Josua 24:19 - Vakavakadewa Makawa

¹⁹ A sa kaya vei ira na tamata ko Josua, Kemuni sa sega ni qaravi Jiova rawa: ni sa Kalou yalosavasava ko koya; sa Kalou vuvu ko koya; ena cudruva na nomuni talaidredre, kei na nomuni valavala ca:

Ai Vola Tabu (Vakadewa Makawa Vakavoutaki 2021)

¹⁹ A sa kaya vei ira na tamata ko Josua, “Kemuni sa sega ni qaravi Jiova rawa, ni sa Kalou yalosavasava ko koya. Sa Kalou vuvu ko koya; ena sega ni vosota na nomuni talaidredre kei na nomuni valavala ca.

AI VOLA TABU

¹⁹ A sa kaya ko Josua vei ira na tamata, Dou sa sega ni qaravi Jiova rawa: ni sa Kalou yalosavasava ko koya; sa Kalou vuvu ko koya; ena cudruva na nomudou talaidredre, kei na nomudoui valavala ca:

Vakavakadewa Vou kei na iVola tale eso

¹⁹ Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca.

Ai Vola Tabu Ena Vakavakadewa Vou

¹⁹ Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca.

Josua 24:19 Iomraidhean Croise

2 Veigauna 36:16

Ia era a vakalialiai ira nai talatala ni Kalou, ka beca na nona vosa, ka vakacacani ira na nona parofita, ka sa tubu kina na cudru i Jiova vei ira na nona tamata, ka sa dredre me ra vakabulai.

NA SAME 99:3

Me ra vakavinavinaka ki na yacamuni levu ka rerevaki; Sa yalosavasava ko koya.

NA SAME 99:5

Dou vakalevulevui Jiova na noda Kalou, Ka cuva ki nai tutu-ni-yavana; Sa yalosavasava ko koya.

NA SAME 99:9

Dou vakalevulevui Jiova na noda Kalou, Ka cuva mai na nona ulu-ni-vanua tabu; Ni sa yalosavasava ko Jiova na noda Kalou.

Lako Yani 20:5

mo kakua ni cuva vei ira, se qaravi ira: ni'u sa Kalou vuvu, koi au ko Jiova na nomu Kalou, au sa sauma na nodra caka ca na qase vei ira na luvedra, ka yacova nai katolu ni tabatamata kei na kenai kava, vei ira sa cati au;

Lako Yani 23:21

Dou qarauni kemudou e na vukuna, ka vakarorogo ki na domona; dou kakua ni vakacudruya: ni na sauma ko koya na nomudou caka cala: ni sa tiko vua na yacaqu.

Lako Yani 34:14

ni sa tabu mo dou sorova na kalou tani: ni sa Kalou vuvu ko Jiova, sai koya sa yacana ko Vuvu:

Lako Yani 34:7

sa dauyalovinaka tiko vei ira na veiudolu, sa sega ni cudruvaka na caka ca kei na talaidredre kei nai valavala ca, ia sa sega ga ni vakadonui ira na cala; sa cudruvaka na nodra caka ca na qase vei ira na luvedra, kei na makubudra, ka yacova nai katolu ni tabatamata, kei na kenai kava.

Aisea 2:9

A sa cuva kina na tamata wale, ka sa vakamalumalumutaki koya na tamata turaga: ia mo ni kakua ni vosoti ira.

Aisea 27:11

Ni sa malai na tabana, ena qai musuki laivi: era na mai visa ko ira na yalewa: e na vuku ni ra sa sega ni tamata yalomatua, ena sega ni yalololoma kina vei ira ko koya ka bulia, ia ko koya ka bulia ena sega ni lomani ira.

Aisea 30:11

dou lako tani e na sala, vakatikitiki tani mai na salatu, me kua so ni tu e na mata i keimami ko Koya na Yalosavasava ni Isireli.

Aisea 30:15

Ni sa kaya vakaoqo na Turaga ko Jiova, ko Koya na Yalosavasava ni Isireli; Ni dou sa lesu mai ka tiko malua, dou na vakabulai kina; ni dou sa vakacegu ka vakararavi ga, dou na kaukauwa kina: ia dou a bese ga.

Aisea 5:16

ia ko Jiova ni lewe vuqa sa vakalevulevui e na lewa dodonu, a sa vakarokorokotaki na Kalou yalosavasava e nai valavala dodonu.

Vunau ni Soro 10:3

A sa kaya vei Eroni ko Mosese, Oqo ka vosataka ko Jiova, ni sa kaya, Au na vakatabui vei ira era sa toro voleka vei au, ia ka'u na vakarokorokotaki e na matadra kecega na tamata. A sa galu ko Eroni.

Vunau ni Soro 11:44

Ni sai au ko Jiova na nomuni Kalou: o koya mo ni vakasavasavataki kemuni, mo ni savasava; ni'u sa savasava koi au: ia ni kakua ni vakadukadukalitaki kemuni e na dua na yavusa ka sa dauqasi, sa qasi e dela i vuravura.

Vunau ni Soro 11:45

Ni sai au ko Jiova, sa kauti kemuni cake mai na vanua ko Ijipita, me'u nomuni Kalou: ia mo ni savasava kina, ni'u sa savasava koi au.

Vunau ni Soro 19:2

Mo vosa vei ira nai soqosoqo taucoko ni Isireli, ka kaya vei ira, Mo dou savasava; ni'u sa savasava koi au ko Jiova na nomudou Kalou.

Vunau ni Soro 20:26

Ia dou savasava vei au: ni'u sa savasava koi au ko Jiova, ia ka'u sa tawasei kemudou maivei ira na veimatanitu, mo dou noqu.

Vunau ni Soro 20:7

O koya mo dou vakasavasavataki kemudou kina, mo dou savasava: ni sai au ko Jiova na nomudou Kalou:

Neumi 1:2

Sa Kalou vuvu ko Jiova, a sa ia na veisausaumi; sa ia na veisausaumi ko Jiova, ka sa ka levu na nona cudru; ena ia na veisausaumi ko Jiova vei ira sa cati koya, io, sa binia ko koya na cudru me tau vei ira na nona meca.

Apakuki 1:13

Sa savasava na matamuni ka sa dredre kina mo ni vakaraica na ca, ia ko ni sa sega ni vosota mo ni raica na ka e ca: sa vakaevei li ni kemuni sa mai raici ira kina na dauvakacaca, ka tiko lo ni sa tilomi koya sa yalododonu ko koya na tamata ca?

Maciu 6:24

Sa sega e dua na tamata sa qarava rawa e le rua na turaga; ni na cata e dua, ka lomani koya kadua; se na kabita e dua, ka beci koya kadua. Dou sa sega ni qarava rawa na Kalou kei nai yau.

Josua 24:18

ka sa vakaseva tani ko Jiova na tamata kecega mai vei keda, na Amoraiti era a tiko e na vanua: o koya oqo keimami talega, keimami na qaravi Jiova; ni sa neimami Kalou ko koya.

Josua 24:23

Ia oqo, mo ni biuta tani na veikalou ni kai tani sa tu vei kemuni, ka vagolea na lomamuni vei Jiova na Kalou i Isireli.

Ruci 1:15

A sa kaya ko koya, Raica, sa lesu tale na dauvemu vei ira na kai nona, kei na nona kalou; mo lesu talega mo muria na wekamu yalewa.

1 Samuela 3:14

O koya oqo ka'u sa bubului kina e na vukudra na lewe-ni-vale i Ilai, ni na sega ni buluti na nodra i valavala ca na lewe-ni-vale i Ilai, ka sega ni mudu, sa segai e nai soro se nai madrali.

1 Samuela 6:20

A ra sa kaya na kai Peci-semesi, O cei sa rawata me tu e na mata i Jiova na Kalou yalosavasava oqo? ia ena lako cake vei cei ko koya maivei keda?