Luke 11:24 - Vakavakadewa Makawa

²⁴ Ni sa lako tani e na tamata na yalo velavela, sa daulako voli e na vanua dravuisiga me qara nai vakavakacegu: ia ni sa sega ni kunea, sa kaya, Au na lesu tale ki na noqu vale ka’u a lako tani maikina:

Ai Vola Tabu (Vakadewa Makawa Vakavoutaki 2021)

²⁴ “Ni sa lako tani e na tamata na yalo velavela, sa daulako voli e na vanua dravuisiga me qara nai vakavakacegu, ia ni sa sega ni kunea, sa kaya, ‘Au na lesu tale ki na noqu vale ka’u a lako tani mai kina.’

AI VOLA TABU

²⁴ Ni sa lako tani e na tamata na yalo tawa-savasava, sa daulako voli e na vanua dravuisiga me vakasaqara nai vakavakacegu: ia ni sa tawa kunea, sa daukaya, Au na lesu tale ki na noqu vale kaʼu a lako tani maikina:

Vakavakadewa Vou kei na iVola tale eso

²⁴ “Ni sa takali mai vua e dua na tamata na yalo velavela, sa na veilakoyaki voli ena vanua veitalasiga me vaqara e dua na vanua me vakacegu kina. Ia kevaka sa sega ni kunea, ena kaya, ‘Au na lesu tale ki na noqu vale ka'u a lako mai kina.’

Ai Vola Tabu Ena Vakavakadewa Vou

²⁴ “Ni sa takali mai vua e dua na tamata na yalo velavela, sa na veilakoyaki voli ena vanua veitalasiga me vaqara e dua na vanua me vakacegu kina. Ia kevaka sa sega ni kunea, ena kaya, ‘Au na lesu tale ki na noqu vale ka'u a lako mai kina.’

Luke 11:24 Iomraidhean Croise

Jope 1:7

Ka sa kaya vei Setani ko Jiova, Ko sa lako maivei? A sa kaya vei Jiova ko Setani, Au sa dauveilakoyaki e vuravura, ka gade voli kina.

Jope 2:2

Ka sa kaya vei Setani ko Jiova, Ko sa lako maivei? A sa vosa vei Jiova ko Setani, ka kaya, Au sa veilakoyaki tu e vuravura, ka gade voli kina.

NA SAME 63:1

Oi kemuni na Kalou, ko ni sa noqu Kalou; ka'u na sou me'u qaravi kemuni: Sa viagunu vei kemuni na yaloqu, sa gu ga vei kemuni na lewequ E na vanua mamaca ka dauveivakaocataki, sa sega kina na wai;

Vosavakaibalebale 4:16

Ni ra sa sega ni moce, kevaka era a sega ni cakava na ka ca; A ra sa sega ni moce rawa, kevaka era sega ni ia mada na veivakacacani.

Aisea 35:7

Ia na nuku kata ena yaco me drano, kei na qele mamaca mei vurevure ni wai: na nodra tikina na wolifa, era daukoto kina, ena vanua veigasau ka veikuta.

Aisea 44:3

Ni'u na sovaraka na wai vua sa viagunu, kei na wai drodro ki na qele mamaca: au na sovaraka na Yaloqu ki na nomu kawa, kei na noqu ka ni veivakalougatataki kivei ira sa tubu maivei iko:

Aisea 48:22

Sa kaya ko Jiova, sa sega na vakacegu vei ira na tamata i valavala ca.

Marika 5:10

A sa masuti koya vakalevu ko koya, me kakua ni vakatalai ira tani e na vanua ko ya.

Marika 9:25

Ia ni sa raica ko Jisu era sa cici vata mai na lewe vuqa, sa vunauca na yalo velavela, ka kaya vua, Na yalo galu ka didivara, au sa vakarota vei iko, mo lako tani mai vua, ka mo kakua ni curuma tale.

Luke 11:25

ia ni sa tadu, sa kunea sa tataviraki ka vakaiukuukutaki.

Efeso 2:2

dou a muria tiko eliu me vaka nai valavala kei vuravura oqo, ni dou a muria tiko na nodra turaga era sa kaukauwa e na macawa, a yalo sa cakacaka tiko e lomadra era sa dautalaidredre;

1 Pita 5:8

Dou yalomatua, dou vakatawa: sa veilakoyaki voli na nomudou meca na tevoro, me vaka na laioni sa tagi, a sa vakasaqara eso me tiloma: