Josua 5:1 - Vakavakadewa Makawa

¹ Ia ko ira kecega na nodra tui na Amoraiti sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca sa vakadiva ko Jiova na wai ni Joritani e matadra na Isireli, me keimami lako mada ki tai kadua, sa qai waicala na yalodra, ka sa yali na nodra lomadei, e na vuku i keimami na Isireli.

Ai Vola Tabu (Vakadewa Makawa Vakavoutaki 2021)

¹ Ia ko ira kecega na nodra tui na Amoraiti sa tiko e na tai ni Joritani vaka ki na ra, kei ira kece na nodra tui na kai Kenani sa tiko voleka ki na waitui, ni ra sa rogoca sa vakadiva ko Jiova na wai ni Joritani e matadra na Isireli ka me ra lako mada ki tai kadua, sa qai waicala na yalodra ka sa yali na nodra lomadei e na vukudra na Isireli.

AI VOLA TABU

¹ IA ko ira kecega na nodra tui na luve i Amori sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca ni sa vakadiva ko Jiova na wai ni Joritani e na matadra na luve i Isireli, me ra lako mada ki tai kadua, sa qai waicala na yalodra, ka sa yali na nodra lomadei, e na vukudra na luve i Isireli.

Vakavakadewa Vou kei na iVola tale eso

¹ Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva o Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Ai Vola Tabu Ena Vakavakadewa Vou

¹ Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva ko Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Josua 5:1 Iomraidhean Croise

Vakatekivu 12:6

A sa lako tu e na vanua ko Eparama, ka yaco ki na yasana mai Sikemi, ki na kau mai More. A ra sa tiko e na vanua na kai Kenani e na gauna ko ya.

Vakatekivu 48:22

ia koi au, ka'u sa solia e dua na tiki ni vanua vei iko, e levu cake e na nodra na veitacini, ka'u a rawata mai vua na Amoraiti e na noqu i seleiwau kei na noqu dakai.

2 Samuela 21:2

A sa kacivi ira na kai Kipioni, ko koya na tui, ka kaya vei ira; (ia sa sega ni kawa i Isireli ko ira na kai Kipioni, era sa kena vo vei ira na Amoraiti; a sa bubului eliu vei ira ko ira na Isireli: a sa segata ko Saula me mokuti ira e na nona lomakatakata e na vukudra na Isireli kei ira na Juta);

1 Tui 10:5

kei na kakana mai na nona tepeli, kei na nodra tiko na nona tamata, kei na nodra tu era sa qaravi koya, kei na nodra i sulu, kei ira era dautu na mena, kei na nonai cabecabe sa cabe kina ko koya ki na vale i Jiova, sa yali na nona lomadei.

Esera 9:1

Ia ni sa caka oti na veika oqo, sa lako mai vei au ko ira na turaga, ka kaya, O ira na Isireli, kei ira na bete, kei ira na Livai, era sa sega ni tawasei ira tani maivei ira na lewe ni veivanua, era sa cakacaka me vaka na nodra i valavala vakasisila na kai Kenani, na Itaiti, na Perisaiti, na Jepusaiti, na luve i Amoni, na kai Moapi, na kai Ijipita, kei ira na Amoraiti:

NA SAME 135:11

Ko Sioni na nodra tui na Amoraiti, Kei Oki na tui Pasani, Kei na veimatanitu kecega mai Kenani:

Lako Yani 23:28

ia ka'u na tala e dua na lagotavuivui rerevaki me liutaki kemudou, ia ena vakasavi ira tani e matamudou na Aivaiti, kei na kai Kenani, kei na Itaiti.

Aisea 41:5

Sa kunea oqori na veiyanuyanu, ka sa rere; sa sautaninini na veiyalayala kei vuravura; era sa toro voleka, ka lako mai.

Isikeli 16:3

ka vaka, Sa kaya vakaoqo na Turaga ko Jiova ki Jerusalemi; A nomu i tubutubu kei na nomu sucu sa vu mai na vanua ko Kenani; na tamamu na Amoraiti, ia na tinamu na Itaiti.

Isikeli 21:7

Ia ni ra sa kaya vei iko, A cava ko sa vutugu kina? mo qai kaya, E na vuku ni dua nai rogorogo; ni sa voleka mai: ia ena waicala na loma ni tamata kecega, ka na wadamele na ligadra kecega, ka na ceguoca na yalodra kecega, ia ena vaka na wai na durudra kecega: raica, sa lako tiko mai, ka na vakayacori, sa kaya na Turaga ko Jiova.

Taniela 5:6

Sa qai dua tani mai nai rairai ni matana na tui, ka sa vakidroataki koya na nanuma ni lomana, sa qai tasere nai sema ni tolona, ka sa dui veiyaviti na duruna.

Emosi 2:9

Ia koi au ga, ka'u a vakarusai koya na Amoraiti e matadra, o koya sa balavu vaka na balavu ni sitari, ka kaukauwa ko koya me vaka na oki; ia ka'u a vakarusa na vuana e cake, kei na wakana e ra.

Tiko mai na Lekutu 13:29

era sa tiko e na vanua sa donuya na ceva ko ira na Amalekaiti; kei ira na Itaiti, kei ira na Jepusaiti, kei ira na Amoraiti, era tiko mai na ulu-ni-vanua; a ra sa tiko na kai Kenani e na baravi, kei na bati ni Joritani.

Josua 17:12

Ia era sa sega ni vakasavi ira tani rawa na lewe ni veikoro ko ya ko ira na Manasa; ia era sa gu na kai Kenani me ra tiko e na vanua ko ya.

Josua 17:18

ni na nomuni na ulu-ni-vanua: ia ke sa veikau ko ya, ko ni taya sobu: ena nomuni talega na kena veiyalayala: ia na kai Kenani, kevaka era sa vakaqiqi-ni-valu kaukamea, ka ra sa kaukauwa talega ko ira, kemuni na vakasavi ira tani ga.

Josua 24:15

Ia kevaka sa ca vei kemuni mo ni qaravi Jiova, mo ni digitaki koya edaidai kemuni na qarava; se na veikalou ka ra qarava na nomuni qase mai tai kadua ni Uciwai, se na nodra veikalou na Amoraiti, kemuni sa tiko e na nodra vanua: ia koi au kei ira na noqu lewe-ni-vale, keitou na qaravi Jiova.

Josua 3:16

sa qai tu vakadua na wai sa drodro sobu maicake; ka sa tubu me cecere, ka vaka e dua na suva levu, ka vakayawa sara, mai Atama, na koro sa rau veivolekati kei Saricani: a sa muduki laivi oqori sa lako sobu vaka ki na waitui mai na vanua cecelevu, io, na wasa Tuituina; a ra sa lako ki tai kadua ko ira na tamata e na tikina ka donui Jeriko.

Josua 3:17

A sa tu dei e na qele mamaca e na loma ni Joritani ko ira na bete era colata na kato ni veiyalayalati nei Jiova, a sa lako e na qele mamaca ki tai kadua ko ira kecega na Isireli, ka sa oti na matanitu taucoko ni ra lakova na Joritani.

Vakatakila 18:10

a ra na tu vakayawa ni ra sa rerevaka na nona yaluma, ka kaya, Isa! Isa! na koro levu ko Papiloni, na koro kaukauwa ko ya! e na dua bauga na aua sa yaco na nomu cudruvi.

Dauveilewai 1:1

Ia ni sa mate ko Josua, era sa tarogi Jiova, ko ira na Isireli, ka kaya, O cei vei keimami me liu cake kivei ira na kai Kenani, me vala kei ira?

Dauveilewai 11:23

Ia oqo, sa vakasevi ira na Amoraiti ko Jiova na Kalou ni Isireli, e na matadra na nona tamata na Isireli, ia ko na qai taukeni ira beka ko iko?

Dauveilewai 3:3

E lewe lima na nodra turaga na kai Filisitia, kei ira kecega na kai Kenani, kei ira na kai Saitoni, kei ira na Aivaiti era tiko mai na ulu-ni-vanua ko Lepanoni, mai na ulu-ni-vanua ko Peali-erimoni ka yaco ki nai curucuru ki Emaci.

Dauveilewai 4:2

A sa soli ira ko Jiova ki na liga i Japini na tui Kenani, o koya sa lewa mai Asori; ia na kapiteni ni nonai valu ko Sisira, o koya sa dautiko mai Eroseci mai na veimatanitu tani.

1 Samuela 25:37

Ia e na mataka ni sa takali vei Nepali na waini, sa tukuna vei koya na watina na veika oqo: a sa mate na yalona e lomana, a sa yaco ko koya me vaka e dua na vatu.