Josua 6:18 - Vakavakadewa Makawa

¹⁸ ia koi kemuni, mo ni tarovi kemuni mai na ka sa lesi me vakarusai, de ko ni vakarusai kemuni, ni kemuni sa tara na ka sa lesi me vakarusai, ka vakavuna talega na rusa ki nai tikotiko nei Isireli ka vakararawataka.

Ai Vola Tabu (Vakadewa Makawa Vakavoutaki 2021)

¹⁸ Ia koi kemuni, mo ni tarovi kemuni mai na ka sa lesi me vakarusai, de ko ni vakarusai kemuni, ni kemuni sa tara na ka sa lesi me vakarusai, ka vakavuna talega na rusa ki nai tikotiko nei Isireli ka vakararawataka.

AI VOLA TABU

¹⁸ ia koi kemuni, mo ni tarovi kemuni mai na ka sa lesi me vakarusai, do dou vakarusai kemuni, ni dou sa tara na ka sa lesi me vakarusai, ka kauta talega na rusa ki na koro nei Isireli, ka vakararawataka.

Vakavakadewa Vou kei na iVola tale eso

¹⁸ Mo ni kakua ni taura e dua na ka sa lewai me vakarusai. Kevaka o ni taura e dua na ka, ka sa lewai me vakarusai, o ni na kauta ga mai na leqa kei na rusa ki na noda i tikotiko na Isireli.

Ai Vola Tabu Ena Vakavakadewa Vou

¹⁸ Mo ni kakua ni taura e dua na ka sa lewai me vakarusai. Kevaka o ni taura e dua na ka, ka sa lewai me vakarusai, o ni na kauta ga mai na leqa kei na rusa ki na noda i tikotiko na Isireli.

Josua 6:18 Iomraidhean Croise

2 Samuela 21:1

Sa qai dua na dausiga e na gauna i Tevita, ka yabaki tolu ka veitaravi: a sa masu vei Jiova ko Tevita. A sa kaya ko Jiova, E na vuku i Saula ga, kei na nona lewe-ni-vale dauveivakamatei ko ya, ni sa vakamatei ira na kai Kipioni ko koya.

Dauvunau 9:18

Sa vinaka na vuku ka ca nai yaragi ni valu; ia e dua bau ga na tamata i valavala ca sa vakacacana e levu na ka vinaka.

Jona 1:12

Sa qai kaya vei ira ko koya, Dou tauri au mada, ka biuti au ki wai; ena qai maravu vei kemudou na wai: ni'u sa kila sai au ga sa labati kemudou kina na cava levu oqo.

Roma 12:9

Me kakua ni vakailasu na loloma. Mo dou cata sara na ka ca; mo dou kabita sara na ka vinaka.

2 Korinica 6:17

O koya oqo Mo dou qai lako tani maivei ira, ia dou tawasei tu, sa kaya na Turaga, Ka dou kakua ni tara na ka sa sega ni savasava; Au na qai vakabauti kemudou,

Efeso 5:11

Ia dou kakua ni malele vata kei ira sa dauia nai valavala butobuto sa sega ni yaga, ka dou vunauca ga.

Vakarua 13:17

Ia me kakua ni kabita na ligamuni e dua na ka sa lesi me vakarusai: me cegu kina ko Jiova mai na nona cudru waqawaqa, ka me caka vinaka vei kemuni, ka lomani kemuni, ka vakalewevuqataki kemuni, me vaka sa bubului kina vei ira na nomuni qase;

Vakarua 23:10

Kevaka sa dua na tamata vei kemuni sa sega ni savasava e na vuku ni dua na ka sa yaco loa vua e na bogi, me qai lako tani ko koya ki nai bili ni tikotiko, me kakua ni lako mai ki loma ni tikotiko:

Vakarua 7:26

Ia mo ni kakua ni kauta ki na nomuni vale na ka vakasisila, de ko ni sa lesi me vakarusai me vaka na ka ko ya: ia mo cata vakaidina ga, ka vakasisilataka sara; ni sa lesi me vakarusai.

Jemesa 1:27

Na lotu savasava ka sega ni cala e mata ni Kalou ko Tamada sa vakaoqo, Me sa dauraici ira na luveniyali kei ira na yada, ni ra sa rarawa, me sa qarauni koya talega me kakua ni tauvi koya na duka ni ka vakavuravura.

Josua 7:1

Ia era sa vakacataka na tabu ko ira na Isireli e na ka sa lesi me vakarusai: ni sa tara eso na ka sa lesi me vakarusai ko Ekani na tagane, na luve i Kamai, na luve i Sapiti, na luve i Sira, e na mataqali i Juta: a sa waqa mai na cudru i Jiova vei ira na Isireli.

Josua 7:13

Tu cake, mo vakasavasavataki ira na tamata, ka kaya, Ni vakasavasavataki kemuni ka waraka na mataka: ni sa vosa vakaoqo ko Jiova na Kalou ni Isireli, Sa tu vei kemuni na Isireli, na ka sa lesi me vakarusai: kemuni na sega ni tu rawa e matadra na nomuni meca, mo ni biuta tani mada na ka sa lesi me vakarusai me kua ni tiko vei kemuni.

Josua 7:15

Ia ko koya sa cavuti ni sa tu vua na ka sa lesi me vakarusai, ena vakamai e na bukawaqa, ko koya kei na nona ka kecega: ni sa vakacataka na veiyalayalati i Jiova, ka ni sa kitaka na ka lialia e Isireli.

Josua 7:25

A sa kaya ko Josua, A cava ko sa vakararawataki keimami kina? ena vakararawataki iko e na siga edaidai ko Jiova. A ra sa vakaviriki koya e na vatu ko ira kecega na Isireli; ka ra vakamai ira e na bukawaqa, ka vakaviriki ira e na vatu.

1 Joni 5:21

Oi kemudou na gone lomani, maroroi kemudou mai na veimatakau. Emeni.

1 Samuela 15:9

Ia ko Ekaki, kei ira na sipi vinaka, kei na pulumokau, kei na manumanu uro, kei na luve ni sipi, kei na ka kecega sa vinaka, sa vakabula ko Saula kei ira na tamata, ka sa sega ni vakamatei ira laivi: ia na ka kecega sa vakasisila ka sega ni yaga era sa vakarusa sara.