Luke 11:13 - Vakavakadewa Makawa

¹³ Ia kevaka dou kila, koi kemudou sa tamata ca, mo dou solia na ka vinaka vei ira na luvemudou; sa qai dina vakalevu cake, ni na solia na Yalo Tabu ko koya na Tamamudou vakalomalagi vei ira sa kerekere vua.

Ai Vola Tabu (Vakadewa Makawa Vakavoutaki 2021)

¹³ Ia kevaka dou kila, koi kemudou sa tamata ca, mo dou solia na ka vinaka vei ira na luvemudou; ena vakaevei na kena levu cake sara na nona solia na Yalo Tabu ko koya na Tamamudou vakalomalagi vei ira sa kerekere vua.”

AI VOLA TABU

¹³ Ia kevaka dou kila, koi kemudou sa yaloca, me solia na ka vinaka vei ira na luvemudou; sa qai dina vakalevu cake, ni na solia na Yalo Tabu ko koya na Tama vakalomalagi vei ira sa kerekere vua.

Vakavakadewa Vou kei na iVola tale eso

¹³ O koya oqo, oi kemudou na tamata ca, ni kevaka dou sa dau solia na ka vinaka vei ira na luvemudou, sa na qai ka levu cake sara na nona solia na Yalo Tabu na Tamamudou vakalomalagi vei ira vakayadua era sa kerea vua!”

Ai Vola Tabu Ena Vakavakadewa Vou

¹³ O koya oqo, oi kemudou na tamata ca, ni kevaka dou sa dau solia na ka vinaka vei ira na luvemudou, sa na qai ka levu cake sara na nona solia na Yalo Tabu na Tamamudou vakalomalagi vei ira vakayadua era sa kerea vua!”

Luke 11:13 Iomraidhean Croise

Vakatekivu 8:21

A sa boica nai boi ni veivinakati ko Jiova: a sa kaya e lomana ko Jiova, Sa dina sa ka ca e nanuma na loma ni tamata mai na gauna sa cauravou kina; ia ka'u na sega ga ni vakarusai vuravura tale e na vuku ni tamata; ka'u na sega talega ni cudruva na ka kecega sa bula, me vaka na ka ka'u sa kitaka oti:

NA SAME 51:5

Raica, ka'u a sucu vata kei na ca; Ka sa kunekunetaki au ko tinaqu e nai valavala ca.

Vosavakaibalebale 1:23

Dou saumaki mai e na noqu vunau: Raica, ka'u na sovaraka na Yaloqu vei kemudou, Ka'u na vakatakila na noqu vosa vei kemudou.

Aisea 49:15

E dua li na yalewa me na guilecava na luvena sa sucu, me kua ni lomana na luve ni ketena? io, ena sa guilecava beka, ia koi au ka'u na sega ni guilecavi iko:

Isikeli 36:27

Ka'u na vakacuruma ki na lomamudou na yaloqu, ka vagolei kemudou mo dou muria na noqu vunau, ia dou na vakabauta na noqu lewa ka cakava.

Joeli 2:28

Ia ena yaco e na gauna maimuri, ka'u na sovaraka na Yaloqu kivei ira na tamata kecega, ka ra na parofisai kina ko ira na nomudou gonetagane kei ira na nomudou goneyalewa, ko ira na nomudou qase era na tadrataka eso na tadra, ko ira na nomudou cauravou era na raica eso na raivotu:

Maciu 5:16

Me caudre vakakina na nomudou rarama e na matadra na tamata, me ra raica na nomudou i valavala vinaka, ka vakarokorokotaka na Tamamudou sa tiko mai lomalagi.

Maciu 5:45

mo dou luvena na Tamamudou sa tiko mai lomalagi; ni sa vakacabea ko koya na nona mata-ni-siga vei ira na tamata ca kei ira na tamata vinaka, a sa vakatauca mai na uca vei ira na tamata yalododonu, kei ira na tamata tawa yalododonu.

Maciu 6:14

Ia kevaka dou sa sega ni cudruvi ira na tamata sa caka cala, ena sega talega ni cudruvi kemudou na Tamamudou vakalomalagi:

Maciu 6:30

Ia kevaka sa vakasuluma vakaoqo na Kalou na co ni veikau, ka tu edaidai, a sa biu ki na lovo e na mataka ena sega li ni gu vakalevu cake me vakasulumi kemudou, koi kemudou sa lailai na nomudou vakabauta?

Maciu 6:32

ni sa dau vakasaqara na ka kecega oqo ko ira na lewe ni veivanua: ni sa kila na Tamamudou vakalomalagi sa yaga vei kemudou na ka kecega oqo.

Maciu 7:11

Ia kevaka dou sa kila koi kemudou na tamata ca, mo dou solia na ka vinaka vei ira na luvemudou; sa na gu vakalevu cake, me solia na veika vinaka na Tamamudou mai lomalagi vei ira sa kerekere vua.

Luke 11:12

ia kevaka ena kere yaloka, ena solia beka vua e dua na batibasaga?

Luke 11:2

A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamuni. Me yaco na nomuni lewa. Me caka na lomamuni e vuravura me vaka sa caka mai lomalagi.

Luke 18:7

ia na Kalou, ena sega li ni cudruvaki ira na nona digitaki, era dautagi tikoga vua e na siga kei na bogi, io, kevaka sa dede na nona vosoti ira?

Joni 4:10

Sa vosa ko Jisu ka kaya vua, Kevaka ko sa kila nai solisoli ni Kalou, kei koya talega sa kaya vei iko, Solia mai vei au meu gunu; ko sa qai kerea vua, ka na solia vei iko ko koya na wai bula.

Cakacaka 2:38

Sa qai kaya vei ira ko Pita, Dou veivutuni, ka papitaisotaki, koi kemudou yadua, e na yaca i Jisu Karisito, me bokoci kina na nomudoui valavala ca, ka dou na rawata na Yalo Tabu mei solisoli.

Roma 5:17

Ia kevaka sa gumatua na mate e na vukuna na lewe dua, e na talaidredre ni le dua; ena qai rawarawa vakalevu cake vei ira sa yacovi ira na loloma levu kei nai solisoli ni veivakadonui, me ra gumatua e na bula e na vukuna na le dua, ko Jisu Karisito.

Roma 7:18

Ni'u sa kila sa sega sara ni tiko vei au e na noqu i tovo vakayago e dua na ka vinaka; ni sa tiko ga vei au na vinakata na ka vinaka; ia na kaukauwa me'u kitaka kina, ka'u sa sega ni kunea.

Roma 8:32

Ena vakaevei ko koya sa sega ni bureitaka na Luvena dina, ia sa soli koya yani me kedai sosomi kecega, ena dredre vakacava vua me solia walega vei keda na ka kecega vata kaya?

Vei Taito 3:3

Ni da sa lialia eliu koi keda talega, eda sa talaidredre, eda sa vakacalai, eda sa daugoleva na gagadre ca kei na marau e vuqa, eda sa lomaca ka vuvu, eda sa vakasisila, eda sa dauveicati vakataki keda.