Josua 24:17 - Vakavakadewa Makawa

¹⁷ ni sai Jiova ga na noda Kalou, ka kauti keda cake kei ira na noda qase mai na vanua ko Ijipita, mai na vale ni bobula, ka sa kitaka nai vakatakilakila levu oqori e matada, ka maroroi keda e na sala kecega eda a lako kina, e na kedra maliwa talega na lewe ni veivanua eda a lako kina:

Ai Vola Tabu (Vakadewa Makawa Vakavoutaki 2021)

¹⁷ ni sai Jiova ga na noda Kalou ka kauti keda cake kei ira na noda qase mai na vanua ko Ijipita, mai na vale ni veivakabobulataki, ka sa kitaka nai vakatakilakila levu oqori e matada. A sa maroroi keda e na sala kecega eda a lako kina, e na kedra maliwa talega na lewe ni veivanua eda a lako kina;

AI VOLA TABU

¹⁷ ni sa ko Jiova ga na noda Kalou, ko koya ga ka kauti keda cake kei ira na noda qase mai na vanua ko Ijipita, mai na vale ni bobula, a sa kitaka nai vakatakilakila levu o qori e na matada, ka maroroi keda e na sala kecega eda a lako kina, e na kedra maliwa talega na lewe ni veivanua eda a lako kina:

Vakavakadewa Vou kei na iVola tale eso

¹⁷ Sai Jiova ga na noda Kalou sa kauti ira mai na noda qase vata kei keda mai na vanua ni veivakabobulataki o Ijipita, ka da sarava kece na veicakacaka mana sa vakayacora e matada. Sa taqomaki keda ka maroroi keda ena veivanua kece eda lako kina.

Ai Vola Tabu Ena Vakavakadewa Vou

¹⁷ Sai Jiova ga na noda Kalou sa kauti ira mai na noda qase vata kei keda mai na vanua ni veivakabobulataki o Ijipita, ka da sarava kece na veicakacaka mana sa vakayacora e matada. Sa taqomaki keda ka maroroi keda ena veivanua kece eda lako kina.

Josua 24:17 Iomraidhean Croise

2 Veigauna 13:10

Ia koi keimami, sa neimami Kalou ga ko Jiova, ia keimami sa sega ni biuti koya; kei ira na bete, era sa qaravi Jiova tiko, era sa luve i Eroni, kei ira na Livai era kitaka tiko na nodra i tavi:

Lako Yani 13:14

Ia ena yaco ni sa tarogi iko na luvemu e na gauna maimuri, ka kaya, A cava oqo? mo qai kaya vua, Sa kauti keda tani e na ligana kaukauwa ko Jiova mai Ijipita, mai na vale ni veivakabobulataki:

Lako Yani 13:3

A sa kaya vei ira na tamata ko Mosese, Dou nanuma na siga oqo, dou a lako mai kina mai Ijipita, mai na vale ni veivakabobulataki; ni sa kauti kemudou tani maikina ko Jiova e na ligana kaukauwa: ia me kakua ni kani na madrai sa vakaleveni.

Lako Yani 19:4

Dou sa raica na ka ka'u a cakava, vei ira na kai Ijipita, kei na noqu tabei kemudou cake me vaka e na taba ni ikeli, kei na noqu kauti kemudou mai vei au:

Aisea 46:4

ia ka'u sai koyakoya tikoga ka yacova na gauna dou na qase kina; ka'u na keveti kemudou mo dou sa sika mada ga: ka'u a bulia, ia ka'u na ia tikoga na veikeveti, kei na veiroqoti, ka'u na ia talega na veivakabulai.

Vakarua 29:2

A sa kacivi ira kecega na Isireli ko Mosese, ka kaya vei ira: Kemuni sa kunea na ka kecega sa cakava ko Jiova e matamuni e na vanua ko Ijipita kivei Fero, vei ira talega na nona tamata kecega, ki na nona vanua kece talega;

Vakarua 32:9

Ni sai yau i Jiova ko ira na nona tamata; Na Jekope nai votavota sa taukena ko koya.

Vakarua 7:19

na veivakatovolei levu sa kunea na matamuni, kei na veivakatakilakila, kei na veika-mana, kei na liga kaukauwa, kei na liga sa dodo yani, sa kauti kemuni tani kina ko Jiova na nomuni Kalou: ena kitaka vakakina ko Jiova na nomuni Kalou vei ira na matanitu kecega ko ni sa rerevaka.

Josua 24:16

A ra sa vosa mai na tamata, ka kaya, Me yawa sara vei keimami me keimami laivi Jiova me la'ki qarava na kalou tani eso;

Josua 24:18

ka sa vakaseva tani ko Jiova na tamata kecega mai vei keda, na Amoraiti era a tiko e na vanua: o koya oqo keimami talega, keimami na qaravi Jiova; ni sa neimami Kalou ko koya.