Luke 11:2 - Vakavakadewa Makawa

² A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamuni. Me yaco na nomuni lewa. Me caka na lomamuni e vuravura me vaka sa caka mai lomalagi.

Ai Vola Tabu (Vakadewa Makawa Vakavoutaki 2021)

² A sa kaya vei ira ko koya, “Ni dou sa masu, dou kaya: “Tama i keimami mai lomalagi, me vakarokorokotaki na yacamuni. Me yaco na nomuni matanitu. Me caka na lomamuni e vuravura me vaka sa caka mai lomalagi.

AI VOLA TABU

² A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamu. Me yaco na nomu lewa. Me caka na nomu veitalia e vuravura me vaka mai lomalagi.

Vakavakadewa Vou kei na iVola tale eso

² Sa qai kaya vei iratou o koya, “Ni dou sa masu, dou kaya, ‘Tama i keimami, me vakarokorokotaki na yacamuni, Me yaco mai na nomuni matanitu.

Ai Vola Tabu Ena Vakavakadewa Vou

² Sa qai kaya vei iratou o koya, “Ni dou sa masu, dou kaya, ‘Tama i keimami, me vakarokorokotaki na yacamuni, Me yaco mai na nomuni matanitu.

Luke 11:2 Iomraidhean Croise

1 Tui 8:43

mo ni qai rogoca mai lomalagi, na yasana ko ni sa tiko kina, ka mo ni cakava me vaka na ka kecega sa masu kina vei kemuni ko ira na kai tani: me ra kila na yacamuni ko ira kecega na kai vuravura, ka me ra rerevaki kemuni, me vakataki ira na nomuni tamata na Isireli; me ra kila ni sa vakatokai e na yacamuni na vale oqo ka'u sa tara.

2 Tui 19:19

ia oqo, Jiova na neimami Kalou, mo ni vakabulai keimami mai na ligana, me ra kila kina na veimatanitu kecega e vuravura ni sai kemuni ko Jiova na Kalou, koi kemuni duaduaga.

2 Veigauna 20:6

a sa kaya, Kemuni Jiova na nodra Kalou na neimami qase, ko ni sa sega li ni Kalou mai lomalagi? ko ni sa sega li ni lewa na veimatanitu kecega ni veivanua? sa sega beka e ligamuni na kaukauwa kei na qaqa, ka sega kina e dua me vorati kemuni rawa?

NA SAME 103:20

Dou vakavinavinaka vei Jiova koi kemudou na nona agilose; Sa uasivi e na kaukauwa, ka sa cakava na nonai vakaro, Ni dou sa vakarorogo tiko ki na nona vosa.

NA SAME 108:5

Mo ni cecere, na Kalou, ka me lolovira ko lomalagi: Kei na nomuni lagilagi ki vuravura taucoko;

NA SAME 11:4

Sa tiko e na nona vale tabu ko Jiova, Ai tikotiko vakaturaga nei Jiova sa tu mai lomalagi, Sa vakaraica tiko na matana, Sa vakatovolei ira na luve ni tamata na dakudaku ni matana.

NA SAME 57:11

Mo ni cecere, na Kalou, ka me lolovira ko lomalagi: Me cecere cake na nomuni ukuuku ki vuravura taucoko.

Dauvunau 5:2

Mo kakua ni totolo ni vosa, kakua talega ni vakariri na lomamu me vosa e na mata ni Kalou: ni sa tiko mai lomalagi na Kalou, ia ko iko e vuravura: o koya me lailai kina na nomu vosa:

Aisea 63:16

Koi kemuni na tamai keimami; ia ko Eparaama sa lecavi keimami, ka sa sega ni kilai keimami ko Isireli; sai kemuni Jiova, na tamai keimami, na neimami vakabula; sa mailiu sara na yacamuni:

Isikeli 36:23

Ia ka'u na vakatabuya na yacaqu levu, o koya ka vakacacani e na veimatanitu tani, o koya dou a vakacacana e na kedra maliwa; ka ra na kila na veimatanitu ni sai au ko Jiova, sa kaya na Turaga ko Jiova, ni'u sa vakatabui vei kemudou e matadra.

Taniela 2:28

ia sa dua na Kalou mai lomalagi sa vakaraitaka na ka vuni, ka sa vakatakila rawa vei kemuni na tui ko Nepukanesa na ka ena yaco e na gauna maimuri. A nomuni tadra kei na raivotu ko ni a raica e na nomuni mocemoce, sa vakaoqo:

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Taniela 7:18

Ia ko ira na yalosavasava i Koya sa Cecere sara era na rawata na matanitu, ka ra na taukena na matanitu ka sega ni mudu, io ka sega sara ni mudu.

Taniela 7:27

Ia na matanitu kei na lewa, kei na kena levu ni veimatanitu e ruku i lomalagi taucoko, ena soli vei ira na yalosavasava nei Koya sa Cecere sara, a nona matanitu sa matanitu e sega ni mudu, ia ko ira na turaga kecega era na qaravi koya ka talairawarawa vua.

Osea 14:2

Vakarautaka mada na nomu vosa, ka lesu vei Jiova: ka kaya vua, Mo ni kauta tani kece na neitou caka cala, ka mo ni yalovinaka mai vei keitou: keitou na qai cabora nai madrali ni tebenigusu i keitou.

Vunau ni Soro 10:3

A sa kaya vei Eroni ko Mosese, Oqo ka vosataka ko Jiova, ni sa kaya, Au na vakatabui vei ira era sa toro voleka vei au, ia ka'u na vakarokorokotaki e na matadra kecega na tamata. A sa galu ko Eroni.

Vunau ni Soro 22:23

A pulumokau, se lami, sa dua na tikina sa vakatani se yali e dua na tikina, oqo e tara mo vakacabora ni sa lomamu ga; ia me vakayacori me ka ni bubului, ena sega ni donu kina.

Apakuki 2:14

Ni na roboti vuravura na kena kilai na lagilagi i Jiova, me vaka sa ubia na wasa titobu na wai.

Maciu 10:32

O koya yadua ena tukuni au e na matadra na tamata, au na tukuni koya talega e na mata i Tamaqu sa tiko mai lomalagi.

Maciu 3:2

ka kaya, Dou veivutuni! ni sa voleka na matanitu vakalomalagi.

Maciu 5:16

Me caudre vakakina na nomudou rarama e na matadra na tamata, me ra raica na nomudou i valavala vinaka, ka vakarokorokotaka na Tamamudou sa tiko mai lomalagi.

Luke 11:1

Ia ni sa masu ko koya e na dua na yasana, ni sa qai tinia, sa kaya vei koya e dua na nona tisaipeli, Kemuni na Turaga, mo ni vakavulici keimami me keimami masu, me vaka sa vakavulici ira talega na nona tisaipeli ko Joni.

Roma 1:7

Vei kemudou kecega sa tiko mai Roma, oi kemudou sa daulomana na Kalou, oi kemudou sa kacivi me yalosavasava: Me nomudou na loloma kei na vakacegu mai vua na Kalou ko Tamada, kei Jisu Karisito na Turaga.

Roma 8:15

Ni dou sa sega ni rawata tale na yalo ni bobula mo dou rere; ia dou sa rawata na Yalo Tabu dou sa vakabauti kina me gone, o koya eda sa kaci kina, Apa, Tamada.

1 Korinica 1:3

Me yaco vei kemudou na loloma, kei na vakacegu, mai vua na Kalou ko Tamada, kei na Turaga ko Jisu Karisito.

2 Korinica 1:2

Me nomudou na loloma kei na vakacegu mai vua na Kalou ko Tamada, kei na Turaga ko Jisu Karisito.

Kalatia 1:4

o koya ka soli koya e na vuku ni nodai valavala ca, me vakabulai keda kina mai na vuravura ca oqo, me vaka na loma ni Kalou ko Tamada:

Efeso 1:2

Me nomudou na loloma, kei na vakacegu, mai vua na Kalou ko Tamada, kei na Turaga ko Jisu Karisito.

Filipai 1:2

Me nomudou na loloma, kei na vakacegu, mai vua na Kalou ko Tamada, kei na Turaga ko Jisu Karisito.

Filipai 4:20

Me ia na vakarokoroko vua na Kalou na Tamada, ka tawa mudu. Emeni.

Kolosa 1:2

vei ira era sa lotu ka veiwekani dina, era sa tu vata kei Karisito, era sa tiko mai Kolosa: Me nomudou na loloma, kei na vakacegu, mai vua na Kalou ko Tamada.

1 Cesalonaika 1:1

Koi keitou ko Paula, kei Silivenuse, kei Timoci, ki na nodra i soqosoqo lewe ni lotu na kai Cesalonaika, o ira sa tu vua na Kalou ko Tamada kei na Turaga ko Jisu Karisito: Me nomudou na loloma, kei na vakacegu, mai vua na Kalou ko Tamada, kei na Turaga ko Jisu Karisito.

1 Cesalonaika 1:3

keitou sa sega ni mudu ni nanuma na nomudou daucakacaka e na vakabauta, kei na nomudou oca e na loloma, kei na nomudou vosota e nai nuinui vua na noda Turaga ko Jisu Karisito, e na mata ni Kalou ko Tamada;

2 Cesalonaika 2:16

Ia na noda Turaga ko Jisu Karisito, kei na Kalou ko Tamada, o koya ka lomani keda, ka solia vei keda e na loloma na vakacegu sa sega ni mudu kei nai nuinui vinaka,

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

Vakatakila 15:4

O cei me sega ni rerevaki kemuni, na Turaga, ka vakarokorokotaka na yacamuni? ni sai kemuni ga sa yalosavasava: ko ira kecega na veivanua era na lako mai ka cuva e matamuni; ni sa vakatakilai mai na nomuni cakacaka dodonu.

Vakatakila 19:6

Au sa rogoca na ka e vaka na domo ni lewe vuqa, ka vaka na domo ni wai e vuqa, ka vaka na domo ni kurukuru levu, sa kaya, Aleluya: sa lewa na Turaga na Kalou Kaukauwa sara.

Vakatakila 20:4

Ia ka'u a raica eso nai tikotiko-vakaturaga, ka ra tiko kina eso, a sa soli vei ira me ia na veilewai: au a raica na yalodra talega e tamusuki na uludra ni ra sa vakatusai Jisu, e na vuku talega ni vosa ni Kalou, o ira era sa sega ni vakarokoroko vua na manumanu, se vua na nona matakau, a sa sega talega ni volai nai vakatakilakila e na yadredra, se na ligadra: a ra sa bula ka lewa vata kei Karisito ka dua na udolu na yabaki.