Josua 23:13 - Vakavakadewa Makawa

¹³ mo ni kila vakaidina ni na sega sara ni vakasevi ira tani mai vei kemuni na veimatanitu oqo ko Jiova na nomuni Kalou; era na lawa ga, kei nai cori vei kemuni, kei na kuita ki na sarisarimuni, kei na voto ni kau e na matamuni, ia kemuni na rusa laivi kina mai na dela ni vanua vinaka oqo, ko ya sa solia vei kemuni ko Jiova na nomuni Kalou.

Ai Vola Tabu (Vakadewa Makawa Vakavoutaki 2021)

¹³ mo ni kila vakaidina ni na sega sara ni vakasevi ira tani mai vei kemuni na veimatanitu oqo ko Jiova na nomuni Kalou; ia era na lawa ga kei nai cori vei kemuni, kei na kuita ki na sarisarimuni, kei na voto ni kau e na matamuni, ia kemuni na rusa laivi kina mai na dela ni vanua vinaka oqo, ko ya sa solia vei kemuni ko Jiova na nomuni Kalou.

AI VOLA TABU

¹³ dou kila vakaidina ni na sega ni vakasevi ira tiko mai na matamudou na veimatanitu o qo ko Jiova na nomudou Kalou; era na lawa ga, kei nai cori, kei na kuita ki na sarisarimudou, kei na voto ni kau e na matamudou, vei kemudou, ia dou na oti kina mai na dela ni vanua vinaka o qo, a ya sa solia vei kemudou ko Jiova na nomudou Kalou.

Vakavakadewa Vou kei na iVola tale eso

¹³ mo ni rogoca vakavinaka sara ni na sega ni tomana tikoga na nomuni Kalou o Jiova na vakasavi ira tani na lewe ni veivanua oqo ena gauna o ni sa toso yani kina. Ia era na yaco me ra ka vakarerevaki vei kemuni me vaka na dai, se na i keli titobu, ka ra yaco talega me ka mosimosi vei kemuni me vaka na kuita ni sa tau oti e dakumuni, se voto ni kau e matamuni. Ena ia tiko na ka oqo me yacova sara ni sa sega tale ni vo e dua vei kemuni ena vanua vinaka oqo ka sa solia vei kemuni o Jiova na nomuni Kalou.

Ai Vola Tabu Ena Vakavakadewa Vou

¹³ mo ni rogoca vakavinaka sara ni na sega ni tomana tikoga na nomuni Kalou ko Jiova na vakasavi ira tani na lewe ni veivanua oqo ena gauna o ni sa toso yani kina. Ia era na yaco me ra ka vakarerevaki vei kemuni me vaka na dai, se na i keli titobu, ka ra yaco talega me ka mosimosi vei kemuni me vaka na kuita ni sa tau oti e dakumuni, se voto ni kau e matamuni. Ena ia tiko na ka oqo me yacova sara ni sa sega tale ni vo e dua vei kemuni ena vanua vinaka oqo ka sa solia vei kemuni ko Jiova na nomuni Kalou.

Josua 23:13 Iomraidhean Croise

1 Tui 11:4

Ia ni sa qase mai ko Solomoni, sa vukica na yalona ko ira na watina me muri ira na kalou tani: a sa sega ni dodonu na yalona vei Jiova na nona Kalou, me vaka na yalo i Tevita na tamana.

2 Tui 17:18

A sa cudru vakalevu kina vei ira na Isireli ko Jiova, ka biuti ira tani e matana: sa sega ni vo e dua, na mataqali i Juta duaduaga.

2 Tui 17:20

A sa biuta kecega na nodra kawa na Isireli ko Jiova, ka vakararawataki ira, ka soli ira ki na ligadra na dauvakacaca, ka yacova na gauna sa biuti ira tani kina e matana:

2 Tui 25:21

A sa mokuti ira ko tui Papiloni, ka vakamatei ira mai Ripila e na vanua ko Emaci. A sa kau vakabobula tani ko ira na Juta mai na nodra vanua.

2 Tui 25:26

A ra sa cavu tu ko ira kecega na tamata, ko ira na lalai kei ira na lelevu, kei ira na turaga ni veimataivalu, a ra sa lako ki Ijipita: ni ra sa rere e na vukudra na kai Kalitia.

NA SAME 69:22

Me kenai cori vei ira ga na nodra tepeli: Kei na nodra tiko vinaka, me sa tudai.

Lako Yani 10:7

A ra sa kaya vei Fero ko ira era qaravi koya, A cava na kena dede me vakavuna tiko na ca vei keda na tamata oqo? mo ni laivi ira na tamata me ra lako, me ra qaravi Jiova na nodra Kalou: ko ni sa sega tiko ni kila rawa ni sa ca ko Ijipita?

Lako Yani 23:33

Me ra kakua ni tiko e nomudou vanua, de ra vakacalai kemudou vei au: ia kevaka dou qaravi ira na nodra kalou, dou na tacori dina kina.

Lako Yani 34:12

Mo qarauni iko, de ko ia na veiyalayalati kei ira na lewe ni vanua ko sa lako kina, de sa dua nai cori e na kemudou maliwa:

Lako Yani 34:16

ko qai kauta na nodra goneyalewa me watidra na luvemu, a sa lako tani ko ira na nodra goneyalewa ka dautagane ni ra muri ira na nodra kalou, ka kauti ira na luvemu tagane me la'ki dauyalewa ni ra muri ira na nodra kalou:

Isikeli 28:24

Ia ena sega tiko vei ira na mataqali i Isireli e dua na kedra soni dauveilau, se dua na kedra wa-vakavotona e dauveivakararawataki vei ira kece era tiko vakavolivoliti ira, ka beci ira; ka ra na kila ni sai au na Turaga ko Jiova.

Tiko mai na Lekutu 33:55

Ia kevaka dou sa bese ni vakasavi ira tani e matamudou na lewe ni vanua; ko ira dou sa laivi ira me ra tiko, era na qai vaka na voto ni kau e na matamudou, kei na kau votovotoa e na sarisarimudou, ka ra na vakararawataki kemudou e na vanua dou sa tiko kina.

Luke 21:24

A ra na vakamatei e nai seleiwau, a ra na kau vakabobula ki na veivanua: a ra na butuki Jerusalemi sobu ko ira na veimatanitu, me yacova nai vakataotioti ni nodra gauna na veimatanitu.

Vakarua 29:28

a sa cavuivuvutaki ira tani mai na nodra vanua ko Jiova, e na cudru, kei na lesa, kei na veilevaci levu, ka biuti ira ki na vanua tani, me vaka e na siga oqo.

Vakarua 30:18

au sa tukuna vei kemuni e na siga oqo, kemuni na rusa vakaidina, ena sega ni balavu na nomuni bula e na vanua, ko ni sa qalo-kosova kina na Joritani mo ni taukena.

Vakarua 4:26

au sa kacivi lomalagi kei vuravura edaidai me kila e na vukumuni, ni kemuni na kawayali vakusakusa mai na vanua kemuni sa qalo-kosova na Joritani mo ni taukena; ena sega ni balavu kina na nomuni bula, ia kemuni na kawayali vakaidina ga.

Vakarua 7:16

Ia ko ni na vakarusai ira kecega na veimatanitu sa solia vei kemuni ko Jiova na nomuni Kalou; me kakua ni lomani ira na matamuni: ia mo ni kakua ni qarava na nodra kalou; de sa kenai cori vei kemuni.

2 Timoci 2:26

ka me ra bula tale mai nai cori ni tevoro, ni sa vakabobulataki ira ko koya me vaka na nona lewa.

Dauveilewai 2:21

au na sega talega ni vakaseva tani e matadra e dua vei ira na veimatanitu ka vo tiko ni sa mate ko Josua: