Luke 18:13 - Vakavakadewa Makawa

¹³ A sa tu vakayawa ko koya na kumuna nai vakacavacava, a sa sega ni via ta cake ki lomalagi, ia sa tavia na lomaserena, ka kaya, Kemuni na Kalou, lomani au mai, koi au na tamatai valavala ca.

Ai Vola Tabu (Vakadewa Makawa Vakavoutaki 2021)

¹³ Ia sa tu vakayawa ko koya na daukumuna nai vakacavacava, a sa sega ni via ta cake ki lomalagi, ia sa tavia ga na lomaserena, ka kaya, ‘Kemuni na Kalou, ni lomani au mai, koi au na tamata i valavala ca!’

AI VOLA TABU

¹³ A sa tu vakayawa ko koya na kumuna nai vakacavacava, a sa sega ni via ta cake na matana ki lomalagi, a sa tavia na lomaserena, ka kaya, Noqu Kalou, lomani au mai, koi au sa tamatai valavala ca.

Vakavakadewa Vou kei na iVola tale eso

¹³ “Ia o koya na daukumuni i vakacavacava, ni sa tucake vakayawa sara tu yani, ka sa sega mada ga ni via tacake ki lomalagi, ia sa tavitavia ga na lomaserena ka kaya, ‘Kemuni na Kalou, ni qai lomani au mai, ni'u sa tamata i valavala ca!

Ai Vola Tabu Ena Vakavakadewa Vou

¹³ “Ia o koya na daukumuni i vakacavacava, ni sa tucake vakayawa sara tu yani, ka sa sega mada ga ni via tacake ki lomalagi, ia sa tavitavia ga na lomaserena ka kaya, ‘Kemuni na Kalou, ni qai lomani au mai, ni'u sa tamata i valavala ca!’

Luke 18:13 Iomraidhean Croise

2 Samuela 12:13

A sa kaya vei Necani ko Tevita, Au sa cala vei Jiova. A sa kaya vei Tevita ko Necani, Sa kauta tani na nomuni valavala ca ko Jiova; ko ni na sega ni mate:

2 Veigauna 33:19

A nona masu talega, kei na nona vakarogoci, kei na nonai valavala ca kecega, kei na nona caka cala, kei na veiyasana sa tara kina ko koya na veitikina cecere, ka vakaduria kina na kalouyalewa ni veikau kei na matakau ceuceu, ni sa bera ni vakamalumalumutaki koya; raica, sa volai vata kei na nodra vosa na rairai.

2 Veigauna 33:23

Ka sega ni vakamalumalumutaki koya e na mata i Jiova, me vaka ka vakamalumalumutaki koya ko Manasa na tamana; ia sa uasivi cake tiko e na nona caka cala ko Emoni.

Esera 9:6

ka kaya, Kemuni na noqu Kalou, au sa madua ka velavela ni'u tacake vei kemuni na noqu Kalou: ni sa tubu cake na neimami caka cala ka sa sivia na uluimami, a sa tubu na neimami talaidredre me yala ki lomalagi.

Jope 42:6

O koya oqo ka'u sa beci au sara kina, ka veivutuni E na kuvu-ni-soso kei na dravusa.

NA SAME 106:6

Keimami sa caka cala vata kei ira na neimami qase, Keimami sa cakava na ka sa sega ni dodonu, keimami sai valavala ca.

NA SAME 119:41

Kemuni Jiova, me yacovi au na nomuni yalololoma; Na bula ko ni sa solia, me vaka na nomuni vosa.

NA SAME 130:7

Me ra nuitaki Jiova ko ira na Isireli: Ni sa tiko vua na yalololoma, Ka sa tiko talega vua na bula levu.

NA SAME 25:11

E na vuku ni yacamuni, Jiova, Mo ni kakua ni cudruvi au e na vuku ni noqu i valavala ca; ni sa ka levu.

NA SAME 25:7

Kakua ni nanuma na noqu i valavala ca kei na noqu caka cala, ni'u a cauravou: Me vaka ga na nomuni loloma mo ni nanumi au, E na vuku ni nomuni yalovinaka, i Jiova.

NA SAME 40:12

Ni sa voliti au na ka ca sa sega ni wili rawa: Sa vauci au na noqu i valavala ca, ka'u sa sega ni ta cake rawa kina; Sa levu oqori ka lailai na drau ni uluqu: o koya sa waicala kina na yaloqu.

NA SAME 41:4

Au a kaya, I Jiova, ni lomani au mai: Ni vakavinakataka na yaloqu; ni'u a caka ca vei kemuni.

Lako Yani 33:10

A ra sa raica na duru o na tamata kecega ni sa tu mai na katuba ni Vale tabu: a ra sa tu cake na tamata kecega ka lotu, na tamata yadua e na katuba ni nona vale laca.

Aisea 1:18

Dou mada mai, me tou veivosaki vata, sa kaya ko Jiova; ke sa vaka na ka kulakula na nomudou i valavala ca, sa na vulavula me vaka na uca-vulavula; ke sa damuvakula sa na vaka na vutika ni sipi.

Aisea 6:5

Au a qai kaya, Isa koi au! ni'u sa ca; ni'u sa tamata tebenigusu qeleqelewa, au sa tiko talega kei ira na tamata tebenigusu qeleqelewa: ni sa raica na Tui ko Jiova ni lewe vuqa na mataqu.

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Isikeli 16:63

mo nanuma kina, ka mo taqaya, ka sega ni rawa tale ni dalaga e na vuku ni nomu madua, ni'u sa bokoca kecega na ka ca ko sa cakava oti, sa kaya na Turaga ko Jiova.

Taniela 9:5

keimami sai valavala ca, ka sa cala, ka sa caka ca, ka sa talaidredre, ni keimami sa vuki tani mai na nomuni vunau kei na nomuni lewa;

Maciu 10:3

ko Filipi, kei Pacolomiu; ko Tomasi, kei Maciu na kumuna nai vakacavacava; ko Jemesa na luve i Alifio, kei Cateo;

Maciu 6:5

Ia ni ko sa masu, mo kakua ni vakataki ira na dauveivakaisini: ni ra sa vinakata me ra tu e na veivale ni lotu kei na veitutu-ni-sala ni ra masu, me raici ira kina ko ira na tamata. Au sa kaya vakaidina vei kemudou, Sa tu ga vei ira na kenai sau.

Maciu 9:13

ia dou laki vulica nai balebale ni vosa oqo, Au sa vinakata na yalololoma, ka segai nai soro; ni kau sa sega ni lako mai meu kacivi ira na yalododonu, ko ira ga nai valavala ca, me ra veivutuni.

Marika 11:25

Ia ni dou sa tu me masu, kakua ni cudruvi koya sa cala vei kemudou; me kakua talega ni cudruvi kemudou e na vuku ni nomudoui valavala ca na Tamamudou sa tiko mai lomalagi.

Luke 17:12

Ia ni sa curu ki na dua na koro lailai, sa sota kaya e lewe tini na tamata vukavuka, a ra sa tu vakayawa;

Luke 22:41

A sa sudra tani vei ira e vaka na kena yawa e viritaki e dua na vatu, a sa tekiduru ka masu,

Luke 23:48

Ia ko ira kecega na tamata era sa lako mai me raica na ka oqo, ni ra sa raica na ka sa caka, era sa tavia na lomaseredra, ka lesu tale yani.

Luke 5:8

Ia ni sa raica ko Saimoni Pita, sa cuva sobu ki na duru i Jisu, ka kaya, Mo ni lako tani vei au, na Turaga; ni’u sa tamata ca.

Cakacaka 2:37

Ia ni ra sa rogoca, sa laucoka na yalodra, a ra sa kaya vei Pita kei ira nai apositolo sa vo, Oi kemudou na veiwekani, a cava me keimami kitaka?

Roma 5:8

Ia na Kalou sa vakatakila na nona loloma vei keda, ni sa mate na Karisito me nodai sosomi ni da sa tamata ca.

2 Korinica 7:11

Ia ka raica, na ka ga oqo, io, na nomudou vakararawataki vaka na loma ni Kalou, ni sa vakatubura vei kemudou na gugumatua! io, na vakasavasavataki kemudou, io, na cudrucudru, io, ka rere, io, na gagadre vakalevu, io, na lomakatakata, io, na via sauma na ca! E na ka kecega dou sa vakadinadinataka ni dou sa sega ni cala e na ka ko ya.

1 Timoci 1:15

Sa dina na vosa, a sa yaga me vakabauti vakalevu, ni sa lako mai ki vuravura ko Jisu Karisito me vakabulai ira na tamatai valavala ca; ia koi au, kau sa uasivi cake vei ira.

Iperiu 4:16

E na vuku ni ka oqori tou toro doudou kina ki nai tikotiko-vakaturaga loloma, me da vinakati kina, me da lomani talega ka vukei e na gauna e yaga kina.

Iperiu 8:12

Ni'u na yalovinaka vei ira sa sega ni dodonu, Ia ka'u na sega ni nanuma tale na nodra i valavala ca kei na nodra talaidredre.