Lele i Jeremaia 1:2 - Vakavakadewa Makawa

² Sa tagi vakalevu ko koya e na bogi, Sa tiko ga e baluna na wai ni matana; Sa sega e dua vei ira kecega na wekana me vakacegui koya: Ko ira kece na nonai tokani era sa lawakitaki koya, Era sa vuki tale me nona meca.

Ai Vola Tabu (Vakadewa Makawa Vakavoutaki 2021)

² Sa tagi vakalevu ko koya e na bogi, sa tiko ga e baluna na wai ni matana; sa sega e dua vei ira kecega na wekana me vakacegui koya; ko ira kece na nona i tokani era sa lawakitaki koya, era sa vuki tale me nona meca.

AI VOLA TABU

² Sa tagi vakalevu ko koya kei na bogi, ia na wai ni matana Sa tu ga e baluna; sa sega vua e dua vei ira kecega na wekana me vakacegui koya: o ira kece na nonai tokani era sa lawakitaki koya, era sa yaco me nona meca.

Vakavakadewa Vou kei na iVola tale eso

² A sa tagi vakalevu ena bogi taucoko, Sa drodrova na baluna na wai ni matana; Ena kedra maliwa na nona daulomani Sa sega e dua me vakacegui koya rawa; Era sa liumuritaki koya na nona i tokani kece, Ka yaco me ra nona meca tale.

Ai Vola Tabu Ena Vakavakadewa Vou

² A sa tagi vakalevu ena bogi taucoko, Sa drodrova na baluna na wai ni matana; Ena kedra maliwa na nona daulomani Sa sega e dua me vakacegui koya rawa; Era sa liumuritaki koya na nona i tokani kece, Ka yaco me ra nona meca tale.

Lele i Jeremaia 1:2 Iomraidhean Croise

Jope 6:15

Eratou sai valavala vakailasu na wekaqu me vaka na soniwai, Eratou sa vaka na soniwai e dautakali yani;

Jope 7:3

Sa noqu i votavota vakakina na veivula wale, A sa lesi vei au na bogi ni vutugu.

NA SAME 126:5

O ira era sa tagi lako ni ra sa kabukaburaki voli, era na sere ga ni ra sa tatamusuka.

NA SAME 31:11

Au sa rogo ca vei ira kece na noqu meca, Ka vakalevu vei ira na kai noqu, a ra sa rerevaki au ko ira keitou sa veikilai: O ira era kunei au e tautuba era sa dro tani vei au.

NA SAME 6:6

Au sa oca e na noqu vutugu: Au sa vakanawa na noqu i mocemoce e na bogi kecega; Au sa vakasuasuataka na noqu i davodavo e na wai ni mataqu.

NA SAME 69:21

Era sa solia talega na ka gaga me qau kakana; Kei na wai wiwi me'u gunuva ni'u a viagunu.

Vosavakaibalebale 19:7

Ko ira kecega era veitacini kei na tamata dravudravua era sa cati koya: Ia sa na vakaevei na nodra via veiyawaki kaya na wekana? Sa cicimuri ira e na vosa, ka ra sega ga.

Jeremaia 13:17

Ia kevaka dou na sega ni rogoca, ena tagi na yaloqu e na tikina vuni e na vuku ni nomudou viavialevu; ena tagi vakalevu na mataqu, ia ena dave maikina na wai, ni sa vakabobulataki na qele ni sipi i Jiova.

Jeremaia 2:25

Me kua mada ni tawa vakaivava na yavamu; ka tarova na nomu i tilotilo, mo kakua ni viagunu: ia ko a kaya, Sa sega vei au nai nuinui: sa segai sara; ni'u a lomani ira na kai tani, ia ka'u na muri ira ga.

Jeremaia 3:1

Sa kainaki, Kevaka e dua na tagane sa biuta na watina, a sa lako tani vua, ka sa yaco me nona na tagane tani, ena lesu tale beka vua ko koya na tagane? ena sega beka ni vakadukadukalitaki sara kina na vanua ko ya? ia ko iko ko sa cala kei ira e lewe vuqa; ia mo lesu ga vei au, sa kaya ko Jiova.

Jeremaia 30:14

Ko ira kece ka lomani iko era sa guilecavi iko; era sa sega ni mai raici iko; ni ka'u sa vuetaki iko e na kuita ni vakatawaloloma, me vaka ka'u sa nomu meca e na vuku ni kena levu ni nomu caka cala: ni sa vuqa tiko na nomu i valavala ca.

Jeremaia 4:30

Ia ni ko sa vakacacani, a cava mo qai cakava? Kevaka ko sa vakaisulutaki iko e nai sulu kulakula, kevaka ko sa vakaiukuukutaki iko e nai ukuuku koula, kevaka ko sa qumuta na matamu, ena sega ni yaga na nomu vakamatavinakataki iko; era na beci iko ga na nomu i tau, era na segata me ra vakamatei iko.

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Lele i Jeremaia 1:19

Au a kacivi ira mai na wekaqu, a ra sa lawakicataki au: Ko ira na noqu bete kei na noqu qase, era sa ciba e loma ni koro, Ni ra qara voli na kedra kakana me vakabulabulataka kina na yalodra.

Lele i Jeremaia 1:21

Era sa rogoca ni'u sa vutugu: ia sa sega e vakacegui au: Ko ira kece na noqu meca era sa rogoca ni ka'u sa rarawa; ka ra sa marau ni kemuni sa cakava: Ko ni na vakayacora na siga ko ni sa kacivaka, era na qai vakataki au.

Lele i Jeremaia 1:9

A nona dukadukali sa tauva na bele ni nonai sulu; sa sega ni nanuma ko koya ki na nonai otioti; O koya oqo sa ka ni veivakidacalataki na nona lako sobu: sa sega e dua me vakacegui koya. Mo ni raica, Jiova, na noqu rarawa: ni sa vakalevulevui koya na meca.

Lele i Jeremaia 2:11

Sa malumalumu na mataqu ni sa vakawai, sa rise na bati ni ketequ, Sa sova ki na qele na yatequ, e na vuku ni nona rusa na goneyalewa ni kai noqu; Ni ra sa matabuto mai e na sala ni koro ko ira na gone lalai kei na gone sa sucu tiko.

Isikeli 16:37

raica, au na vakasoqoni ira kece kina na nomu i tau, dou a veitau kei ira, kei ira kece ko sa lomana, kei ira kece vata talega ko sa cata; io, ka'u na vakasoqoni ira vakaca vei iko mai na veiyasana, ka vakavotuya vei ira na nomu luvawale, me ra kunea kecega na nomu luvawale.

Osea 2:7

Ena cicimuri ira talega ko koya era sa nonai tau, ka sega ni vauci ira; ka na qarai ira ko koya, ka sega ni kunea: ena qai kaya ko koya, Au na la'ki lesu tale vua na watiqu eliu; ni sa vinaka cake vei au na noqu tiko eliu.

Maika 7:5

Kakua ni dou vakadinata e dua nai tokani, kakua ni vakararavi vua na wekamu dina: mo qarauna ga nai sogo ni gusumu mai vua sa koto e na lomaseremu.

Vakatakila 17:13

O iratou oqo eratou sa lomavata, ia eratou na solia na nodratou qaqa kei na nodratou kaukauwa vei koya na manumanu.

Vakatakila 17:16

Ia nai leu e tini ko a raica, kei na manumanu, eratou na cata na yalewa dautagane, a ratou na kitaki koya me biu ka me luvawale; ia eratou na kania na lewena, ka vakamai koya sara e na bukawaqa.