Luke 18:14 - Vakavakadewa Makawa

¹⁴ Au sa kaya vei kemudou, Sa lako sobu ki na nona vale na tamata oqo ka sa vakadonui ia ko koya kadua sa segai: ni na vakamalumalumutaki ko koya yadua sa vakalevulevui koya; ia ko koya sa vakamalumalumutaki koya ena vakalevulevui.

Ai Vola Tabu (Vakadewa Makawa Vakavoutaki 2021)

¹⁴ Au sa kaya vei kemudou, sa lako sobu ki na nona vale na tamata oqo ka sa vakadonui, ia ko koya kadua sa segai. Ni na vakayalomalumalumutaki ko koya yadua sa vakalevulevui koya, ia ko koya sa vakayalomalumalumutaki koya ena vakalevulevui.”

AI VOLA TABU

¹⁴ Au sa kaya vei kemudou, Sa lako sobu ki na nona vale na tamata o qo a sa vakadonui, ia ko koya kadua sa segai: ni na vakamalumalumutaki ko koya yadua sa vakalevulevui koya; ia ko koya sa vakamalumalumutaki koya ena vakalevulevui.

Vakavakadewa Vou kei na iVola tale eso

¹⁴ Au sa tukuna oqo vei kemudou, a sa vakadonui mai vua na Kalou o koya na daukumuni i vakacavacava ni sa suka lesu ki na nona vale, ka sega ni o koya na Farisi. O ira kece sa vakalevulevui ira era na vakayalomalumalumutaki, kei ira kece era sa vakayalomalumalumutaki ira era na vakalevulevui.”

Ai Vola Tabu Ena Vakavakadewa Vou

¹⁴ Au sa tukuna oqo vei kemudou, a sa vakadonui mai vua na Kalou o koya na daukumuni i vakacavacava ni sa suka lesu ki na nona vale, ka sega ni o koya na Farisi. O ira kece sa vakalevulevui ira era na vakayalomalumalumutaki, kei ira kece era sa vakayalomalumalumutaki ira era na vakalevulevui.”

Luke 18:14 Iomraidhean Croise

Jope 22:29

Ni sa ia na veivakabalei, ko na kaya, Sa na ia na vakacecere cake: Ka na vakabula na yalomalumalumu ko koya.

Jope 25:4

Ena qai dodonu rawa vakaevei na tamata vua na Kalou? Ka savasava rawa vakaevei ko koya sa sucu mai vua na yalewa?

Jope 9:20

Kevaka ka'u sa vakadonui au, ena vakacalai au na gusuqu: Kevaka ka'u sa kaya ka'u sa sega ni cala, ena vakatakilai au ni'u sa yalovakatani.

NA SAME 138:6

E dina sa cecere ko Jiova, ia sa vakaraici ira era sa yalomalumalumu: Ia sa kilai ira vakayawa na viavialevu.

NA SAME 143:2

Ia mo ni kakua ni lewai au na nomuni tamata: Ni na sega ni vakadonui e matamuni e dua na tamata sa bula.

Lako Yani 18:11

au sa qai kila sa levu cake ko Jiova ka lailai na kalou kecega: ni sa uasivi vei ira ko koya e na ka era viaviaturaga kina.

Vosavakaibalebale 15:33

A rerevaki Jiova sai vakavuvuli vuku; A sa muri na vakarokorokotaki ka liu na yalomalumalumu.

Vosavakaibalebale 18:12

Sa liu e na loma ni tamata na viavialevu, a sa qai tarava na rusa; Ka sa liu na yalomalumalumu a sa muri na vakarokorokotaki.

Vosavakaibalebale 25:7

Ni sa vinaka me ra kaya vei iko, Mo lako cake mai ki ke; Ka ca mo vakatalai sobu e na mata i koya na tui O koya ko sa raica oti.

Vosavakaibalebale 29:23

A nona viavialevu na tamata ena vakasivoi kina: Ia ko koya sa yalomalumalumu ena dokai tiko.

Vosavakaibalebale 3:34

E dina sa vakalialiai ira ko koya era sa dauveivakalialiai: Ia sa solia na loloma vei ira na yalomalumalumu.

Dauvunau 9:7

Mo lako, mo kania e na marau na kemu kakana, ka gunuva e na yalo sa reki na memu waini; ni sa qai vinakata na nomu cakacaka na Kalou.

Aisea 45:25

Era na vakadonui e na vuku i Jiova, ko ira kecega na kawa i Isireli ka lagilagi kina.

Aisea 53:11

Ena kunea ko koya na vua ni veivakaocataki ni yalona ka na vakacegui ga: ni ra sa kilai koya na noqu i talatala yalododonu, ena vakadonui ira kina na lewe vuqa ko koya; ni na colata ko koya na nodra caka cala.

Aisea 57:15

Ni sa kaya vakaoqo ko Koya sa cecere ka levu, ka sa tikotiko ga e na gauna tawa mudu, na yacana ko Koya ka Yalosavasava; Au sa tiko e na tikina cecere ka tabu, kei koya talega sa ramusu ka malumalumu na yalona, me vakabula na yalo i koya sa yalomalumalumu, ka vakabula na lomadra sa bibivoro.

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Taniela 4:37

Ia koi au ko Nepukanesa ka'u sa qai vakavinavinakataka ka vakalevulevuya ka vakarokorokotaka na Tui kei lomalagi, ni sa dinadina kecega na nona cakacaka, ka sa dodonu na nonai valavala: ia ko ira era viavialevu voli sa rawa vua me vakamalumalumutaka.

Apakuki 2:4

Raica, o koya sa viavialevu sa sega ni dodonu na yalona e lomana: ia ko koya sa yalododonu ena bula e na nona vakabauta.

Maciu 23:12

Ia ko koya ena vakalevulevui koya, ena vakamalumalumutaki; ia ko koya ena vakamalumalumutaki koya, ena vakalevulevui.

Maciu 5:3

Sa kalougata ko ira sa yalomalumalumu: ni sa nodra na matanitu vakalomalagi.

Luke 1:52

Sa vakasivoi ira na kaukauwa mai na nodrai tikotiko, A sa vakaceceretaki ira era tamata lalai.

Luke 10:29

Ia ko koya, ni sa via vakadonui koya, sa tarogi Jisu, Ko cei na kai noqu?

Luke 14:11

Ia ko koya yadua sa vakalevulevui koya, ena vakamalumalumutaki; ia ko koya yadua sa vakamalumalumutaki koya, ena vakalevulevui.

Luke 16:15

A sa kaya vei ira ko koya, Oi kemudou dou sa vakadonui kemudou e matadra na tamata; ia sa kila na lomamudou na Kalou: ni sa ca sara e na mata ni Kalou na ka e vinaka sara vei ira na tamata.

Roma 3:20

Ena sega ni vakadonui vua e dua na tamata e nai valavala ni vunau: ni sai koya na vunau sa kilai kina nai valavala ca.

Roma 4:5

Ia ko koya sa sega ni cakacaka, a sa vakabauti koya sa vakadonuya na tamata i valavala ca, sa okati vua na nona vakabauta mei valavala dodonu.

Roma 5:1

O koya oqo, ni da sa vakadonui e na vakabauta, me da sa qai veivinakati kei na Kalou e na vuku ni noda Turaga ko Jisu Karisito:

Roma 8:33

O cei me beitaki ira sa digitaki ira na Kalou? Na Kalou sa vakadonuya.

Kalatia 2:16

ni da sa kila sa sega ni vakadonui na tamata e na vuku ni cakacaka ni vunau, e na vuku ga ni vakabauti Jisu Karisito, eda sa vakabauti Karisito Jisu, koi keda, me da vakadonui kina e na vuku ni da vakabauti Karisito, ka sega ga e na cakacaka ni vunau; ni sa sega na tamata ena vakadonui e na vuku ni cakacaka ni vunau.

Jemesa 4:10

Dou vakamalumalumutaki kemudou e na mata ni Turaga, ka na laveti kemudou cake ko koya.

Jemesa 4:6

Ia sa solia vakalevu na loloma ko koya. O koya sa kaya kina ko koya, O ira sa viavialevu sa vorati ira na Kalou, ia sa solia na loloma vei ira era sa yalomalumalumu.

1 Samuela 1:18

A sa kaya ko koya, Me'u kune loloma mada e matamu na nomu vada. A sa lako yani na yalewa e nonai lakolako, a sa kana, a sa sega tale ni vakaveveku mata ko koya.