Josua 24:20 - Vakavakadewa Makawa

²⁰ kevaka ko ni sa laivi Jiova, ka qarava na veikalou ni kai tani, ena qai vuki ko koya ka vakacacani kemuni, ka vakarusai kemuni, ni sa caka vinaka oti vei kemuni.

Ai Vola Tabu (Vakadewa Makawa Vakavoutaki 2021)

²⁰ Kevaka ko ni sa laivi Jiova ka qarava na veikalou ni kai tani, ena qai vuki ko koya ka vakacacani kemuni, ka vakarusai kemuni, ni sa caka vinaka oti vei kemuni.”

AI VOLA TABU

²⁰ kevaka dou na laivi Jiova, ka qarava na veikalou ni kai tani, ena qai vuki ko koya ka vakacacani kemudou, ka vakarusai kemudou, ni sa caka vinaka oti vei kemudou.

Vakavakadewa Vou kei na iVola tale eso

²⁰ Kevaka o ni biuti Jiova ka qaravi ira na veikalou tani, ena qai vuki mai ka vakarusai kemuni, ka vakawabokotaki kemuni, ka dina ga ni a daucaka vinaka vei kemuni e liu.”

Ai Vola Tabu Ena Vakavakadewa Vou

²⁰ Kevaka o ni biuti Jiova ka qaravi ira na veikalou tani, ena qai vuki mai ka vakarusai kemuni, ka vakawabokotaki kemuni, ka dina ga ni a daucaka vinaka vei kemuni e liu.”

Josua 24:20 Iomraidhean Croise

1 Veigauna 28:8

Ia oqo, e na matadra kece na Isireli, na nona soqoni levu ko Jiova, ni sa rogoca talega ko koya na noda Kalou, mo ni vakabauta ka goleva matua na vunau kece i Jiova na nomuni Kalou: mo ni taukena tiko kina na vanua vinaka oqo, ka laiva vei ira na luvemuni ni kemuni sa mate me ra taukena, ka tawa mudu.

1 Veigauna 28:9

Ia ko iko, Solomoni na luvequ, mo kila na Kalou i tamamu, ka qaravi koya e na yalo dina, kei na loma e marautaka: ni sa vakatovolea na yalo kece ko Jiova, ka kila kece na nanuma ni lomada: kevaka ko na vakasaqarai koya, ko na kunei koya; ia kevaka ko sa biuti koya, ena biuti iko ko koya ka tawa mudu.

2 Veigauna 15:2

a sa curu yani me tavaki Esa, ka sa kaya vua, Ni rogoci au mai, kemuni Esa, kei kemuni kecega na Juta kei na Penijamini: Sa na tiko kei kemuni ko Jiova, kevaka kemuni sa tiko kei koya; ia kevaka kemuni sa vakasaqarai koya, ena kune vei kemuni ko koya, ia kevaka kemuni sa biuti koya, ena biuti kemuni ko koya.

Esera 8:22

ni'u a madua ni kerea vua na tui na mataivalu, kei ira na tamata era vodo ose, me totaki keimami e na vuku ni meca e na sala: ni keimami sa vosa oti vua na tui, ka kaya, A liga ni neimami Kalou sa tiko vakavinaka kei ira kece sa qarai koya; ia na nona kaukauwa kei na nona cudru sa veivala kei ira kece era sa biuti koya.

NA SAME 89:31

Kevaka era vakacacana na noqu i lesilesi, Ka sega ni vakabauta na noqu i vakaro;

Aisea 1:28

Ia na nodra rusa na dautalaidredre kei ira nai valavala ca ena yaco vata ga, ia ko ira era sa biuti Jiova era na vakarusai.

Aisea 63:10

ia ko ira, era talaidredre ga, ka vakararawataka na nona Yalo Tabu; ka sa vuki kina ko koya me nodra meca; ka sa veivala kei ira ko koya.

Jeremaia 17:13

Koi kemuni Jiova, era dauvakararavi kina na Isireli, ko ira kece era biuti kemuni era na madua ga, ko ira era lako tani vei au era na volai ga e na qele, ka ni ra sa biuti Jiova na mata-ni-wai bula.

Isikeli 18:24

Ia ni sa suka tani na tamata yalododonu, mai na nona caka dodonu, ka kitaka na ka ca, ka cakava me vaka nai valavala vakasisila kecega sa cakava na tamata ca, ena bula li ko koya? A nonai valavala dodonu kece sa cakava oti ena sega ni nanumi tale: na nona talaidredre sa talaidredre kina, kei na nonai valavala ca sai valavala ca kina, ena mate ga kina ko koya.

Cakacaka 7:42

Sa qai vuki tani na Kalou, ka sa biuti ira tu me ra qarava na veikalokalo ni lomalagi; me vaka na ka sa volai e na nodrai vola na parofita, Oi kemudou na mataqali nei Isireli, dou a vakacabora vei au na manumanu sa vakamatei, kei nai madrali, E na veikau ka yabaki vasagavulu, se segai?

Vakarua 4:25

Ni sa sucu vei kemuni eso na gone, kei na luvedra na luvemuni, ka kemuni sa tiko vakadede e na vanua, a sa vakadukadukalitaki kemuni, ka sa cakava vei kemuni e dua na matakau ceuceu nai vakatakarakara ni dua na ka, ka sa caka ca e na mata i Jiova na nomuni Kalou, me vakacudrui koya:

Vakarua 4:26

au sa kacivi lomalagi kei vuravura edaidai me kila e na vukumuni, ni kemuni na kawayali vakusakusa mai na vanua kemuni sa qalo-kosova na Joritani mo ni taukena; ena sega ni balavu kina na nomuni bula, ia kemuni na kawayali vakaidina ga.

Iperiu 10:38

Ia ena bula na tamata yalododonu e na vakabauta: Ia, kevaka sa suka tani tale, ena sega ni vinakati koya na yaloqu.

Josua 24:21

A ra sa kaya vei Josua ko ira na tamata, E segai; keimami na qaravi Jiova ga.

1 Samuela 12:15

ia kevaka kemuni na sega ni vakarorogo ki na vosa i Jiova, ka sa talaidredre ga ki nai vakaro i Jiova, ena qai vala kei kemuni na liga i Jiova, me vaka vei ira na nomuni qase.

1 Samuela 12:25

Ia kevaka kemuni na ia tiko nai valavala ca, ko ni na vakaoti, koi kemuni vata kei na nomuni tui.