Luke 12:1 - Vakavakadewa Makawa

¹ E na gauna ko ya, ni ra sa udolu vakavuqa na tamata sa soqoni vata mai, a ra sa veibutuqaqi ga, sa qai kaya mada eliu vei ira na nona tisaipeli ko koya, Dou qarauni kemudou mai na nodra leveni na Farisi, oqori na dauveivakaisini.

Ai Vola Tabu (Vakadewa Makawa Vakavoutaki 2021)

¹ E na gauna ko ya, ni ra sa udolu vakavuqa na tamata sa soqoni vata mai, a ra sa veibutuqaqi ga, sa qai kaya mada eliu vei ira na nona tisaipeli ko koya, “Dou qarauni kemudou mai na nodra leveni na Farisi, oqori na dauveivakaisini.

AI VOLA TABU

¹ E NA gauna ko ya, ni ra sa lewe vuqa sara na tamata sa soqoni vata mai, sa sega ni wili rawa, a ra sa veibutuqaqi ga, sa vakatekivu ko koya me kaya mada eliu vei iratou na nona tisaipeli, Dou qarauni kemudou mai na nodra leveni na Farisi, a ya na dauveivakaisini.

Vakavakadewa Vou kei na iVola tale eso

¹ Ena gauna o ya, ni ra sa vakasoqoni vata mai e udolu vakavuqa na tamata, ka ra sa veidrigidrigi ena kedra lewe levu, sa qai vosa taumada o Jisu vei iratou na nona tisaipeli ka kaya, “Dou qarauni kemudou mai na nodra i vakatubu na Farisi, o ya na nodra dau veivakaisini.

Ai Vola Tabu Ena Vakavakadewa Vou

¹ Ena gauna o ya, ni ra sa vakasoqoni vata mai e udolu vakavuqa na tamata, ka ra sa veidrigidrigi ena kedra lewe levu, sa qai vosa taumada ko Jisu vei iratou na nona tisaipeli ka kaya, “Dou qarauni kemudou mai na nodra i vakatubu na Farisi, o ya na nodra dau veivakaisini.

Luke 12:1 Iomraidhean Croise

2 Tui 7:17

Ia sa lesia ko koya na tui na turaga ka ravita eliu na ligana, me vakatawa na matamata-ni-koro: a ra sa butubutuki koya mai na matamata-ni-koro ko ira na tamata, a sa mate kina ko koya, me vaka ka kaya na tamata ni Kalou, o koya ka vosa ni sa lako sobu vei koya na tui.

Jope 20:5

Ni sa ka lekaleka na nodra marau nai valavala ca, A sa oti rawarawa sara na reki ni dauveivakaisini?

Jope 27:8

Ia ka cava na ka me vakararavi kina ko koya na dauveivakaisini, kevaka sa vutuniyau mai Ni sa kauta tani na yalona na Kalou;

Jope 36:13

Ia ko ira na yalodauveivakaisini era sa binia tiko na cudru; Era sa sega ni tagi vua ni sa vauci ira.

Aisea 33:14

Sa rere mai Saioni ko ira nai valavala ca; sa sautaninini ko ira na dauveivakaisini. Ko cei vei keda me na tiko e na bukawaqa daukana voli? ko cei vei keda me na tiko e na bukawaqa ka tawa mudu?

Luke 11:44

E ca vei kemudou! ni dou sa vaka nai bulubulu sa sega ni rairai, ka sa lako loa voli ko ira na tamata e delana ka sega ni kila.

Luke 12:56

Na dauveivakaisini! dou sa kila rawa na mata i vuravura kei lomalagi: ia ka vakaevei ni dou sa sega ni kila na gauna oqo?

Luke 5:1

Ia ni sa drigiti koya ko ira na tamata me ra rogoca na vosa ni Kalou, sa tu ko koya e na bati ni drano mai Kenisareti,

Luke 5:15

Ia na kenai rogorogo sa kuruvaki vakalevu sara kina; a ra sa lewe vuqa sara era sa soqoni vata mai me ra vakarogoca, me ra sa vakabulai talega mai na nodra malumalumu.

Luke 6:17

A sa lako sobu vata kei ira ko koya, ka tu e na buca, ka ra sa lewe vuqa sara na nona tisaipeli, kei na tamata era lewe vuqa sara mai Jutia taucoko kei Jerusalemi, kei na baravi kei Taia kei Saitoni, era sa lako mai me ra rogoci koya, ka me ra vakabulai talega mai na nodra mate;

Cakacaka 21:20

Ia ni ra sa rogoca, era sa vakavinavinaka vua na Kalou, a ra sa kaya vua, O iko na wekai keitou, ko sa raica, era sa le vica na udolu na Jiu era sa vakabauta; a ra sa gumatua kecega me ra muria na vunau:

1 Korinica 15:3

Niu a tukuna taumada vei kemudou na ka kau a rawata, ni sa mate na Karisito e na vuku ni nodai valavala ca me vaka nai Vola Tabu:

Iperiu 12:22

ia dou sa lako mai ki na ulu-ni-vanua ko Saioni ga, kei na koro ni Kalou bula, ki Jerusalemi vakalomalagi, kei na nodra i soqosoqo na agilose e sega ni wili rawa,

Jemesa 3:17

Ia na vuku maicake sa savasava mada, emuri sa dauia na veivakacegui, sa yalomalua, sa vakamasuti rawarawa, sa sinai e na loloma kei na vua vinaka, sa sega ni digitaki ira vakatani na tamata, se dauveivakaisini.

1 Pita 2:1

O koya oqo ni dou sa biuta tani kina na lomaca kecega, kei na daulawaki kecega, kei na dauveivakaisini kei na dauvuvu, kei na dauveivosavakacacataki kecega,