Luke 17:14 - Vakavakadewa Makawa

¹⁴ Ia ni sa raici ira ko koya, sa kaya vei ira, Dou lako ka vakaraitaki kemudou vei ira na bete. Ia ni ra sa lako tu, era sa vakasavasavataki.

Ai Vola Tabu (Vakadewa Makawa Vakavoutaki 2021)

¹⁴ Ia ni sa raici ira ko koya, sa kaya vei ira, “Dou lako ka vakaraitaki kemudou vei ira na bete.” Ia ni ra sa lako tu, era sa vakasavasavataki.

AI VOLA TABU

¹⁴ Ia ni sa raica ko koya, sa kaya vei iratou, Dou lako ka vakaraitaki kemudou vei ira na bete. A sa yaco, ni ratou sa lako tu, eratou sa vakasavasavataki.

Vakavakadewa Vou kei na iVola tale eso

¹⁴ A sa raici iratou o Jisu ka sa kaya vei iratou, “Dou lako ka la'ki raici ira na bete me ra vakadikevi kemudou.” Ni ratou se lako tikoga, e ratou sa qai vakasavasavataki sara.

Ai Vola Tabu Ena Vakavakadewa Vou

¹⁴ A sa raici iratou ko Jisu ka sa kaya vei iratou, “Dou lako ka la'ki raici ira na bete me ra vakadikevi kemudou.” Ni ratou se lako tikoga, e ratou sa qai vakasavasavataki sara.

Luke 17:14 Iomraidhean Croise

2 Tui 5:14

Sa qai lako sobu ko koya, ka silimi koya vakavitu e na Joritani, me vaka na nona vosa na tamata ni Kalou: a sa bula tale na lewena me vaka na lewe ni gone lailai, a sa savasava mai ko koya.

Aisea 65:24

Ia ena yaco ni sa bera na nodra masu vei au, ka'u na rogo yani; ni ra sa vosa tiko, ka'u na rogoci ira.

Maciu 3:15

A sa vosa ko Jisu, ka kaya vua, Mo vosota mada edaidai; ni sa kilikili kei keda me da vakabauta vakaoqo nai valavala dodonu kecega. Sa qai vosota ko koya.

Luke 5:14

A sa vakarota vua ko koya me kakua ni tukuna vua e dua: ia mo laki vakaraitaki iko vua na bete, ka vakacabora na nomui vakasavasavataki, me vaka na vosa i Mosese, mei vakadinadina vei ira.

Joni 11:10

ia kevaka sa lako e dua e na bogi, sa tarabe ko koya ni sa sega ni tu vua na rarama.

Joni 2:5

Sa kaya vei ira na tamata ko tinana, A ka kecega sa kaya vei kemudou ko koya, dou kitaka.

Joni 9:7

a sa kaya vua, Laki tavoi e nai silisili ko Sailoama, (a kenai balebale, Sa talaki.) A sa lako yani, ka tavoi, ka tale mai ka rai rawa.