Josua 4:12 - Vakavakadewa Makawa

¹² Ia ko ira na mataqali i Rupeni, kei ira na mataqali i Kata, kei na dua na kena wase ni mataqali i Manasa, era sa lako vakaiyaragi ka liutaki ira na Isireli, me vaka ka vosa vei ira ko Mosese:

Ai Vola Tabu (Vakadewa Makawa Vakavoutaki 2021)

¹² Ia ko ira na yavusa i Rupeni, kei ira na yavusa i Kata, kei na yavusa-veimama i Manasa, era sa lako vakaiyaragi ka liutaki ira na Isireli, me vaka ka vosa vei ira ko Mosese.

AI VOLA TABU

¹² Ia ko ira na luve i Rupeni, kei ira na luve i Kata, kei na dua na wase ni yavusa i Manase, era sa lako vakaiyaragi ka liutaki ira na luve i Isireli, me vaka ka vosa vei ira ko Mosese:

Vakavakadewa Vou kei na iVola tale eso

¹² O ira na tagane ena mataqali i Rupeni, Kata kei na veimama ni mataqali i Manasa, era sa vakaiyaragi ni valu ka liutaki ira na Isireli ena takoso, me vaka a vakaroti ira kina o Mosese.

Ai Vola Tabu Ena Vakavakadewa Vou

¹² O ira na tagane ena mataqali i Rupeni, Kata kei na veimama ni mataqali i Manasa, era sa vakaiyaragi ni valu ka liutaki ira na Isireli ena takoso, me vaka a vakaroti ira kina o Mosese.

Josua 4:12 Iomraidhean Croise

Lako Yani 13:18

ia sa tuberi ira voli na tamata na Kalou e na sala mai na lekutu mai na Wasa Damudamu: a ra sa vakaiyaragi tu na Isireli, ni ra sa lako cake mai na vanua ko Ijipita.

Tiko mai na Lekutu 1:24

Vei ira na kawa i Kata, e na nodra i tubutubu, e na nodra veimataqali, kei na veivuvale ni nodra qase, vaka nai wiliwili ni yacadra yadua, ko ira sa ruasagavulu na nodra yabaki ka toro cake, o ira kecega sa yaga e nai valu;

Tiko mai na Lekutu 32:17

ia koi keimami, keimami na vakaiyaragi tu, ka liutaki ira na Isireli, ka me keimami kauti ira mada ki na nodra yasana: a ra na tiko ga na neimami lalai e na veikoro sa vakabai, e na vuku ni lewe ni vanua oqo.

Vakarua 3:18

Ia ka'u a vakaroti kemuni e na gauna ko ya, ka kaya, Sa solia vei kemuni na vanua oqo ko Jiova na nomuni Kalou mo ni taukena: kemuni kecega na tamata i valu mo ni vakaiyaragi ka liutaki ira na wekamuni na Isireli.

Vakarua 33:21

Sa vakarautaka nai lutua me kena, Ni sa maroroi nai votavota kei koya sa lewa; A sa lako mai kei ira na turaga ni tamata, Sa kitaka ko koya na cakacaka e dodonu vei Jiova, Kei na nona lewa vei ira na Isireli.

Josua 1:14

Ko ira na watimuni, ko ira na nomuni lalai, kei na nomuni manumanu e yavai va, era na tiko ga e na vanua sa solia vei kemuni ko Mosese e na tai ni Joritani oqo; ia koi kemuni na tamata i valu qaqa kece, kemuni na vakarau tu ka liutaki ira na wekamuni, ka vukei ira;

Josua 4:11

Ia ni sa oti na tamata kecega ki tai kadua, sa qai colata ki tai kadua na kato i Jiova, ko ira na bete, me liutaki ira na tamata.

Josua 4:13

era le vasagavulu beka na udolu sa vakaiyaragi ki nai valu, ka lako e na mata i Jiova ki tai kadua, ki na vanua cecelevu mai Jeriko, me ra vala.