Luke 11:4 - Vakavakadewa Makawa

⁴ Ia mo ni kakua ni cudruvi keimami e na vuku ni neimami valavala ca: ni keimami sa sega talega ni cudruva e dua sai valavala ca vei keimami. Ia mo ni kakua ni kauti keimami ki na vere; ka mo ni vakabulai keimami mai na ca.

Ai Vola Tabu (Vakadewa Makawa Vakavoutaki 2021)

⁴ Ia mo ni vosoti keimami e na vuku ni neimami valavala ca, ni keimami sa vosoti ira era sai valavala ca vei keimami. Ia mo ni kakua ni kauti keimami ki na vere; ka mo ni vakabulai keimami mai na ca.”

AI VOLA TABU

⁴ Ia kakua ni cudruvi keimami e na vuku ni neimami valavala ca: ni keimami sa sega talega ni cudruva e dua sa valavala ca vei keimami. Ia kakua ni kauti keimami ki na vere; ka vakabulai keimami mai na ca.

Vakavakadewa Vou kei na iVola tale eso

⁴ Ni kakua ni cudruvi keimami ena vuku ni neimami i valavala ca; Ni keimami sa sega ni cudruvi ira era sai valavala ca vei keimami. Ka mo ni kakua ni kauti keimami ki na vere.’ ”

Ai Vola Tabu Ena Vakavakadewa Vou

⁴ Ni kakua ni cudruvi keimami ena vuku ni neimami i valavala ca; Ni keimami sa sega ni cudruvi ira era sai valavala ca vei keimami. Ka mo ni kakua ni kauti keimami ki na vere.’ ”

Luke 11:4 Iomraidhean Croise

Vakatekivu 48:16

na Agilose ka vakabulai au mai na ca kecega, me vakalougatataki rau na gone; ia me toka vei rau na yacaqu, kei na yacadrau na tamaqu, ko Eparaama kei Aisake; me rau tubu talega me rau lewe vuqa sara e vuravura.

1 Tui 8:34

mo ni qai rogoca mai lomalagi, ka mo ni kakua ni cudruvi ira e na vuku ni nodra i valavala ca na nomuni tamata na Isireli, ia mo ni vakalesui ira tale ki na vanua ko ni a solia vei ira na nodra qase eliu.

1 Tui 8:36

mo ni qai rogoca mai lomalagi, ka kakua ni cudruvi ira e na vuku ni nodra i valavala ca na nomuni tamata, io, na nomuni tamata na Isireli, mo ni vakavulici ira kina e na sala vinaka me ra lako kina, ka solia na uca ki na nomuni vanua, ko ni a solia vei ira na nomuni tamata mei votavota.

NA SAME 121:7

Ena maroroi iko ko Jiova mai na ca kecega: Ia ena maroroya na yalomu.

NA SAME 25:11

E na vuku ni yacamuni, Jiova, Mo ni kakua ni cudruvi au e na vuku ni noqu i valavala ca; ni sa ka levu.

NA SAME 25:18

Ni vakaraica na noqu rarawa kei na noqu yaluma; Ka bokoca na noqu i valavala ca kecega.

Taniela 9:19

Kemuni na Turaga, mo ni rogoca; Kemuni na Turaga, mo ni vakabokoca na ca; Kemuni na Turaga, mo ni vakarorogo ka cakacaka; e na vukumuni ga, na noqu Kalou, mo ni kakua kina ni vakaberabera, ni sa vakatokai e na yacamuni ga na nomuni koro, kei ira na nomuni tamata.

Osea 14:2

Vakarautaka mada na nomu vosa, ka lesu vei Jiova: ka kaya vua, Mo ni kauta tani kece na neitou caka cala, ka mo ni yalovinaka mai vei keitou: keitou na qai cabora nai madrali ni tebenigusu i keitou.

Maciu 18:35

Ena kitaka vaka talega kina vei kemudou ko Tamaqu vakalomalagi, kevaka dou sa sega ni dui sereki ira na wekamudou, mai na vu ni yalomudou, mai nai sau ni nodra caka ca.

Maciu 26:41

Dou vakatawa ka masu, me kakua ni rawai kemudou na vere: e dina ga sa gu na yalo, ia na yago sa malumalumu.

Luke 11:5

A sa kaya vei ira ko koya, O cei vei kemudou kevaka sa dua na wekana, a sa lako vua e na lomaloma-ni-bogi, ka kaya vua, Na wekaqu, au kerekere mo solia mai vei au e tolu nai buli madrai;

Luke 13:4

Se ko ira na le tinikawalu, sa baleti ira na vale cecere mai Sailoama, ka vakamatei ira, dou sa vakasama beka ni ra sa uasivi e na cala vei ira kecega na tamata era sa tiko mai Jerusalemi?

Luke 22:46

ka sa kaya vei ira, Dou sa moce e na vuku ni cava? tu cake ka masu, de rawai kemudou na vere.

Luke 8:13

Ia ko ira era vaka na vatu, sai ira sa rogoca, ka vakabauta na vosa e na reki; ia sa sega na wakadra, a ra sa vakadinata vakadede vakalailai ga, ia ni sa yaco na gauna ni dauveretaki era sa bale tale.

Joni 17:15

Au sa sega ni masu mo ni kauti ira tani e vuravura, mo ni maroroi ira ga mai na vu-ni-ca.

1 Korinica 10:13

Sa sega na vere tani sa yaco vei kemudou, o koya ga sa vorata rawa na tamata: ia sa yalodina na Kalou o koya ena sega ni laivi kemudou mo dou dauveretaki vakalevu cake, me vaka ga na nomudou kaukauwa; ka na cakava talega kei na vere na sala mo dou dro kina, mo dou vosota rawa.

Kolosa 3:13

dou veivosoti vakai kemudou, ka kakua ni veicudruvi, kevaka sa dua na ka sa rarawa kina e dua: me vaka sa sega ni cudruvi kemudou na Karisito, mo dou vaka talega kina.

2 Cesalonaika 3:3

Ia sa lomadina na Turaga, o koya ena vakataudeitaki kemudou, ka maroroi kemudou mai na ca.

2 Timoci 4:18

Ena vakabulai au na Turaga mai na ka ca kecega, ka na vakayacori au talega ki na nona matanitu vakalomalagi: me ia vua na vakarokoroko ka sega ni mudu. Emeni.

Jemesa 2:13

Ni na lewai ka sega ni lomani, ko koya sa sega ni ia na loloma; ia na dauloloma sa rawa na veilewai.

Vakatakila 2:10

Kakua ni rerevaka e dua na ka ko na vosota: raica, na tevoro ena biuti kemudou eso ki na vale ni veivesu, mo dou vakatovolei kina; ia dou na vakararawataki ka bogi tini: dou gumatua mo dou yacova na mate, au na qai solia vei kemudou nai sala ni bula.

Vakatakila 3:10

Ni ko sa vakabauta na noqu vosa mo vosota ga, ka'u na maroroi iko talega e na gauna ni dauveivakatovolei, ko ya ena lako mai ki vuravura taucoko, me vakatovolei ira sa tiko e vuravura.