Luke 2:11 - Vakavakadewa Makawa

¹¹ Ni sa sucu vei kemudou e na siga oqo, e na koro i Tevita, nai Vakabula, ko koya na Karisito na Turaga.

Ai Vola Tabu (Vakadewa Makawa Vakavoutaki 2021)

¹¹ Ni sa sucu vei kemudou e na siga oqo, e na koro i Tevita, nai Vakabula, ko koya na Karisito na Turaga.

AI VOLA TABU

¹¹ Ni sa sucu vei kemudou e na siga o qo, e na koro i Tavita, nai Vakabula, o koya na Karisito na Turaga.

Vakavakadewa Vou kei na iVola tale eso

¹¹ ni sa sucu vei kemuni edaidai, ena koro i Tevita, na i Vakabula, o koya na Karisito, na Turaga!

Ai Vola Tabu Ena Vakavakadewa Vou

¹¹ ni sa sucu vei kemuni edaidai, ena koro i Tevita, na i Vakabula, o koya na Karisito, na Turaga!

Luke 2:11 Iomraidhean Croise

Vakatekivu 3:15

ia ka'u na vakaveimecakitaki kemudrau kei na yalewa, kei na nomu kawa kei na nona kawa; ena butuqaqia na ulumu ko koya, ia ko na qaqia na bukubuku-ni-yavana.

Vakatekivu 49:10

Ena sega ni lako tani vei Juta nai titoko vakaturaga, Se na turaga ni lewa maivei ira na nona kawa, Ka me lako mada mai ko Sailo, Ko koya era na talairawarawa kina na veimataqali.

NA SAME 2:2

Era sa tuvai valu na tui kei vuravura, A ra sa bose vata ko ira na kena turaga, Me ra veivala kei Jiova, kei koya ka lumuta ko koya, a ra kaya,

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Maciu 1:16

ia ko Jekope na tama i Josefa na wati i Meri, ko koya sa sucu mai vua ko Jisu, ko koya sa vakatokai ko Karisito.

Maciu 1:21

ia ena vakasucuma ko koya e dua na gonetagane; ia mo vakayacani koya ko JISU; ka ni sai koya ga ena vakabulai ira na nona tamata mai na nodra i valavala ca.

Maciu 16:16

Sa qai vosa ko Saimoni Pita, ka kaya, Oi kemuni na Karisito, na Luve ni Kalou bula.

Maciu 16:20

Sa qai vakarota vei ira na nona tisaipeli, me ra kakua ni tukuna vua e dua ni sai Jisu na Karisito ko koya.

Luke 1:43

A sa vakaevei na ka oqo vei au, ni sa lako maivei au na tinana na noqu Turaga?

Luke 1:69

A sa vakatubura vei keda e dua na veivakabulai sa vaka na kaukamea, E na mataqali i Tevita na nona tamata;

Luke 2:26

A sa vakatakila oti vua na Yalo Tabu, ni na sega mada ni mate, ena kunea eliu na Karisito ni Turaga.

Luke 2:4

Sa lako cake talega ko Josefa e Kalili, mai na koro ko Nasareci, ki Jutia, ki na koro i Tevita, a yacana ko Pecileema: ni sa mataqali vata kei Tevita, ka sa tubu mai vua:

Joni 1:41

Sa kunea eliu na tuakana ko Saimoni, ka kaya vua, Keitou sa kunea na Mesaia; (a kenai balebale, na Karisito.)

Joni 1:45

Sa kunei Nacanieli ko Filipi, ka kaya vua, Keitou sa kunei koya sa volavola kina ko Mosese e na vunau, kei ira talega na parofita, ko Jisu na kai Nasareci, a luve i Josefa.

Joni 11:27

Sa kaya vua ko koya, Io, na Turaga: au sa vakadinata ni sa Karisito koi kemuni, na Luve ni Kalou, ko koya sa dodonu me lako mai ki vuravura.

Joni 20:31

ia sa volai oqo, mo dou vakadinata ni sa Karisito ko Jisu, na Luve ni Kalou; ia mo dou rawata na bula e na yacana, ni dou sa vakabauta.

Joni 4:25

Sa kaya vei koya na yalewa, Au sa kila ni na lako mai na Mesaia; (ko koya sa vakatokai na Karisito): ni sa tadu mai ko koya, ena tukuna vei keda na ka kecega.

Joni 4:42

a ra sa kaya vua na yalewa, Oqo keimami sa sega ni vakabauta e na vuku ni nomu vosa ga: ni keimami sa rogoca koi keimami, ka kila ni sai koya dina oqo na nodrai Vakabula na kai vuravura.

Joni 6:69

ia keitou sa vakabauta ka kila, ni sai Kemuni na Karisito, na Luve ni Kalou bula.

Joni 7:41

Sa kaya eso tani, Sai koya oqo na Karisito. Ia sa kaya eso tani, Oi, ena lako mai Kalili na Karisito?

Cakacaka 10:36

Ai vakavuvuli sa tukuna ko koya vei ira na luve i Isireli, ni sa vunautaki na veivinakati e na vuku i Jisu Karisito: (ko koya ga sa Turaga vei ira kecega:)

Cakacaka 13:23

Mai na nona kawa, me vaka na vosa ni yalayala, sa vakatubura na Kalou vei ira na Isireli nai Vakabula, ko Jisu:

Cakacaka 17:3

ni sa vakatakila ka vakadinadina, ni sa kilikili kei na Karisito me vosota na mate, ka tu cake tale mai na mate; ka vaka, Ni sai koya na Karisito, ko Jisu oqo, ko koya ka’u sa vunautaka vei kemudou.

Cakacaka 2:36

O koya oqo, me kila sara kina na mataqali taucoko nei Isireli, ko Jisu oqo, ko koya dou a vakota ki na kauveilatai, sa lesia na Kalou me Turaga ka Karisito talega.

Cakacaka 5:31

Ko koya sa vakaceceretaka na Kalou e na ligana i matau me Turaga kai Vakabula, me solia kina na veivutuni kivei ira na Isireli, kei na vakabokoci ni valavala ca.

1 Korinica 15:47

Na tamata sa taumada sa mai vuravura, ka sa vakavuravura; ia sa mai lomalagi na tamata sa kenai karua, na Turaga.

Filipai 2:11

me vakatusa talega na yame kecega ni sa Turaga ko Jisu Karisito, me vakarokorokotaki kina na Kalou na Tamada.

Filipai 3:8

Io, e dina ga, niu sa qai vakayalitaka vakadua vei au na ka kecega ni sa uasivi cake kina na veikilai kei Karisito Jisu na noqu Turaga; o koya kau sa vosota kina me yali vei au na ka kecega, ia kau sa vakasama ni sa de-ni-manumanu walega, meu rawai Karisito kina me noqu,

Kolosa 2:6

Ia ni dou sa vakabauti Karisito Jisu na Turaga, mo dou ia tiko nai valavala sa vinaka vua:

1 Joni 4:14

Ia eda sa raica ka tukuna tiko ni sa tala na Luvena ko Tamada mei Vakabula kei vuravura.

1 Joni 5:1

O koya yadua sa vakadinata ni sa Karisito ko Jisu, sa vakasucumi koya na Kalou: ia ko koya yadua sa lomani koya sa vakatubura, sa lomani koya talega sa vakatuburi.