Josua 7:25 - Vakavakadewa Makawa

²⁵ A sa kaya ko Josua, A cava ko sa vakararawataki keimami kina? ena vakararawataki iko e na siga edaidai ko Jiova. A ra sa vakaviriki koya e na vatu ko ira kecega na Isireli; ka ra vakamai ira e na bukawaqa, ka vakaviriki ira e na vatu.

Ai Vola Tabu (Vakadewa Makawa Vakavoutaki 2021)

²⁵ A sa kaya ko Josua, “A cava ko sa vakararawataki keimami kina? Ena vakararawataki iko e na siga edaidai ko Jiova.” A ra sa vakaviriki koya e na vatu ko ira kecega na Isireli; ka ra vakamai ira e na bukawaqa, ka vakaviriki ira e na vatu.

AI VOLA TABU

²⁵ A sa kaya ko Josua, A cava ko sa vakararawataki keimami kina? ena vakararawataki iko e na siga edaidai ko Jiova. A sa viriki koya e na vatu ko ira kecega na Isireli; ia era vakamai ira e na buka, ka viriki ira e na vatu.

Vakavakadewa Vou kei na iVola tale eso

²⁵ Sa qai tukuna vakaoqo o Josua, “Na cava o sa kauta mai kina vei keda na leqa bibi vakaoqo? Ena kauta mai vei iko o Jiova na leqa levu edaidai.” Era sa qai vakaviriki Ekani me mate sara, o ira na tamata kece; ka vakaviriki ka vakamai talega na nona vuvale kei na veika kecega e taukena.

Ai Vola Tabu Ena Vakavakadewa Vou

²⁵ Sa qai tukuna vakaoqo o Josua, “Na cava o sa kauta mai kina vei keda na leqa bibi vakaoqo? Ena kauta mai vei iko ko Jiova na leqa levu edaidai.” Era sa qai vakaviriki Ekani me mate sara, o ira na tamata kece; ka vakaviriki ka vakamai talega na nona vuvale kei na veika kecega e taukena.

Josua 7:25 Iomraidhean Croise

Vakatekivu 34:30

A sa kaya ko Jekope kivei Simioni kei Livai, Drau sa vakararawataki au, ni drau sa vakaboicataki au vei ira na lewe ni vanua, e na kedra maliwa na kai Kenani kei na lewe ni Veikoro lalai: ia koi au, ka lewe lailai, ka ra na soqoni vata, ka mai vakamatei au; ia ka'u na rusa vata kei na noqu mataqali.

Vakatekivu 38:24

Ia sa oti e tolu na vula, sa qai tukuni vei Juta, ka vaka, ko Tema na vugomu sa dautagane; ka sa bukete ko koya. A sa kaya ko Juta, Dou kauti koya mada mai, me mai vakamai.

1 Veigauna 2:7

Ia na tagane na luve i Kamai: ko Ekani, o koya ka vakararawataki Isireli, ka caka ca e na ka sa vakatabui.

Vosavakaibalebale 1:19

Sa vakakina na nodra i valavala kecega era sa kocova nai yau; Sai koya ka vakamatei ira na kenai taukei.

Vosavakaibalebale 15:27

E dauvakararawataka na nona vale ko koya na daukocokoco; Ia ko koya sa cata nai solisoli ena bula.

Vunau ni Soro 20:14

Ia kevaka e dua na tagane sa na vakawati kei na dua na yalewa kei na tinana, sa ka ca sara: eratou na vakamai e na bukawaqa, ko koya kei rau talega; me kakua kina na ca e na kemudou maliwa.

Vunau ni Soro 20:2

Mo kaya tale vei ira na Isireli, A tamata yadua vei ira na Isireli, se vei ira na kai tani sa tiko vulagi kei ira na Isireli, sa solia e dua na luvena vei Moloke; ena vakamatei vakaidina ko koya: me ra vakaviriki koya e na vatu ko ira na lewe ni vanua.

Vunau ni Soro 21:9

Ia na luvena yalewa e dua na bete sa vakacacani koya ni sa dautagane, sa vakacacani tamana: ena vakamai ko koya e na bukawaqa.

Vunau ni Soro 24:14

Mo kauti koya sa ruru ki nai bili ni tikotiko; ia ko ira kecega sa rogoci koya, me ra tabaka na uluna e na ligadra, me ra qai vakavirika e na vatu ko ira nai soqosoqo taucoko.

Kalatia 5:12

Au sa vinakata me ra muduki ira tani ko ira era sa vakayavalati kemudou.

Vakarua 13:10

Ia mo ni vakaviriki koya e na vatu, me mate kina ko koya, ni sa segata me vakasesei kemuni tani maivei Jiova na nomuni Kalou, o koya ka kauti kemuni mai na vanua ko Ijipita, mai na vale ni veivakabobulataki.

Vakarua 13:11

Ena qai rogoca ko ira na Isireli kecega, ka rere, ka sega ni cakava tale na ka ca vakaoqo e na kemuni maliwa.

Vakarua 17:5

ko ni na qai kauta mai na tagane ko ya, se na yalewa ko ya, sa kitaka na ka ca oqori, ki na nomuni matamata-ni-koro, io na tagane ko ya se na yalewa ko ya, ka vakavirika e na vatu, me mate kina.

Vakarua 21:21

Era na qai vakaviriki koya e na vatu ko ira kecega na lewe ni nona koro, me mate kina: ko ni na vakaotia kina na ca mai na kemuni maliwa; ia era na rogoca ko ira na Isireli kecega, ka ra na rere.

2 Cesalonaika 1:6

ni sa dodonu vua na Kalou me saumi ira vakararawa era sa vakararawataki kemudou;

Iperiu 12:15

ka dou qarauni kemudou vinaka de bale e dua mai na loloma ni Kalou; de dua na waka gaga e tubu cake ka ia kina na rarawa, ka vaqeleqelewataki kina na lewe vuqa;

Josua 6:18

ia koi kemuni, mo ni tarovi kemuni mai na ka sa lesi me vakarusai, de ko ni vakarusai kemuni, ni kemuni sa tara na ka sa lesi me vakarusai, ka vakavuna talega na rusa ki nai tikotiko nei Isireli ka vakararawataka.

Josua 7:15

Ia ko koya sa cavuti ni sa tu vua na ka sa lesi me vakarusai, ena vakamai e na bukawaqa, ko koya kei na nona ka kecega: ni sa vakacataka na veiyalayalati i Jiova, ka ni sa kitaka na ka lialia e Isireli.

1 Samuela 14:29

A sa kaya ko Jonacani, Sa vakararawataki ira na lewe ni vanua ko tamaqu; raica mada, ni sa rarama mai na mataqu ni'u sa kania vakalailai na oni oqo: