Josua 24:14 - Vakavakadewa Makawa

¹⁴ Ia oqo, mo ni rerevaki Jiova, ka qaravi koya e na yalododonu ka vakaidina: ka biuta tani na veikalou era qarava na nomuni qase mai tai kadua ni Uciwai, mai Ijipita talega; ia mo ni qaravi Jiova.

Ai Vola Tabu (Vakadewa Makawa Vakavoutaki 2021)

¹⁴ “Ia oqo, mo ni rerevaki Jiova, ka qaravi koya e na yalododonu ka vakaidina; ka biuta tani na veikalou era qarava na nomuni qase mai tai kadua ni Uciwai, mai Ijipita talega; ia mo ni qaravi Jiova.

AI VOLA TABU

¹⁴ Ia o qo, mo dou rerevaki Jiova, ka qaravi koya e na yalododonu ka vakaidina: ka biuta tani na veikalou era qarava na nomudou qase mai tai kadua ni Uciwai, mai Ijipita talega; ia mo dou qaravi Jiova.

Vakavakadewa Vou kei na iVola tale eso

¹⁴ “Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga.

Ai Vola Tabu Ena Vakavakadewa Vou

¹⁴ “Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga.

Josua 24:14 Iomraidhean Croise

Vakatekivu 17:1

Sa ciwasagavulu ka ciwa na yabaki i Eparama, sa qai rairai vei Eparama ko Jiova, a sa kaya vua, Koi au na Kalou Kaukauwa: me dodonu na nomu i valavala vei au, ka mo kakua ni cala:

Vakatekivu 35:2

A sa kaya ko Jekope vei ira na nona lewe-ni-vale, kei ira kecega era tiko kaya, Dou biuta tani na kalou ni kai tani sa tiko kei kemudou, dou savasava talega, ka vakaisulu e nai sulu tani:

2 Tui 20:3

Au masuti kemuni, Jiova, mo ni nanuma mada na noqu lako voli e matamuni e na yalodina kei na yalo e dua bau, kei na noqu caka vinaka e matamuni. A sa tagi vakalevu ko Esekaia.

Esera 9:11

ko ni sa vakarota e na gusudra na nomuni talatala na parofita, ni kemuni sa kaya, A vanua dou sa lako kina mo dou taukena, sa vanua dukadukali, e na nodra dukadukali na lewe ni veivanua, e na nodra ka vakasisila, sa sinai kina e na nodra dukadukali, mai na kenai yalayala e dua ki na kenai yalayala kadua.

Jope 1:1

Sa dua na tamata mai na vanua ko Usi, na yacana ko Jope; ia na tamata ko ya sa yalododonu ka daucaka dodonu, a sa rerevaka tiko na Kalou, ka sega ni torova na ca.

Jope 28:28

Ka sa kaya vua na tamata, Raica, na rerevaka na Turaga, sai koya na vuku; Kei na biuta na ka ca, sai koya na yalomatua.

NA SAME 111:10

Na rerevaki Jiova sa kenai vakatekivu ni vuku: Era sa yalomatua kecega ko ira era sa cakava na nona vunau: Sa na sega ni mudu na nona vakavinavinakataki.

NA SAME 119:1

Sa kalougata ko ira era sa dodonu sara e na sala, Era muria na vunau i Jiova.

NA SAME 119:80

Me dodonu sara na lomaqu e na nomuni lesilesi; Me'u kakua ni madua kina. KAFA

NA SAME 130:4

Ia sa tiko vei kemuni na loloma, Mo ni vakarokorokotaki kina.

NA SAME 81:10

Oi au ko Jiova na nomu Kalou, Ka kauti iko tani mai na vanua ko Ijipita: Mo dalaga vakalevu, ia ka'u na vakamamautaki iko.

Isikeli 20:18

Ia ka'u a kaya vei ira na luvedra e na vanua liwa lala, Mo dou kakua ni muria na nodra vunau na nomudou qase, kakua ni vakabauta na nodra lewa, kakua talega ni vakadukadukalitaki kemudou e na nodra matakau:

Isikeli 23:3

ka rau sa ia na dautagane mai Ijipita; ni rau sa goneyalewa tiko erau sa ia na dautagane: sa bikai maikea na sucudrau, io maikea sa rau tabaka na mata-ni-sucudrau vagoneyalewa.

Osea 3:5

ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.

Vunau ni Soro 17:7

Ia me ra kakua ni vakacabora tale na nodra i soro vei ira na me tagane, era sa lako tani kina me muria. A ka oqo sa kenai lesilesi ka tawa mudu vei ira e na nodra veitabatamata.

Maika 6:8

Sa vakatakila oti vei iko, na tamata, na ka e vinaka: ia ka cava tale sa taroga maivei iko ko Jiova, mo caka dodonu ga, ka mo vinakata na yalololoma, ka mo yalomalumalumu talega ni drau lako vata kaya na nomu Kalou?

Luke 8:15

Ia ko koya e na vanua vinaka, sa vakai ira era sa yalodina ka vinaka, a ra sa rogoca na vosa, ka taura deivaka, ka vakavuana tikoga.

Cakacaka 9:31

Sa qai cegu nai soqosoqo lewe ni lotu mai Jutia taucoko kei Kalili kei Samaria, a ra sa vakatataki cake; ka sa dau nodrai valavala me ra rerevaka na Turaga, ka sa vakacegui ira na Yalo Tabu, ka ra sa tubu kina me ra lewe vuqa.

2 Korinica 1:12

Ia oqo na ka keitou sa reki kina, nai tukutuku ni neitou lewa eloma, ni sa ia na neitou i valavala e vuravura oqo e na loma e dua bauga, kei na loma dina vua na Kalou, ka vakalevu sara vei kemudou, sa segai e na vuku vakavuravura, e na loloma ga ni Kalou.

Efeso 6:24

Me tu na loloma vei ira kecega era sa lomana na noda Turaga ko Jisu Karisito e na lomadina. Emeni.

Vakarua 10:12

Ia oqo, kemuni na Isireli, a cava na ka sa taroga vei kemuni ko Jiova na nomuni Kalou, mo ni rerevaki Jiova ga na nomuni Kalou, ka mo ni lako e na nona sala kecega ka lomani koya, ka qaravi Jiova na nomuni Kalou, e na lomamuni taucoko kei na yalomuni taucoko,

Vakarua 18:13

Mo ni yalodina sara vei Jiova na nomuni Kalou.

Vakarua 6:13

Mo ni rerevaki Jiova ga na nomuni Kalou, ka qaravi koya, ka cavuta na yacana ga ni kemuni sa bubului.

Filipai 1:10

mo dou vinakata kina na veika sa vinaka sara, mo dou yalodina ka sega ni cala me yaco mada na siga i Karisito;

Josua 24:2

A sa kaya ko Josua kivei ira na tamata kecega, Sa vosa vakaoqo ko Jiova na Kalou i Isireli, Sa ra tiko na nomuni qase eliu mai tai kadua ni Uciwai, io ko Tira, na tama i Eparaama, kei na tama i Neori: ia era a qarava na kalou tani eso:

Josua 24:23

Ia oqo, mo ni biuta tani na veikalou ni kai tani sa tu vei kemuni, ka vagolea na lomamuni vei Jiova na Kalou i Isireli.

1 Samuela 12:14

Kevaka kemuni na rerevaki Jiova, ka qaravi koya, ka vakarorogo ki na nona vosa, ka sega ni talaidredre ki nai vakaro i Jiova, ka sa muri Jiova na nomuni Kalou, oi kemuni kei koya talega na tui sa lewai kemuni, sa na qai vinaka:

1 Samuela 12:24

ni rerevaki Jiova ga, ka qaravi koya vakaidina e na yalomuni taucoko; ia mo ni nanuma na veika levu sa cakava vei kemuni ko koya.

1 Samuela 7:3

A sa vosa vei ira kecega na mataqali i Isireli ko Samuela, ka kaya, Kevaka kemuni sa saumaki vei Jiova e na yalomuni taucoko, mo ni biuta na nodra kalou na kai tani kei Aseteroci mai na kemuni maliwa, ka vakarautaka na yalomuni vei Jiova, ka qaravi koya duaduaga; ena qai vakabulai kemuni ko koya mai na ligadra na kai Filisitia.