Josua 9:14 - Vakavakadewa Makawa

¹⁴ Ia na tamata, era sa taura na kedratou eso, ka sega mada ni taroga vei Jiova.

Ai Vola Tabu (Vakadewa Makawa Vakavoutaki 2021)

¹⁴ Era sa qai taura na tamata na kedratou eso, ka sega mada ni taroga oqo vei Jiova.

AI VOLA TABU

¹⁴ Ia na tamata, era sa taura na kedratou e so, ka sega mada ni taroga na gusu i Jiova.

Vakavakadewa Vou kei na iVola tale eso

¹⁴ Era sa qai tovolea na kedra kakana o ira na Isireli, ka ra sega mada ni vakasaqara na i vakasala i Jiova.

Ai Vola Tabu Ena Vakavakadewa Vou

¹⁴ Era sa qai tovolea na kedra kakana o ira na Isireli, ka ra sega mada ni vakasaqara na i vakasala i Jiova.

Josua 9:14 Iomraidhean Croise

2 Samuela 2:1

Ia sa oti na ka oqo, sa qai tarogi Jiova ko Tevita, ka kaya, Me'u lako cake ki na dua na koro ni Juta, se me'u kakua? A sa kaya vua ko Jiova, Mo lako cake. A sa kaya ko Tevita, Me'u lako cake kivei? A sa kaya ko koya, Ki Epironi.

2 Samuela 5:19

A sa tarogi Jiova ko Tevita, ka kaya, Me'u lako cake vei ira na kai Filisitia, se me'u kakua? ko ni na soli ira ki na ligaqu, se segai? A sa kaya vei Tevita ko Jiova, Mo lako cake ga; ni'u na soli ira vakaidina na kai Filisitia ki na ligamu.

Esera 8:21

Au a qai kacivaka maikea na lolo, mai na uciwai ko Aeva, me keimami vakararawataki keimami e na mata i koya na neimami Kalou, ka me kerea vua me neimami na sala dodonu me nodra talega na neimami lalai, kei na neimami ka kecega:

Lako Yani 28:30

Mo tokara talega na Urimi kei na Cumimi e loma ni taube ni veilewai; ia me donuya na uto i Eroni, ni sa curu ki na mata i Jiova: ia me colata tikoga me donuya na utona ko Eroni, e na mata i Jiova, na ka era lewai kina na Isireli.

Tiko mai na Lekutu 27:21

Ia me dau tu ko koya e na mata i Eliesa na bete, o koya ena taroga e na vukuna vaka na lewa ni Urimi e na mata i Jiova: era na curu yani e na nona vosa, ka curu mai e na nona vosa, ko koya kei ira kece vata kaya na Isireli, io nai soqosoqo taucoko.

Jemesa 1:5

Ia kevaka sa lailai na vuku vua e dua vei kemudou, me kerea vua na Kalou, o koya sa solia vakalevu kivei ira kecega na tamata, a sa sega ni dauveivakadirideini; ka na soli ga vua.

Josua 9:13

Ia oqo na tavaya kuli-ni-manumanu ni waini keitou a vakasinaita, ni ra sa vou; ka raica, era sa kacabote; ia na neitou i sulu oqo kei na neitou i vava, sa madra mai ni sa yawa sara na sala.

Dauveilewai 1:1

Ia ni sa mate ko Josua, era sa tarogi Jiova, ko ira na Isireli, ka kaya, O cei vei keimami me liu cake kivei ira na kai Kenani, me vala kei ira?

Dauveilewai 20:18

A ra sa cavu tu na Isireli, ka lako cake ki na vale ni Kalou, ka taroga na Kalou, ka kaya, O cei vei keimami me liu yani, me veivala kei ira na mataqali i Penijamini? A sa kaya ko Jiova, Me ra liu ko ira na mataqali i Juta.

Dauveilewai 20:28

a sa dauqarava ko Finiase, na luve i Eliesa, na luve i Eroni, e na gauna ko ya,) ka kaya, Me'u lako tale me'u veivala kei ira na Penijamini, na taciqu, se me'u kakua? A sa kaya ko Jiova, Dou lako cake; ni'u na soli ira ki na ligamu e na mataka.

1 Samuela 22:10

a sa tarogi Jiova ko koya e na vukuna, a sa solia vua nai vaqa, ka solia vua nai seleiwau i Kolaiaci na kai Filisitia.