoca; ia e na ka kecega me vakatakilai vua na Kalou na nomudou kerekere e na masu kei na dau cikecike kei na vakavinavinaka.

Iperiu 12:15

ka dou qarauni kemudou vinaka de bale e dua mai na loloma ni Kalou; de dua na waka gaga e tubu cake ka ia kina na rarawa, ka vaqeleqelewataki kina na lewe vuqa;

2 Pita 3:10

Ia na siga ni Turaga ena lako mai me vaka na daubutako e na bogi, ena lako tani kina ko lomalagi e na rorogo tatamosamosa, ena waicala talega na veivu ni ka ni sa vakamai, ena kamayavu talega ko vuravura kei na ka kecega sa tu kina.

2 Pita 3:14

O koya oqo, kemudou sa lomani, ni dou sa waraka na veika vakaoqo, dou gumatua kina me kunei kemudou ko koya e na vakacegu, ni dou sa sega ni tauvi-duka, ka sega ni cala.

Vakatakila 3:3

Vakananuma na nomu vakabauta kei na nomu rogoca, ka taura matua, ka veivutuni. Ia kevaka ko na sega ni vakatawa, au na lako yani vei iko me vaka na daubutako, ia ko na sega ni kila na tiki-ni-siga ka'u na lako yani kina vei iko.

1 Samuela 25:36

A sa lesu yani vei Nepali ko Apikali: ka raica, sa caka magiti ko koya e na nona vale, ka sa vaka na magiti ni tui; a sa marau na yalo i Nepali, ni sa mateni sara ko koya: a sa sega ni tukuna vua ko koya e dua na ka se ka lailai se ka levu, ka me rarama mada na mataka.