Josua 7:7 - Vakavakadewa Makawa

⁷ A sa kaya ko Josua, Ulei! noqu Turaga, Jiova, e na vuku ni cava ko ni sa kauti ira kina na tamata oqo ki na tai ni Joritani oqo, me soli keimami ki na ligadra na Amoraiti, me keimami vakarusai kina? ia kevaka keimami a lasa e na tai kadua ni Joritani ka tiko kina, ke sa vinaka!

Ai Vola Tabu (Vakadewa Makawa Vakavoutaki 2021)

⁷ A sa kaya ko Josua, “Ulei! Noqu Turaga, Jiova, e na vuku ni cava ko ni sa kauti ira kina na tamata oqo ki na tai ni Joritani oqo, me soli keimami ki na ligadra na Amoraiti, me keimami vakarusai kina? Ia kevaka keimami a lasa e na tai kadua ni Joritani ka tiko kina, ke sa vinaka!

AI VOLA TABU

⁷ A sa kaya ko Josua, Ule. Turaga, Jiova, e na vuku ni cava ko sa kauti ira kina na tamata o qo ki na tai o qo ni Joritani, me soli keimami ki na ligadra na luve i Amori, me keimami vakarusai kina? ia kevaka keimami a lasa e na tai kadua ni Joritani ka tiko kina, ke sa vinaka!

Vakavakadewa Vou kei na iVola tale eso

⁷ Sa qai tukuna o Josua, “Kemuni Jiova! A cava na vuna o ni kauti keimami mai kina ki na tai ni Joritani oqo? O ni vinakata li mo ni soli keimami vei ira na Amoraiti me ra vakarusai keimami? A cava na vuna keimami a sega ni tu ga kina mai na tai kadua ni Joritani?

Ai Vola Tabu Ena Vakavakadewa Vou

⁷ Sa qai tukuna o Josua, “Kemuni Jiova! A cava na vuna o ni kauti keimami mai kina ki na tai ni Joritani oqo? O ni vinakata li mo ni soli keimami vei ira na Amoraiti me ra vakarusai keimami? A cava na vuna keimami a sega ni tu ga kina mai na tai kadua ni Joritani?

Josua 7:7 Iomraidhean Croise

2 Tui 3:10

A sa kaya na tui Isireli, Isa! ni sa kacivi iratou vata ko Jiova na tui tolutolu oqo, me soli iratou ki na ligadra na Moapi!

NA SAME 116:11

Au a kaya ni'u a taqaya, Era daulasulasu na tamata kecega.

Lako Yani 16:3

a sa kaya vei rau ko ira na Isireli, E vinaka kevaka keimami a mate e na liga i Jiova mai na vanua ko Ijipita, ni keimami a tiko kei na kuro lewe ni manumanu, ni keimami a kana magiti ka mamau kina! ia drau sa kauti keimami mai ki na vanua liwa oqo, me vakamatea nai vavakoso taucoko oqo e na viakana.

Lako Yani 17:3

A ra sa viagunu wai maikea na tamata; a ra sa didivaki Mosese ko ira na tamata, ka kaya, E na cava ko sa kauti keimami cake mai Ijipita, me vakamatei keimami, kei na neimami gone, kei na neimami manumanu e yavai va, e na viagunu?

Tiko mai na Lekutu 14:16

Sa sega ni kauti ira rawa na tamata oqo ko Jiova ki na vanua ka bubului kina vei ira, sa qai vakamatei ira kina ko koya e na vanua liwa.

Tiko mai na Lekutu 14:3

Ia ka cava sa kauti keda mai ko Jiova ki na vanua oqo, me da bale kina e nai seleiwau, ka me ra vakabobulataki na watida kei na luveda? sa sega li ni vinaka cake me da lesu tale ki Ijipita?

Maciu 17:17

Sa qai vosa ko Jisu, ka kaya, Ai tabatamata sega ni vakabauta ka yalo vakatani! a cava na kena dede meu tiko kei kemudou? a cava na kena dede meu vosoti kemudou? kauti koya mai vei au kike.

Maciu 17:20

A sa kaya vei ira ko Jisu, E na vuku ni dou sa sega ni vakabauta: niu sa kaya vakaidina vei kemudou, Kevaka e tu vei kemudou na vakabauta e vaka na sore ni musita, dou na kaya ki na ulu-ni-vanua oqo, Lako tani kikea! ka na lako tani: a sa sega na ka ena dredre vei kemudou:

Iperiu 12:5

ia dou sa guilecava nai vakavuvuli sa vosa kivei kemudou me vaka kivei ira na gone, Na luvequ, mo kakua ni beca ni sa cudruvi iko ko Jiova, Se yalowai ni sa vunauci iko ko koya:

Josua 7:6

A sa dresulaka na nonai sulu ko Josua, ka cuva vakatoboicu i na qele e na mata ni kato i Jiova, ka yakavi mai, o koya kei ira na qase ni Isireli, ka vakabuya na kuvu ni qele ki na buradeladra.

Josua 7:8

Oi kemuni na Turaga, a cava me'u kaya ni ra sa vakanadaku vei ira na nodra meca ko ira na Isireli?

Dauveilewai 20:23

(A ra sa lako cake ko ira na Isireli, ka tagi e na mata i Jiova ka yakavi mai, a ra sa tarogi Jiova, ka kaya, Me'u lako tale, me'u vala kei ira na Penijamini na taciqu, se segai? A sa kaya ko Jiova, Dou lako ka vala kei ira.)

1 Samuela 4:3

A ra sa lako mai ki nai tikotiko ko ira na tamata, a ra sa kaya ko ira na nodra qase na Isireli, A cava sa mokuti keda kina edaidai ko Jiova e na matadra na kai Filisitia? me da kauta mai Sailo ki vei keda na kato ni veiyalayalati i Jiova, me yaco mai ki na keda maliwa, ka vakabulai keda mai na ligadra na noda meca.