Josua 7:9 - Vakavakadewa Makawa

⁹ Era na rogoca na kai Kenani kei ira kece sa tiko e na vanua oqo, ka ra na mai vakavolivoliti keimami, ka vakaotia na yaca i keimami e vuravura, ia ka cava kemuni na cakava e na vuku ni yacamuni levu?

Ai Vola Tabu (Vakadewa Makawa Vakavoutaki 2021)

⁹ Era na rogoca na kai Kenani kei ira kece sa tiko e na vanua oqo, ka ra na mai vakavolivoliti keimami, ka vakaotia na yaca i keimami e vuravura, ia ka cava kemuni na cakava e na vuku ni yacamuni levu?”

AI VOLA TABU

⁹ Ia era na rogoca na kai Kenani kei ira kece sa tiko e na vanua o qo, a ra mai vakavolivolita keimami, ka vakaotia na yaca i keimami e vuravura, ia ka cava ko na cakava e na vuku ni yacamu levu?

Vakavakadewa Vou kei na iVola tale eso

⁹ Era na rogoca na kena i tukutuku o ira na kai Kenani kei ira kece ka tiko ena vanua oqo, era na mai wavokiti keimami ka vakamatei keimami kece sara! A cava beka o ni na cakava me taqomaki kina na i rogorogo ni yacamuni?”

Ai Vola Tabu Ena Vakavakadewa Vou

⁹ Era na rogoca na kena i tukutuku o ira na kai Kenani kei ira kece ka tiko ena vanua oqo, era na mai wavokiti keimami ka vakamatei keimami kece sara! A cava beka o ni na cakava me taqomaki kina na i rogorogo ni yacamuni?”

Josua 7:9 Iomraidhean Croise

NA SAME 115:1

Kemuni Jiova, me kakua vei keimami, me kakua vei keimami, Me ia ki na yacamuni ga na vakavinavinaka, E na vuku ni nomuni loloma, kei na nomuni yalodina.

NA SAME 48:10

Me vaka na yacamuni, na Kalou, Sa vakakina na vakavinavinaka me ia vei kemuni ka yacova nai yalayala kei vuravura: Sa sinai na ligamuni matau e na cakacaka dodonu.

NA SAME 79:9

Kemuni na Kalou na neimami vakabula, mo ni vukei keimami, me rogo kina na yacamuni: Ka vakabulai keimami, ka bokoca na neimami valavala ca, e na vuku ni yacamuni.

NA SAME 83:4

Era sa kaya, Me da mai vakawabokotaki ira me ra kakua ni matanitu tiko; Me kakua ni nanumi tale na yaca i Isireli.

NA SAME 83:5

Ni ra sa lomavata me ra bose vata: Era sa tovata me ra bukia na kemuni vere:

Lako Yani 32:12

e na cava me ra vosa kina na kai Ijipita, ka kaya, Sa kauti ira tani ko koya me ra ca ga, ka me vakamatei ira e na veiulu-ni-vanua, ka me vakarusai ira laivi mai na dela i vuravura? Me suka tani mada na nomuni cudru waqawaqa, ka mo ni veivutunitaka na nodra cudruvi na nomuni tamata.

Isikeli 20:9

Ia ka'u a cakacaka ga e na vuku ni yacaqu, me kakua ni vakacacani e matadra na veimatanitu, era sa tiko kina kei ira, ka'u a vakatakilai au vei ira e matadra, ni'u a kauti ira tani mai na vanua ko Ijipita.

Joeli 2:17

Me ra mai tagi na bete e na macawa ni curucuru ni vale kei nai cabocabo-ni-soro, ka me ra kaya, Mo ni yalololoma mai, Jiova, vei ira na nomuni tamata, ka kakua ni solia na nomuni votavota me vakarogocataki, ka me lewai ira ko ira na veimatanitu: me ra veikayaka vakacava ko ira na veimatanitu, Sa evei li na nodra Kalou?

Maika 7:10

Ena qai kunea ko koya sa noqu meca, ena luvu talega e na madua ko koya ka kaya vei au, Sa evei ko Jiova na nomu Kalou? ena raici koya na mataqu: ena qai buturaki sobu ko koya me vaka na lolobo e na saqata.

Tiko mai na Lekutu 14:13

A sa kaya vei Jiova ko Mosese, Era na qai rogoca ko ira na kai Ijipita, ni ko a kauti ira na tamata oqo mai na kedra maliwa e na nomuni kaukauwa levu,

Joni 12:28

Na Tamaqu, vakarokorokotaka na yacamuni. Sa qai rogo mai e dua na vosa mai lomalagi, Au sa vakarokorokotaka, kau na vakarokorokotaka tale.

Vakarua 9:28

de kainaki e na vanua kemuni a kauti keimami maikina, Ni sa sega ni vakayacori ira rawa ko Jiova ki na vanua ka yalataka vei ira, ka ni sa cati ira talega, sa kauti ira yani ko koya me vakamatei ira e na vanua liwa.

Josua 7:10

A sa kaya vei Josua ko Jiova, Tucake; a cava ko sa davo vakatoboicu kina vakaoqo?

Josua 7:8

Oi kemuni na Turaga, a cava me'u kaya ni ra sa vakanadaku vei ira na nodra meca ko ira na Isireli?

1 Samuela 12:22

Ni na sega ni laivi ira na nona tamata ko Jiova e na vuku ni yacana levu; ni sa vinakata ko Jiova me qisi kemuni mo ni nona tamata.