Luke 13:14 - Vakavakadewa Makawa

¹⁴ Sa qai vosa vakacudrucudru na turaga ni vale ni lotu, ni sa ia na veivakabulai ko Jisu e na siga ni vakacecegu, ka kaya vei ira na tamata, E ono na siga e dodonu me ia kina na cakacaka: oqori dou lako mai kina mo dou vakabulai, ia me kakua ga e na siga ni vakacecegu.

Ai Vola Tabu (Vakadewa Makawa Vakavoutaki 2021)

¹⁴ Ia sa qai vosa vakacudrucudru na turaga ni valenilotu, ni sa ia na veivakabulai ko Jisu e na Siga ni Vakacecegu, ka kaya vei ira na tamata, “E ono na siga e dodonu me ia kina na cakacaka. Oqori dou lako mai kina mo dou vakabulai, ia me kakua ga e na Siga ni Vakacecegu.”

AI VOLA TABU

¹⁴ Sa qai vosa vakacudrucudruya ko na turaga ni vale ni lotu, ni sa ia na veivakabulai ko Jisu e na siga ni vakacecegu, a sa kaya vei ira na tamata, E ono na siga e dodonu me ia kina na cakacaka: o qori dou lako mai kina mo dou vakabulai, ia me kakua ga e na siga ni vakacecegu.

Vakavakadewa Vou kei na iVola tale eso

¹⁴ Ia sa cudru kina na i liuliu ni valenilotu baleta ni sa ia na veivakabulai o Jisu ena Siga ni Vakacecegu. Sa qai kaya o koya vei ira na tamata, “Sa tu e ono na siga me ia kina na cakacaka, mo ni lako mai kina mo ni vakabulai, ka kakua ga ena Siga ni Vakacecegu.”

Ai Vola Tabu Ena Vakavakadewa Vou

¹⁴ Ia sa cudru kina na i liuliu ni valenilotu baleta ni sa ia na veivakabulai ko Jisu ena Siga ni Vakacecegu. Sa qai kaya o koya vei ira na tamata, “Sa tu e ono na siga me ia kina na cakacaka, mo ni lako mai kina mo ni vakabulai, ka kakua ga ena Siga ni Vakacecegu.”

Luke 13:14 Iomraidhean Croise

Lako Yani 20:9

E ono na siga mo daucakacaka kina, ka kitaka kina na nomu cakacaka kecega;

Lako Yani 23:12

E ono na siga mo dou kitaka kina na nomudou cakacaka, ia e na kenai kavitu ni siga mo dou vakacegu: me vakacegu kina na nomu pulumokau kei na nomu asa, ka me kaukauwa kina na luvena na nomu vada, kei na vulagi.

Isikeli 20:12

Ia ka'u a solia talega vei ira na noqu siga tabu, me noqu i vakatakilakila vei ira, me ra kila ni sai au ko Jiova ka vakatabui ira.

Isikeli 34:21

Ka ni dou sa ia na veibiliyaki e na sarisarimudou, kei na tabamudou, ka culai ira kece era tauvi mate e na nomudou i leu, ka dou sa dui vakasevi ira mada kina;

Vunau ni Soro 23:3

E ono na siga me caka kina na cakacaka: ia nai kavitu ni siga sa siga ni vakacecegu, nai soqosoqo tabu; dou kakua ni kitaka kina e dua na cakacaka: o koya sa siga ni vakacecegu vei Jiova e na nomudou i tikotiko kecega.

Maciu 12:2

Ia ni sa raica ko ira na Farisi, era sa kaya vua, Raica, sa kitaka ko ira na nomu tisaipeli na ka e sega ni tara me caka e na siga ni vakacecegu.

Marika 5:22

Ka raica, sa lako mai e dua na turaga ni vale ni lotu, ko Jairo na yacana; ia ni sa raici koya, sa cuva sobu ki na yavana,

Luke 6:11

A ra sa cudru vakalevu sara; a ra sa veivosaki vakai ira, se cava me ra kitaka vei Jisu.

Luke 6:7

A ra sa vakaraici koya ko ira na vunivola kei ira na Farisi, se na ia na veivakabulai e na Siga ni Vakacecegu, se segai; me ra kunea na ka me beitaki koya kina.

Luke 8:41

Ka raica, sa dua na tamata ko Jairo na yacana, e dua na turaga ni vale ni lotu, sa lako mai ka cuva sobu ki na yava i Jisu, ka vakamasuta me lako ki nona vale:

Cakacaka 13:15

Ia ni sa wili oti nai vola ni vunau kei ira na parofita, sa qai talaki vei rau ko ira na turaga ni vale ni lotu, ka kaya, Oi kemudrau na veiwekani, kevaka e tu vei kemudrau e dua na vosa ni vakavuvuli vei ira na tamata, tukuna ga mai.

Cakacaka 18:17

A ra sa qai tauri Sosiceni na turaga ni vale ni lotu, ka vaculaka e na mata ni tikotiko ni veilewai. A sa weletaka na ka kecega oqo ko Kalio.

Cakacaka 18:8

A sa vakabauta na Turaga ko Kirisipo, na turaga ni vale ni lotu, kei ira kecega na nona lewe-ni-vale; a sa lewe vuqa na kai Korinica ni ra sa rogoca, era sa vakabauta, ka ra sa papitaisotaki.

Roma 10:2

Ni'u sa tukuni ira ni ra sa lomakatakata vua na Kalou, ia era sa sega ni yalomatua.

Vakarua 5:13

E ono na siga mo daucakacaka kina, ka kitaka kina na nomu cakacaka kecega;