Luke 15:28 - Vakavakadewa Makawa

²⁸ A sa cudru ko koya, ka bese ni curu; sa qai lako mai kina ki tautuba ko tamana, ka vakamasuta.

Ai Vola Tabu (Vakadewa Makawa Vakavoutaki 2021)

²⁸ A sa qai cudru ko koya, ka bese ni curu. Sa qai lako mai kina ki tautuba ko tamana, ka vakamasuta.

AI VOLA TABU

²⁸ A sa cudru ko koya, ka bese ni curu; sa qai lako mai kina ki tautuba ko tamana, ka vakamasuta.

Vakavakadewa Vou kei na iVola tale eso

²⁸ “A sa cudru vakalevu sara o tuakana ka bese ni curu ki vale. Sa qai curu mai ki tautuba o tamana ka vakamasuti koya me curu yani ki loma.

Ai Vola Tabu Ena Vakavakadewa Vou

²⁸ “A sa cudru vakalevu sara o tuakana ka bese ni curu ki vale. Sa qai curu mai ki tautuba o tamana ka vakamasuti koya me curu yani ki loma.

Luke 15:28 Iomraidhean Croise

Aisea 65:5

a ra kaya, Mo tiko tani ko iko; kakua ni ko sudra mai vei au; ni'u sa yalosavasava cake vei kedaru. Ko ira oqo era sa kubou e na ucuqu, na buka sa waqa tu e na veisiga.

Aisea 66:5

Dou rogoca na vosa i Jiova, koi kemudou sa rerevaka na nona vosa; Ko ira na wekamudou, ka cati kemudou, ka biuti kemudou tani e na vuku ni yacaqu, era sa kaya, Me vakarokorokotaki ko Jiova: ia ena rairai ga ko koya mo dou reki kina, ka ra na madua ga ko ira.

Jeremaia 35:16

Ka ni ra sa vakayacora na luve i Jionatapi na luve i Rekapi nai vakaro ni tamadra, ka vakarota vei ira ko koya; ia na tamata oqo era sa sega ni vakarorogo vei au:

Jona 4:9

Sa qai kaya vei Jona na Kalou, E vinaka li vei iko mo cudru e na vuku ni bele? A sa kaya ko koya, E vinaka me'u cudru, io, me'u mate ga.

Maciu 20:11

Ia ni ra sa taura, era sa qai didi vua nai taukei ni vale,

Marika 1:40

A sa lako mai vei koya e dua na vukavuka, ka vakamasuta, ka tekiduru vua, ka kaya vua, Kevaka ko ni sa vinakata, ko ni sa vakasavasavataki au rawa.

Luke 13:34

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira e na vatu era sa talai vei iko! e vuqa na siga ka’u a via vakasoqoni ira vata na luvemu, me vaka sa vakasoqona na luvena na toa yalewa e ruku ni tabana, ia dou sa sega ni vinakata!

Luke 15:2

A sa vosakudrukudru ko ira na Farisi kei ira na vunivola, ka kaya, Ko koya oqo sa veilasamaki vata kei ira na tamata ca, ka kana vata kei ira.

Luke 15:27

A sa kaya vua ko koya, Sa lako saka tale mai na tacimu; ka sa vakamatea ko tamamu na luve ni pulumokau sa uro, e na vuku ni rau sa veikune tale ka sa bula vinaka.

Luke 15:29

Sa qai vosa ko koya, ka kaya vei tamana, Raica, e vuqa na yabaki oqo ka’u sa qaravi iko kina, ia ka’u sa sega sara ni talaidredre ki na nomu vosa: ia ko sa sega sara ni solia vei au e dua walega na luve ni me, me keitou marau vata kina kei ira na wekaqu:

Luke 24:47

me vunautaki talega na veivutuni, kei na vakabokoci ni valavala ca, e na vuku ni yacana, vei ira na lewe ni veivanua kecega, me vakatekivu e Jerusalemi.

Luke 5:30

Ia ko ira na nodra vunivola kei ira na Farisi era sa vosa vakatani vei ira na nona tisaipeli, ka kaya, A cava dou sa kana vata ka gunu vata kina kei ira sa kumuna nai vakacavacava kei ira na tamatai valavala ca?

Luke 7:39

Ia ni sa raica na Farisi ka sureti koya, sa nanuma ga e lomana, ka vaka, Kevaka sa parofita ko koya oqo, sa kila na yalewa oqo sa tarai koya, kei na nonai valavala talega; ni sa yalewa i valavala ca.

Cakacaka 13:45

Ia ni ra sa raica ko ira na Jiu era sa lewe vuqa, era sa sinai e na vuvu, a ra vakalasuya na veika sa tukuna ko Paula, ka vosavakacacataka:

Cakacaka 13:50

A ra sa vakauqeti ira na yalewa lotu, kei ira na marama, kei ira na turaga ni koro, ko ira na Jiu, a ra sa vakatubura na dauveivakacacani vei rau ko Paula kei Panapasa, ka vakasevi rau tani e na nodra yasana.

Cakacaka 14:19

A sa lako mai eso na Jiu mai Anitioki kei Ikoniona, a ra sa vakauqeti ira na tamata, ia ni ra sa vakaviriki Paula e na vatu, era sa yarataka ki nai bili ni koro, ni ra sa nanuma sa mate ko koya.

Cakacaka 14:2

Ia ko ira na Jiu era vakatitiqa, era sa vakauqeta na lomadra era sa matanitu tani, me ra lomaca vei ira na veiwekani.

Roma 10:19

Ia ka'u sa taroga, Sa sega beka ni kila ko ira na Isireli? Sa tukuna eliu ko Mosese, Au na vakavuvutaki kemudou e na vukudra era sega ni noqu tamata: Au na vakacudrui kemudou e na matanitu sesewa.

2 Korinica 5:20

Keitou sa yaco kina mei talatala i Karisito, me vaka sa vakamasuti kemudou na Kalou e na gusu i keitou: keitou nai sosomi kei Karisito, keitou sa vakamamasu, mo dou veivinakati kei na Kalou.

1 Cesalonaika 2:16

a ra sa tarovi keitou ni keitou sa vosa vei ira era sa sega ni lotu me ra bula kina, era sa vakasinaita tikoga kina na nodra i valavala ca: ia sa yaco vei ira na cudruvi me ra sa ca sara.

1 Samuela 17:28

A sa rogoca ko Iliapi, na tuakana ka ulumatua, ni sa vosa ko koya vei ira na tamata; sa qai cudru vei Tevita ko Iliapi, ka kaya, A cava ko a lako sobu mai kina ki ke? ia ko sa laiva vei cei na sipi ka vica wale oqori mai veikau? au kila na nomu viavialevu, kei na kena ca ni yalomu; ni ko sa lako sobu mai mo raica nai valu.

1 Samuela 18:8

A sa cudru vakalevu ko Saula, ni sa ca vua na vosa ko ya; a sa kaya ko koya, Era sa cavuta vei Tevita na veiudolu vakatini, a ra sa cavuta vei au na veiudolu walega: ia sa vo beka ga me nona na matanitu?