Luke 1:17 - Vakavakadewa Makawa

¹⁷ Ia ena liutaki koya e na yalo i Ilaija kei na nona kaukauwa, me saumaka na lomadra na qase vei ira na gone, kei ira era talaidredre ki na nodra vuku era yalododonu; me vakarautaka na tamata me ra qai nona na Turaga.

Ai Vola Tabu (Vakadewa Makawa Vakavoutaki 2021)

¹⁷ ka na liu vua [na Turaga] ko koya e na yalo i Ilaijia kei na nona kaukauwa, me saumaka na lomadra na qase vei ira na gone, kei ira era talaidredre ki na nodra vuku era yalododonu; me vakarautaka na tamata me ra qai nona na Turaga.”

AI VOLA TABU

¹⁷ Ia ena liutaki koya e na yalo i Ilija kei na nona kaukauwa, me saumaka na lomadra na qase vei ira na gone, kei ira era talaidredre ki na nodra vuku era yalododonu; me vakarautaka na tamata e so me ra qai nona na Turaga.

Vakavakadewa Vou kei na iVola tale eso

¹⁷ O koya ena liu tiko vua na Turaga ena qaqa kei na kaukauwa i Ilaijia na parofita. Ena kauti ira vata tale mai na qase kei ira na gone o koya; ena saumaki ira lesu na tamata dautalaidredre ki na sala ni yalododonu; ena vakavuna talega me ra vakarau tu vua na Turaga o ira na tamata ni Kalou.”

Ai Vola Tabu Ena Vakavakadewa Vou

¹⁷ O koya ena liu tiko vua na Turaga ena qaqa kei na kaukauwa i Ilaijia na parofita. Ena kauti ira vata tale mai na qase kei ira na gone o koya; ena saumaki ira lesu na tamata dautalaidredre ki na sala ni yalododonu; ena vakavuna talega me ra vakarau tu vua na Turaga o ira na tamata ni Kalou.”

Luke 1:17 Iomraidhean Croise

1 Tui 17:1

A sa kaya vei Eapi ko Ilaija na kai Tisipa, e dua vei ira na kai Kiliati, Me vaka sa bula ko Jiova na nodra Kalou na Isireli, o koya ka'u sa tu e matana, ena sega ni lutu na tegu se tau na uca e na veiyabaki oqo, ena yaco ga me vaka na noqu vosa.

1 Tui 18:18

A sa kaya ko koya, Au sa sega ni vakararawataki ira na Isireli; koi kemuni ga, kei na mataqali i tamamuni, ni kemuni sa biuta na vunau i Jiova, ka sa muri ira na Peali.

1 Tui 21:20

A sa kaya vei Ilaija ko Eapi, O sa kunei au beka ko iko, na noqu meca? A sa kaya ko koya, Io, au sa kunei iko; ni ko sa volitaki iko mo caka ca e na mata i Jiova.

2 Tui 1:16

A sa kaya vua ko koya, Sa vosa vakaoqo ko Jiova, Ni ko a talai iratou nai talaki me tarogi Peali-sipupi na kalou ni Ekironi, sa ka beka ni sa sega na Kalou e Isireli mo taroga nona vosa? O koya oqo ko na sega kina ni kevu sobu mai nai mocemoce ko sa cabe cake kina, ia ko na mate vakaidina ga.

1 Veigauna 29:18

Kemuni Jiova, na Kalou i Eparaama, kei Aisake, kei Isireli, na tama i keimami, mo ni vakadeitaka na ka oqo vei ira na nomuni tamata me ra vakananuma tiko kina e na lomadra, ka tawa mudu, ia mo ni vakarautaka na lomadra vei kemuni;

2 Veigauna 29:36

Ka sa reki ko Esekaia, kei ira kecega na tamata, ni sa vakarautaki ira na tamata ko koya na Kalou: ni sa caka vakasauri na ka oqo.

NA SAME 10:17

I Jiova, ko ni a rogoca na nodra gagadre na malumalumu: Kemuni na vakataudeitaka na yalodra, ko ni na vakatu daliga me rogoca:

NA SAME 111:10

Na rerevaki Jiova sa kenai vakatekivu ni vuku: Era sa yalomatua kecega ko ira era sa cakava na nona vunau: Sa na sega ni mudu na nona vakavinavinakataki.

NA SAME 78:8

Ia me ra kakua ni vakataki ira na nodra qase, Nai tabatamata yalovakatani ka talaidredre; Nai tabatamata sa sega ni vakarautaka na lomadra, Ka sa sega ni dina vua na Kalou na yalodra.

Aisea 29:24

Ko ira talega ka daucala na yalodra, era na qai kila na vuku; kei ira na daudidi, era na qai vulica nai vakavuvuli.

Emosi 4:12

O koya ka'u na kitaka kina vakaoqo vei iko, na Isireli, ia ni'u na kitaka na ka oqo vei iko na Isireli, mo vakarau mo veitavaki kei na nomu Kalou ko iko na Isireli.

Maciu 11:14

Ia kevaka dou sa via vakabauta, sai koya oqo ko Ilaija, ko koya sa dodonu me lako mai.

Maciu 14:4

ni sa kaya vua ko Joni, E sega ni tara mo drau veiwatini kaya.

Maciu 3:3

O koya oqo sa vosa kina ko Aisea na parofita, ka kaya, A domona e dua sa kacikaci e loma ni vanua, Dou caramaka na sala i Jiova, Cakava me dodonu na nona salatu.

Maciu 3:4

Ia ko Joni oqo sa vakaisulu e nai sulu vuti ni kameli, ka vau na tolona e na wa kuli-ni-manumanu; ka sa kena kakana na vodre kei na oni ni veikau.

Luke 1:16

Ia ka lewe vuqa vei ira na luve i Isireli ena saumaka mai ko koya ki na Turaga na nodra Kalou.

Luke 1:76

Ia ko iko na gone, ko na vakatokai na parofita i Koya sa cecere sara: Ni ko na liu vua na Turaga me caramaka na nona sala:

Joni 1:13

era sa vakasucumi, e sega e na vukudra na qase, se na sucu vakayago, se na veitalia ni tamata, mai vua ga na Kalou.

Joni 1:34

Ia kau a raica, ka tukuna ni sai koya oqo na luve ni Kalou.

Joni 3:28

Dou sa tukuni au niu sa kaya, Au sa sega ni Karisito koi au, ia kau sa talai mai meu liutaki koya.

Cakacaka 10:33

O koya ga oqo ka’u sa talaki sara kina vei iko; ia ko sa caka vinaka ni ko sa lako mai. Keimami sa qai tiko kecega eke e na mata ni Kalou, me keimami rogoca na ka kecega sa vakarota vei iko na Kalou.

Roma 9:23

me vakatakila talega na kena levu ni nona vinaka ki na veibilo sa lomani, o koya sa vakarautaka eliu ko koya ki nai ukuuku,

Kolosa 1:12

mo dou vakavinavinaka vua na Tamada, o koya sa vakarautaki keda me da rawata na kedrai votavota era sa yalosavasava, e na rarama:

2 Timoci 2:21

Ia kevaka e dua na tamata sa vakasavasavataki koya mai na veika oqo, ena yaco kina me bilo talei, sa vakasavasavataki, ka yaga sara vua na Turaga, ni sa vakarau tu ki na cakacaka vinaka kecega.

1 Pita 2:9

Ia koi kemudou nai tabatamata digitaki, a matabete vakaturaga, a matanitu yalosavasava, a tamata sa taukena na Kalou, mo dou vakaraitaka kina na nona vinaka sara o koya ka kacivi kemudou mai na butobuto ki nona rarama e veivakurabuitaki:

1 Joni 2:28

Ia oqo, na luvequ lomani, mo dou tu dei vua; me da doudou kina, ni na rairai mai ko koya, ka me da kakua ni madua vua e na nona lako mai.

Vakatakila 20:4

Ia ka'u a raica eso nai tikotiko-vakaturaga, ka ra tiko kina eso, a sa soli vei ira me ia na veilewai: au a raica na yalodra talega e tamusuki na uludra ni ra sa vakatusai Jisu, e na vuku talega ni vosa ni Kalou, o ira era sa sega ni vakarokoroko vua na manumanu, se vua na nona matakau, a sa sega talega ni volai nai vakatakilakila e na yadredra, se na ligadra: a ra sa bula ka lewa vata kei Karisito ka dua na udolu na yabaki.

1 Samuela 7:5

A sa kaya ko Samuela, Mo ni vakasoqoni ira vata na Isireli kecega ki Misipa, ia ka'u na masulaki kemuni vei Jiova.