Josua 6:19 - Vakavakadewa Makawa

¹⁹ Ia na siliva kecega, kei na koula, kei nai yaya parasa kei na aironi, sa tabu me nei Jiova: ena kau mai ki na kato-ni-yau i Jiova.

Ai Vola Tabu (Vakadewa Makawa Vakavoutaki 2021)

¹⁹ Ia na siliva kecega, kei na koula, kei nai yaya parasa kei na kaukamea, sa tabu me nei Jiova; ena kau mai ki na kato-ni-yau i Jiova.”

AI VOLA TABU

¹⁹ Ia na siliva kecega, kei na koula, kei nai yaya parasa kei na aironi, sa tabu me nei Jiova: ena kau mai ki nai tutu-ni-yau i Jiova.

Vakavakadewa Vou kei na iVola tale eso

¹⁹ Na veika kecega sa caka ena siliva, ena koula, ena parasa, se na kaukamea sa vakatabui me nei Jiova. Me ra maroroi kece ena valeniyau i Jiova.”

Ai Vola Tabu Ena Vakavakadewa Vou

¹⁹ Na veika kecega sa caka ena siliva, ena koula, ena parasa, se na kaukamea sa vakatabui me nei Jiova. Me ra maroroi kece ena valeniyau i Jiova.”

Josua 6:19 Iomraidhean Croise

2 Samuela 8:11

ko ya talega sa vakacabora vei Jiova ko Tevita na tui, ka sa vakacabora talega na siliva kei na koula ka rawata ko koya mai na veimatanitu kecega sa vakamalumalumutaka;

1 Tui 14:26

A sa kauta tani nai yau mai na vale i Jiova, kei nai yau mai na nona vale na tui; sa kauta kece yani: a sa kauta kecega nai sasabai koula ka cakava ko Solomoni.

1 Tui 7:51

A sa caka oti na cakacaka kecega ka cakava ko Solomoni na tui ki na vale i Jiova. A sa kauta ki loma ko Solomoni na ka ka vakatabuya me nei Jiova ko Tevita na tamana: na siliva, kei na koula, kei nai yaya, sa viritu vata kei nai yau ni vale i Jiova.

2 Tui 24:13

A sa kauta tani maikea nai yau kecega mai na vale i Jiova, kei nai yau mai na vale ni tui, ka tamusuka nai yaya koula kecega ka cakava ko Solomoni na tui Isireli e na vale i Jiova, me vaka ka kaya ko Jiova.

1 Veigauna 18:11

Oqori talega ka vakatabuya ko Tevita na tui me nei Jiova, kei na siliva kei na koula sa kauta mai ko koya mai na veimatanitu kecega; mai Itomi, mai Moapi, ka maivei ira na luve i Amoni, ka maivei ira na kai Filisitia, ka maivei ira na Amalekaiti.

1 Veigauna 26:20

Ia vei ira na Livai, sa vakatawa ko Elaija nai yau ni vale ni Kalou, kei nai yau ni ka sa vakatabui tu.

1 Veigauna 26:26

O Silomeci oqo, kei iratou na tacina, eratou sa maroroya nai yau kecega sa tabu tu, na ka sa vakatabuya ko Tevita na tui, kei ira na qase turaga, kei ira sa turaga vei ira na veiyayaudolu kei na veiyayadrau, kei ira na kapiteni e na mataivalu.

1 Veigauna 26:27

Era sa vakatabuya eso mai nai toki ni valu, me yaga ki na vale i Jiova.

1 Veigauna 26:28

Ia na ka kecega sa vakatabuya ko Samuela na rairai, kei Saula ka tagane na luve i Kisi, kei Apineri na luve i Neri ka tagane, kei Joapi na luve i Seruaia ka tagane: kei ira kece ra sa vakatabuya na ka so sa tiko ga vei Silomeci, kei iratou na tacina.

1 Veigauna 28:12

kei nai vakatakarakara ni ka kecega sa tukuna vua na yalo, na rara vakabai ni vale i Jiova, kei na veitaba-ni-vale kecega e cake sa volita, kei na veivale ni yau ni vale ni Kalou, kei na veivale ni yau ni ka sa vakatabui:

2 Veigauna 15:18

A sa kauta ko koya ki loma ni vale ni Kalou na ka ka vakacabora ko tamana, kei na ka sa vakacabora ko koya ga, na siliva, kei na koula, kei nai yaya.

2 Veigauna 31:12

ka kauta mai e na yalodina nai madrali, kei nai katini ni ka, kei na ka sa vakatabui me nei Jiova: ka sa lewa na ka oqo ko Kononaia na Livaiti, a sa kenai karua ko Semeai na tacina:

Niemaia 10:38

Ia me tiko vata kei ira na Livai ko koya na bete na luve i Eroni, ni ra sa taura nai katini ko ira na Livai: ia era na kauta cake nai katini ni kenai katini ko ira na Livai ki na vale ni noda Kalou, ki na veitaba-ni-vale e cake, ki na vale ni yau.

Jeremaia 38:11

Sa qai kauti ira na tamata ko Epeti-meleki, a ra sa curu ki na vale ni tui ki ruku ni vale-ni-yau, ka kauta maikina nai sulu sa kadresu kei nai sulu vuca, ka tukuca sobu e na dali ki nai keli vei Jeremaia.

Vunau ni Soro 19:24

Ia e na kenai kava ni yabaki ena tabu na vuana kecega, me vakavinavinakataki kina ko Jiova.

Maika 4:13

Mo tu cake ka butuka, o iko na goneyalewa ni Saioni: ia na nomu i leu ka'u na cakava me aironi, kei na nomu ququ ka'u na cakava me parasa: ia ko na butuqaqia na veimataqali e vuqa: ia ka'u na vakacabora vei Jiova na nodra i toki ni valu, kei na nodra i yau vua na Turaga kei vuravura taucoko.

Tiko mai na Lekutu 31:11

A ra sa taura nai yau kecega, kei na ka kecega era tokitaka, na tamata kei na manumanu.

Tiko mai na Lekutu 31:12

A ra sa kauti ira na bobula, kei na ka era sa tokitaka, kei nai yau, kivei Mosese, kei Eliesa na bete, ki vei ira nai soqosoqo ni Isireli, ki nai tikotiko e na vanua cecelevu mai Moapi, sa voleka ki na Joritani, ka donui Jeriko.

Tiko mai na Lekutu 31:22

A koula ga, kei na siliva, na parasa, na aironi, na tine, kei na uma,

Maciu 27:6

A ra sa kauta na veitiki ni siliva ko ira na bete levu, ka kaya, Sa sega ni tara me biu ki na kato ni kamunaga ni vale ni soro, ni sai sau ni mate.

Marika 12:41

A sa tiko ko Jisu e na yasana sa donuya na kato ni lavo, a sa raici ira na lewe levu ni ra sa biuta nai lavo ki na kato ni lavo: ka lewe vuqa era sa vutuniyau era sa biuta vakalevu.

Josua 7:11

Sa ra kitaka na ka ca ko ira na Isireli, ka vakacataka na noqu veiyalayalati ka'u a vakarota vei ira: ia era sa tara eso na ka sa lesi me vakarusai, a ra sa butakoca, ka lasu talega, ka virinoca vata talega kei na nodra i yau.